follow us:
టాలీవుడ్‌లో వివాదాలకు కేరాఫ్‌ అడ్రెస్‌ ఎవరు అంటే టక్కున గుర్తుకు వచ్చే పేరు రామ్ గోపాల్ వర్మ. ఆర్జీవీ అంటే ఒకప్పడు దేశం గర్వించే స్థాయి దర్శకుల్లో ఒకడిగా గుర్తింపు తెచ్చుకున్నాడు. కొన్నేళ్ల పాటు బాలీవుడ్‌ని ఏలాడు. అక్కడ స్టార్‌ హీరోలందరితో సినిమాలు తీశాడు. ఆర్జీవీ అంటే తెలుగు దర్శకుడు అని అప్పట్లో చాలా మందికి తెలియదు. అంతలా బాలీవుడ్‌లో క్రేజ్‌ సంపాదించుకున్నాడు ఆర్జీవీ. అయితే రాను రాను ఆర్జీవీలోని దర్శకుడు చచ్చిపోయి.. మరో కొత్త వ్యక్తి బయటకు వచ్చాడు. ప్రస్తుతం ఆర్జీవీ అంటే వివాదాలు.. ఆర్జీవీ సినిమాలు అంటే మితిమీరిన శృంగారం, వివాదం ఇవే అనే స్థాయికి పడిపోయాడు. వీటికి తోడు.. ఇటు తెలుగు రాయకీయాలు, సినిమా ఇండస్ట్రీ గురించి నిత్యం ఏదో ఓ విషయం మీద స్పందిస్తూ.. వివాదాలు రాజేస్తూనే ఉంటాడు.
ఇక తాజాగా ఆర్జీవీ కన్ను దర్శక దిగ్గజం రాజమౌళి మీద పడింది. బాహుబలి సినిమాలతో దేశవ్యాప్తంగా పేరు తెచ్చుకున్న జక్కన్న.. ఆర్‌ఆర్‌ఆర్‌తో హాలీవుడ్‌ స్థాయికి ఎదిగాడు. తాజాగా ప్రకటించిన గోల్డెన్‌ గ్లోబ్‌ అవార్డుల్లో.. ఆర్‌ఆర్‌ఆర్‌ సినిమాలోని నాటు నాటు పాట అవార్డు గెలుచుకున్న సంగతి తెలిసిందే. ప్రస్తుతం ఈ సినిమా ఆస్కార్‌ బరిలో కూడా ఉంది. ఇక రీసెంట్‌గా రాజ‌మౌళితో జేమ్స్ కామెరూన్ మాట్లాడిన వీడియో ఒకటి నెట్టింట వైరల్ అయిన సంగతి తెలిసిందే.
హాలీవుడ్‌లో ప్రాజెక్ట్‌ చేయాలనుకుంటే నాకు చెప్పండి.. నేను మీకు సాయం చేస్తాను అంటూ కామెరూన్.. జక్కన్నకు హామీ ఇచ్చారు. ప్రస్తుతం ఆ వీడియోను తన ట్విట్టర్‌ ఖాతాలో షేర్‌ చేసిన వర్మ.. రాజమౌళికి కాస్త భిన్నంగా ప్రశంసలు తెలిపాడు. అంతేకాక రాజమౌళిని చంపేందుకు కుట్ర చేస్తున్నారంటూ ట్వీట్ చేసి.. సంచలనం సృష్టించాడు వర్మ.
ఆ వివరాలు..‘‘దాదా సాహెబ్ ఫాల్కే నుంచి రాజమౌళి వ‌ర‌కు భారతీయ సినిమా చరిత్రలో.. ఏదో ఓ రోజు.. ఓ ఇండియ‌న్ డైరెక్ట‌ర్ ఇలాంటి అపూర్వ‌మైన క్ష‌ణాల‌ను అనుభ‌విస్తాడ‌ని ఎవరూ ఊహించి ఉండ‌రు. సాధార‌ణంగా మొఘ‌ల్ ఏ అజామ్ చిత్రాన్ని రూపొందించిన దర్శకుడు, షోలేను రూపొందించిన ర‌మేష్ షిప్పి ఇంకా ఆదిత్య చోప్రాలు, క‌ర‌ణ్ జోహార్‌లు, బ‌న్సాలీలు, నేను.. నీ పాదాన్ని చీకాలి’’అంటూ ట్వీట్ చేశాడు.
‘‘రాజ‌మౌళిగారు మీరు మీ సెక్యూరిటీని పెంచుకోండి. ఎందుకంటే భారతదేశంలోని కొంద‌రు ఫిల్మ్ మేక‌ర్స్.. మీరు సాధించిన విజయం చూసి.. అసూయ‌తో ఓ గ్రూపుగా ఏర్పడ్డారు. వారంతా మీపై దాడి చేయ‌టానికి ఓ గుంపును సిద్ధం చేశారు. ఆ గుంపు ఎప్పుడైనా మిమ్మ‌ల్ని చంపేయ‌వ‌చ్చు. అందులో నేను కూడా ఉన్నాను. కాకపోతే 4 పెగ్గులు పడేసరికి.. నేను అసలు విషయం ఇలా బయటకు కక్కేసాను’’ అంటూ ట్వీట్ చేశాడు రామ్ గోపాల్ వర్మ.
రాజమౌళిని ప్రశంసించడం కోసమే వర్మ ఇలా డిఫరెంట్‌గా ట్వీట్ చేసి.. మరోసారి తాను మిగతావారికి భిన్నం అని నిరూపించుకున్నాడు. ప్రస్తుతం ఆర్జీవీ చేసిన ట్వీట్స్‌ వైరలవుతన్నాయి. మరి ఆర్జీవీ చేసిన ట్వీట్‌పై మీ అభిప్రాయాలను కామెంట్స్‌ రూపంలో తెలియజేయండి.
From Dada Sahab Phalke onwards till now , no one in the history of Indian cinema including @ssrajamouli could have imagined that an Indian director someday will go through this moment https://t.co/85gosw66qJ
— Ram Gopal Varma (@RGVzoomin) January 23, 2023
Hey @ssrajamouli U basically SURPASSED every film maker from #KaAsif who made #MughaleAzam till #RameshSippy who made #Sholay and also the likes of Aditya Chopras, Karan Johars and the bhansalis of India and I want to suck ur little toe for that https://t.co/KCgN0u2eJa
— Ram Gopal Varma (@RGVzoomin) January 23, 2023
