సీనియర్ నటి రేవతి కాళ్లు మెుక్కిన హీరో అడవి శేష్! వీడియో వైరల్..

చిత్ర పరిశ్రమలో ఎంత ఒదిగి ఉంటే అంత పేరు ప్రతిష్టలు వస్తాయి. అలా కాదని ఒక్క సినిమా హిట్ కాగానే నా అంత మెునగాడు లేడు అంటూ మాట్లాడితే ప్రేక్షకులు ఎలాంటి రిజల్ట్ ఇస్తారో ఈ మధ్య కాలంలో మనం చూశాం. కానీ ఓ హీరో మాత్రం ఎదిగే కొద్ది ఒదగడం అనే సామెతకు నిలువెత్తు నిదర్శనంగా నిలుస్తున్నాడు. అతడే హీరో అడవి శేష్. ఇండస్ట్రీలో వివాదాలకు దూరంగా ఉంటాడని శేష్ కు మంచి పేరు ఉంది. ఇక ప్రస్తుతం హిట్ 2 చిత్రం సూపర్ సక్సెస్ తో ఫుల్ ఖుషీగా ఉన్నాడు శేష్. ఈ క్రమంలోనే తాజాగా జరిగిన ఓ సినిమా ప్రమోషన్ లో భాగంగా సీనియర్ నటి రేవతి కాళ్లు మెుక్కాడు శేష్. ప్రస్తుతం ఆ వీడియో నెట్టింట వైరల్ గా మారింది.

అడవి శేష్.. టాలీవుడ్ లో విలక్షణమైన కథల ఎంపికతో విజయాలు సాధిస్తూ.. దూసుకెళ్తున్నాడు. తాజాగా హిట్ 2 మూవీతో భారీ విజయాన్ని అందుకున్నాడు ఈ టాలెంటెడ్ యంగ్ హీరో. సినిమా సక్సెస్ ను ఎంజాయ్ చేస్తున్న శేష్.. తాజాగా బాలీవుడ్ మూవీ అయిన ”సలామ్ వెంకీ” సినిమా ప్రమోషన్ల కార్యక్రమంలో పాల్గొన్నాడు. ఈ చిత్రానికి సీనియర్ నటి రేవతి దర్శకత్వం వహించడం విశేషం. ఇక ఈ చిత్రంలో అలనాటి బాలీవుడ్ స్టార్ హీరోయిన్ కాజోల్ ముఖ్య పాత్ర పోషిస్తోంది. ఫ్యామిలీ డ్రామాగా తెరకెక్కుతున్న ఈ సినిమా డిసెంబర్ 9న ప్రేక్షకుల ముందుకు రానుంది.

ఈ సందర్భంగా ‘సలామ్ వెంకీ’ మూవీ టీమ్ ప్రమోషన్ లో భాగంగా ప్రెస్ మీట్ నిర్వహించింది. ఈ కార్యక్రమానికి అడవి శేష్ ముఖ్య అతిథిగా హాజరైయ్యాడు. ఈ ఈ ఈవెంట్ లో కాజోల్ పై తనకున్న అభిమానాన్ని పంచుకున్నాడు శేష్ ఈ క్రమంలోనే తను మాట్లాడ్డం ముగిసిన తర్వాత వెళ్లే ముందు సీనియర్ యాక్టర్ రేవతి కాళ్లు మెుక్కాడు అడవి శేష్. ప్రస్తుతం ఈ వీడియో నెట్టింట వైరల్ గా మారింది. ఎంత పెద్ద హీరో అయినప్పటికీ పెద్ద వారికి గౌరవం ఇవ్వడంలోనే గొప్పతం ఉంటుందని ఈ వీడియో చూసిన అభిమానులు కామెంట్స్ చేస్తున్నారు.