మొన్న మెగాస్టార్ తో.. ఇప్పుడు నటసింహంతో.. యాంకరమ్మ లక్కే.. లక్కు?

ఇండస్ట్రీలో అవకాశాలు రావాలన్నా.. వచ్చిన అవకాశాలు సద్వినియోగం చేసుకోవాలన్నా, దానికి అందంతో పాటుగా అదృష్టం కూడా కలిసి రావాలి. అయితే కొంత మంది బుల్లితెరపై స్టార్ గా వెలుగొందుతున్నప్పటికీ వెండితెరపై మాత్రం అవకాశాలను అందిపుచ్చుకోవడంలో విఫలం అవుతూనే ఉన్నారు. గత కొన్ని సంత్సరాలుగా బుల్లితెరను ఏలుతున్న ఓ యాంకర్ తాజాగా వరుసగా సినిమా అవకశాలను అందిపుచ్చుకుంటోంది. నిన్న చిరంజీవితో నటించే ఛాన్స్ కొట్టేసిన ఈ బ్యూటీ తాజాగా బాలకృష్ణ సినిమాలో కూడా అవకాశం కొట్టేసినట్లు తెలస్తోంది. మరి ఆ యాంకర్ బ్యూటీ ఎవరో ఇప్పుడు తెలుసుకుందాం.

బుల్లితెరకి గ్లామర్ టచ్ ఇచ్చిన యాంకర్ ఎవరు అంటే ఠక్కున గుర్తుకు వచ్చే పేరు శ్రీముఖి. తనదైన అందంతో, చలాకీ తనంతో టాలీవుడ్ లో తనకంటూ ఓ పేరును సంపాదించుకుంది శ్రీముఖి. గతంలో వెండితెరపై కొన్ని పాత్రల్లో మెరిసినప్పటికీ అంతగా పేరు రాలేదు. అయితే తాజాగా ఈ అమ్మడుకి అదృష్టం వరించింది. రీసెంట్ గా మెగాస్టార్ నటిస్తున్న భోళా శంకర్ సినిమాలో ముఖ్యపాత్ర పోషిస్తోంది అన్న సంగతి తెలిసిందే. ఖుషీ నడుము సీన్ రీమేక్ లో ఈ ముద్దుగుమ్మ కనిపించనున్నది. ఇక తాజాగా మరోసారి లక్కీ ఛాన్స్ కొట్టేసింది ఈ బ్యూటీ. నందమూరి బాలకృష్ణ హీరోగా అనిల్ రావిపూడి దర్శకత్వం వహిస్తున్న108 మూవీలో ఓ పాత్రలో శ్రీముఖి మెరవనున్నట్లు సమాచారం. ఈ సినిమాలో శ్రీలీలకు ఫ్రెండ్ క్యారెక్టర్ గా శ్రీముఖిని తీసుకున్నట్లు తెలుస్తోంది.

Wrapping up the year & The first schedule of #NBK108 with high positive energy 🤗

Special thanks to #NandamuriBalakrishna garu & my entire team for the great support on sets ❤️‍🔥#NBKLikeNeverBefore @MusicThaman @sahugarapati7 @harish_peddi @YoursSKrishna @Shine_Screens pic.twitter.com/JTGqEpfDAX

— Anil Ravipudi (@AnilRavipudi) December 31, 2022