ప్రముఖ నటుడికి గుండెపోటు! పరిస్థితి ఎలా ఉందంటే?

ప్రముఖ నటుడు గుండె సంబంధిత ఇబ్బందులతో ఆస్పత్రిలో చేరాడు. గురువారం రాత్రి సమయంలో ఆయనకు ఛాతిలో కొద్దిగా ఇబ్బందిగా ఉండటంతో ఆస్పత్రికి తరలించారు. ప్రముఖ బాలీవుడ్ నటుడు అన్ను కపూర్(అనిల్ కపూర్)ని గురువారం రాత్రి ఢిల్లీలోని శ్రీ గంగారామ్ ఆస్పత్రిలో అడ్మిట్ చేశారు. ఆయన ఆరోగ్యం ప్రస్తుతం నిలకడా ఉన్నట్లు ఆస్పత్రి వర్గాలు చెబుతున్నాయి. ఛాతీ నొప్పి రావడంతోనే ఆస్పత్రిలో చేరినట్లు తెలిపారు. ఆయనకు కార్డియాలజీ డిపార్ట్ మెంట్‌లో డాక్టర్ సుశాంత్ చికిత్స అందిస్తున్నట్లు వెల్లడించారు. ప్రస్తుతం ఆయన ఆరోగ్యం నిలకడగానే ఉన్నట్లు వెల్లడించారు.

అన్ను కపూర్ కేవలం నటుడు మాత్రమే కాదు.. ఆయన సింగర్, డైరెక్టర్, రేడియో జాకీ, టెలివిజన్ వ్యాఖ్యాత కూడా. 1983లో యాక్టింగ్ మొదలు పెట్టిన అన్ను కపూర్ ఇప్పటికీ నటుడుగా కొనసాగుతున్నారు. సపోర్టింగ్ రోల్స్ లో ఆయనకు చాలా మంచి గుర్తింపు, ఎంతో మంది అభిమానులు ఉన్నారు. జాలీ ఎల్ఎల్‌బీ 2, మిస్సింగ్, విక్కీ డోనర్ వంటి అద్భుతమైన సినిమాల్లో నటించారు. ఆయన డైరెక్ట్ చేసిన అభయ్ అనే సినిమా 1995 బెస్ట్ చిల్డ్రన్స్ పిక్చర్ గా జాతీయ అవార్డు సొంతం చేసుకుంది. ప్రస్తుతం ఆయన రెండు ప్రాజెక్టుల్లో నటిస్తున్నట్లు తెలుస్తోంది.

Annu Kapoor hospitalised in Delhi after complaining of chest problem

Read @ANI Story | https://t.co/SRRlgMZ94p#AnnuKapoor #AnnuKapoorHospitalised #Bollywood #BollywoodNews pic.twitter.com/Z0sEU7DcUA

— ANI Digital (@ani_digital) January 26, 2023