ఆనంద్ మహీంద్రాతో రామ్ చరణ్ డాన్స్! వైరల్ గా మారిన వీడియో!

హైదరాబాద్ లో జరుగుతున్న ఈ రేసింగ్ ఛాంపియన్ షిప్ ని చూసేందుకు రోజురోజుకూ జనాలతో పాటు సెలబ్రిటీల సంఖ్య కూడా పెరుగుతోంది. నగరం నడిబొడ్డులోని హుస్సేన్ సాగర్ తీరాన ప్రతిష్టాత్మక ఈ ఫార్ములా రేసింగ్ నిర్వహిస్తున్నారు. ఫార్ములా వన్ తర్వాత అత్యంత ప్రజాదరణ పొందింది ఫార్ములా-ఈనే కావడంతో నగరమంతా సందడిగా మారిపోయింది. ఈ రేసింగ్ ని చూడటానికి సినీ సెలబ్రిటీలతో పాటు స్పోర్ట్స్ పర్సనాలిటీలు, దిగ్గజ వ్యాపారవేత్తలు సైతం పాల్గొంటున్నారు. ఇప్పటికే టాలీవుడ్ నుండి ఎంతోమంది సెలబ్రిటీలు ఈ రేసింగ్ చూసేందుకు వచ్చిన సంగతి తెలిసిందే.

ఈ క్రమంలో తాజాగా హైదరాబాద్ లోని ఫార్ములా ఈ రేసింగ్ ఈవెంట్ చూసేందుకు క్రికెట్ గాడ్ సచిన్ టెండూల్కర్ తో పాటు మెగా పవర్ స్టార్ రామ్ చరణ్, అక్కినేని నాగార్జున.. ప్రముఖ బిజినెస్ మ్యాన్, మహీంద్రా సంస్థల ఓనర్ ఆనంద్ మహీంద్రా పాల్గొని సందడి చేశారు. ఈ నేపథ్యంలో వీరందరికీ సంబంధించి వీడియోలు, ఫోటోలు సోషల్ మీడియాలో వైరల్ గా మారాయి. అయితే.. ఈ ఈవెంట్ కి రామ్ చరణ్ స్వామి మాలలో వచ్చాడు. అనంతరం ఆనంద్ మహీంద్రా.. రామ్ చరణ్ తో కలిసి ‘నాటు నాటు’ స్టెప్ వేయడం హాట్ టాపిక్ గా మారింది. ప్రెజెంట్ వీరి డాన్స్ వీడియో మెగా ఫ్యాన్స్ తో పాటు యావత్ కామన్ ఆడియెన్స్ ని ఆకట్టుకుంటోంది.

రామ్ చరణ్, ఆనంద్ మహీంద్రా డాన్స్ చేస్తున్న టైంలో కింగ్ నాగ్ కూడా పక్కనే ఉండి.. ఎంకరేజ్ చేయడం మనం వీడియోలో చూడవచ్చు. ఇక లెజెండ్ సచిన్ వచ్చేసరికి వీక్షకుల సంఖ్య మరింత రెట్టింపు అయిపోయిందని చెప్పాలి. మరి ఓరోజు ముందే టాలీవుడ్ సూపర్ స్టార్ మహేష్ బాబు సతీమణి నమ్రత, నారా లోకేష్ భార్య బ్రాహ్మణి, జూనియర్ ఎన్టీఆర్ భార్య లక్ష్మీప్రణతి హాజరవ్వడం చూసే ఉంటారు. ఇంకా మున్ముందు ఈ రేసింగ్ చూడటానికి దేశవ్యాప్తంగా ప్రముఖులు, సెలబ్రిటీలు వచ్చే అవకాశం ఉందని సమాచారం. సో.. రామ్ చరణ్, ఆనంద్ మహీంద్రాల డాన్స్ పై మీ అభిప్రాయాలను కామెంట్స్ లో తెలియజేయండి.

Well apart from the race, one real bonus at the #HyderabadEPrix was getting lessons from @AlwaysRamCharan on the basic #NaatuNaatu steps. Thank you and good luck at the Oscars, my friend! pic.twitter.com/YUWTcCvCdw

— anand mahindra (@anandmahindra) February 11, 2023