follow us:
పాత సీరియల్‌ రామాయణంలో సీత పాత్ర చేసిన దీపిక కృతీ సనన్‌పై ఫైర్‌ అయ్యారు. తిరుమలలో చోటుచేసుకున్న ఘటనను ఆమె తప్పుబట్టారు. ఆమె మీడియాతో మట్లాడుతూ..
హీరోయిన్‌ కృతీ సనన్‌- దర్శకుడు ఓం రౌవత్‌ తిరుమల క్షేత్రంలో ముద్దు పెట్టుకోవటం తీవ్ర విమర్శల పాలవుతున్న సంగతి తెలిసిందే. ఈ ఇద్దర్నీ మీడియాతో పాటు సామాన్య జనం కూడా తప్పుబడుతున్నారు. దేవుడి సినిమాలో నటించి.. పుణ్య క్షేత్రంలో అశ్లీలంగా ప్రవర్తించటం ఏంటని ప్రశ్నిస్తున్నారు. ఈ నేపథ్యలోనే పాత రామయాణం సీరియల్లో సీత పాత్ర చేసిన నటి దీపిక.. సీత పాత్రలో నటించిన కృతీ సనన్‌ తీరును తప్పుబట్టారు. ఈ మేరకు మీడియాతో మాట్లాడుతూ.. ‘‘ ఇప్పుడున్న నటులతో ఇదే వచ్చిన చిక్కంతా. ఎవ్వరూ తమ పాత్రలోకి వెళ్లరు.. దాని ఎమోషన్‌ను అర్థంచేసుకోరు. కృతిసనన్‌, ఓం రౌవత్‌కు ఆదిపురుష్‌ ఓ సినిమా మాత్రమే అయిఉండొచ్చు.
కృతి సనన్‌ సీత పాత్రలో మనసు పెట్టి నటించడానికి చాలా కష్టపడి ఉండొచ్చు. కృతీ ఈ జనరేషన్‌ నటి. ఈ కాలంలో ఎవరినైనా హత్తుకోవటం, ముద్దు పెట్టుకోవటం మంచిగా పలకరించటం లాంటిది. కానీ, పవిత్ర క్షేత్రంలో అలా చేయటం సిగ్గుచేటు. ఆమె తనను తాను సీత అని ఎప్పుడూ అనుకోదు. మా కాలంలో షూటింగ్‌ స్పాటులో కూడా మమ్మల్ని ఎవరూ మా పేర్లతో పిలవటానికి సాహసం చేసేవారు కాదు. మేము దేవుళ్ల పాత్రలో ఉన్నపుడు సెట్‌లోని చాలా మంది మా పాదాలు తాకి వెళ్లేవారు.
ఆ కాలం అంతా వేరు. ఆ కాలంలో ప్రేక్షకులు మమ్మల్ని కేవలం పాత్రలు మాత్రమే అనుకోలేదు. మమ్మల్ని నిజమైన దేవుళ్లుగానే భావించారు. మేము ఎవ్వరినీ హత్తుకునే వాళ్లం కాదు. ముద్దు కూడా పెట్టనిచ్చేవాళ్లం కూడా కాదు. ఆదిపురుష్‌లో చేసిన వారికి అది కేవలం సినిమానే కావచ్చు. కానీ, ప్రజల సెంటిమెంట్లను గాయపర్చటం మంచిది కాదు’’ అని పేర్కొన్నారు. మరి, కృతీసనన్‌పై రామయణం సీత దీపిక ఫైర్‌ అవ్వటంపై చేయటంపై మీ అభిప్రాయాలను కామెంట్ల రూపంలో తెలియజేయండి.
