‘పఠాన్’ టికెట్ రేట్స్ తగ్గింపు! ‘బాహుబలి 2’ని టార్గెట్ చేశారా?

కొన్నాళ్లుగా సరైన హిట్స్ లేక తడబడుతున్న బాలీవుడ్ కి ‘పఠాన్‘ సినిమాతో మంచిపోలేని బ్లాక్ బస్టర్ అందించాడు బాద్షా షారుఖ్ ఖాన్. బాహుబలి తర్వాత కేజీఎఫ్, సాహో లాంటి సినిమాలతో బాలీవుడ్ లో కూడా సౌత్ సినిమాల డామినేషన్ ఎక్కువగా కనిపించింది. అంతెందుకు మొన్నటివరకూ ఆర్ఆర్ఆర్, కేజీఎఫ్ 2, విక్రమ్, కాంతార, కార్తికేయ 2.. ఇలా దాదాపు దక్షిణాది సినిమాలే పాన్ ఇండియా వైడ్ బాక్సాఫీస్ ని షేక్ చేశాయి. ముఖ్యంగా ఐదేళ్ల క్రితం బాలీవుడ్ లో ‘బాహుబలి 2’ సెట్ చేసిన రూ. 510 కోట్ల నెట్ షేర్ రికార్డుని ఇప్పటిదాకా ఏ హిందీ సినిమా రీచ్ కాలేకపోయాయి. ఇప్పుడు బాహుబలి 2 రికార్డుని బ్రేక్ చేయాలనే టార్గెట్ తో పఠాన్ సినిమా థియేటర్స్ లో పరుగులు తీస్తోంది.

షారుఖ్ ఖాన్, దీపికా పదుకొనే జంటగా యాక్షన్ సినిమాల దర్శకుడు సిద్ధార్థ్ ఆనంద్.. ఈ పఠాన్ సినిమాని తెరకెక్కించాడు. యశ్ రాజ్ ఫిలిమ్స్ వారు నిర్మించిన ఈ సినిమాలో జాన్ అబ్రహం విలన్ గా నటించాడు. షారుఖ్ నుండి నాలుగేళ్ళ తర్వాత సినిమా రిలీజ్ అవుతుండటంతో సినిమాపై అంచనాలు భారీగా ఏర్పడ్డాయి. అదీగాక ఈ సినిమాలో సాంగ్స్ కూడా దేశవ్యాప్తంగా ట్రోల్స్ కి గురయ్యాయి. మొత్తానికి ఎన్నో విమర్శల మధ్య జనవరి 25న పఠాన్.. హిందీతో పాటు తెలుగు, తమిళ భాషలలో పాన్ ఇండియా మూవీగా రిలీజ్ అయ్యింది. కాగా.. విడుదలైన మొదటి షో నుండే హైలీ పాజిటివ్ టాక్ సొంతం చేసుకున్న ఈ సినిమా.. ఐదు రోజుల్లోనే ఈజీగా రూ. 550 కోట్లకు పైగా గ్రాస్ వసూల్ చేసింది.

ఆ తర్వాత నుండి కలెక్షన్స్ పరంగా నిలకడ మెయింటైన్ చేసిన పఠాన్.. మొత్తానికి ఇప్పటివరకు(22 రోజులు) వరల్డ్ వైడ్ రూ. 970 కోట్ల గ్రాస్ కలెక్షన్స్ రాబట్టింది. ఈ విషయాన్నీ ప్రొడక్షన్ హౌస్ అధికారికంగా అనౌన్స్ చేసింది. కాగా.. పఠాన్ మూవీ ఇప్పుడు ఓరల్ గా రూ. 1000 కోట్ల మార్క్ పై టార్గెట్ చేసినట్లు తెలుస్తోంది. ప్రెజెంట్ సినిమా కలెక్షన్స్ తగ్గుముఖం పట్టడంతో.. రూ. 1000 కోట్లు మార్క్ అందుకోవడానికే పఠాన్ టీమ్ ప్రేక్షకులకు బంపర్ ఆఫర్ ప్రకటించింది. ఈ శుక్రవారం అంటే.. ఫిబ్రవరి 17న ఇండియాలో పఠాన్ సినిమా టికెట్ ధరలను రూ. 110గా సెట్ చేసింది. అయితే.. వెయ్యి కోట్ల మార్క్ అందుకుంటుందేమో గానీ.. ఎండ్ ఆఫ్ ది డే బాహుబలి 2, కేజీఎఫ్ 2, ఆర్ఆర్ఆర్ కలెక్షన్స్ అందుకోవడం మాత్రం కష్టమే. ప్రస్తుతం పఠాన్ హిందీ వరకు రూ. 502 కోట్లు నెట్ రాబట్టిందని ట్రేడ్ వర్గాలు చెబుతున్నాయి. ఇక నెట్ లో బాహుబలి 2ని బీట్ చేయాలంటే.. ఇంకా రూ. 8 కోట్లు వసూల్ చేయాల్సి ఉంది. చూడాలి మరి.. పఠాన్ బాలీవుడ్ కి బాలీవుడ్ ని తిరిగి ఇవ్వనుందేమో!

Join the festivities of #Pathaan party, as it continues to get immense love all over! ❤️ Book your tickets now for #Pathaan NOW – https://t.co/SD17p6x9HI | https://t.co/VkhFng6vBj

Celebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/9VyUVEztPS

— Yash Raj Films (@yrf) February 16, 2023

#PathaanDay incoming! 💥 #Pathaan crosses 500 crores NBOC. Come celebrate with us this Friday. Book tickets at ₹ 110/- flat across all shows in India at @_PVRCinemas | @INOXMovies | @IndiaCinepolis and other participating cinemas! pic.twitter.com/7fuM0nU51c

— Yash Raj Films (@yrf) February 16, 2023