జనాలను కుక్కలంటావా..? ప్రకాష్ రాజ్ పై ‘కశ్మీర్ ఫైల్స్’ డైరెక్టర్ ఫైర్!

ఇండస్ట్రీలో ఎక్కువగా వివాదాస్పద వ్యాఖ్యలు చేసే నటులలో ప్రకాష్ రాజ్ ఒకరు. మొన్న పఠాన్ సినిమాని బ్యాన్ చేయాలన్న ట్రోలర్స్ పై కామెంట్ చేసి.. ఆ తర్వాత ‘ది కశ్మీర్ ఫైల్స్’ మూవీ మేకర్స్ పై ఘాటు వ్యాఖ్యలు చేసి వార్తల్లో నిలిచారు. ముఖ్యంగా కశ్మీర్ ఫైల్స్ దర్శకనిర్మాతలను ఆస్కార్, భాస్కర్ అంటూ చేసిన కామెంట్స్ ఏ స్థాయిలో చర్చలకు దారితీశాయో తెలిసిందే. ఇప్పుడు తాజాగా ప్రకాష్ రాజ్ చేసిన కామెంట్స్ పై కశ్మీర్ ఫైల్స్ డైరెక్టర్ వివేక్ అగ్నిహోత్రి రియాక్ట్ అవుతూ.. ప్రకాష్ రాజ్ పై తీవ్రవ్యాఖ్యలు చేశారు. ప్రస్తుతం ప్రకాష్ రాజ్ – వివేక్ మధ్య వివాదం ఇండస్ట్రీలో హాట్ టాపిక్ గా మారింది.

అసలు విషయంలోకి వెళ్తే.. గతేడాది చిన్న సినిమాగా విడుదలై బ్లాక్ బస్టర్ అందుకున్న ‘ది కశ్మీర్ ఫైల్స్’ మూవీపై ప్రకాష్ రాజ్ విరుచుకుపడ్డారు. ‘రీసెంట్ గా చూసిన నాన్‌సెన్స్ మూవీస్ లో ‘కశ్మీర్ ఫైల్స్’ ఒకటి. ఆ సినిమాని ఎవరో తీశారో కూడా తెలుసు. సిగ్గుచేటు. ఇంటర్నేషనల్ జ్యూరీనే వాళ్లపై ఉమ్మేసింది. పైగా ఆ సినిమాకి ఆస్కార్ నామినేషన్ రాలేదని డైరెక్టర్ అడుగుతున్నాడు. నిజానికి అతనికి ‘భాస్కర్’ కూడా రాదు. ఎందుకంటే బయట సెన్సిటివ్ మీడియా ఉంది. ఒక ప్రోపగాండాతో సినిమా తీయండి. నాకు తెలిసి ఇలాంటి మూవీస్ మేకింగ్ కే దాదాపు రూ. 2000 కోట్లు పెట్టారేమో. కానీ, జనాల్ని మళ్లీ మళ్లీ ఫూల్స్ ని చేయలేరని గుర్తుపెట్టుకోవాలి’’ అంటూ ఓ ఈవెంట్ లో ప్రకాశ్ రాజ్ ఘాటు వ్యాఖ్యలు చేశారు.

తాజాగా ప్రకాష్ రాజ్ వ్యాఖ్యలపై స్పందించిన దర్శకుడు వివేక్.. “జనాలు ఆదరించిన కశ్మీర్ ఫైల్స్ అనే మూవీ.. అర్బన్ నక్సల్స్‌ కు నిద్రలేకుండా చేసింది. అలాంటిది వీక్షకులను మొరిగే కుక్కలు.. అని పిలుస్తూ సినిమా రిలీజైన ఏడాది తర్వాత కూడా ఇబ్బంది పడుతున్నారు. మిస్టర్ అంధకార్ రాజ్.. భాస్కర్ ఎప్పటికీ మీదే అయినప్పుడు నేనెలా పొందుతాను” అంటూ ట్వీట్ తో స్ట్రాంగ్ కౌంటర్ వేశారు. ప్రస్తుతం వివేక్ ట్వీట్ సోషల్ మీడియాలో వైరల్ గా మారింది. ఈ ట్వీట్ చూస్తే ప్రకాష్ రాజ్ ఎలా రియాక్ట్ అవుతాడో తెలియదు. ఒకవేళ రియాక్ట్ అయితే మాత్రం వీరి వివాదం ఇంకా దూరం వెళ్తుందో చూడాలి. మరి వివేక్ – ప్రకాష్ రాజ్ ల వివాదంపై మీ అభిప్రాయాలను కామెంట్స్ లో తెలపండి.

A small, people’s film #TheKashmirFiles has given sleepless nights to #UrbanNaxals so much that one of their Pidi is troubled even after one year, calling its viewer’s barking dogs. And Mr. Andhkaar Raj, how can I get Bhaskar, she/he is all yours. Forever. pic.twitter.com/BbUMadCN8F

— Vivek Ranjan Agnihotri (@vivekagnihotri) February 9, 2023