విద్యార్థులకు శుభవార్త.. ఏడాదికి 60 వేల వరకు స్కాలర్‌షిప్ పొందే అవకాశం

ఆర్థికంగా వెనుకబడి చదువు కొనసాగించలేకపోతున్నారా! అయితే మీకో శుభవార్త. ‘U-Go స్కాలర్‌షిప్ ప్రోగ్రామ్’ ద్వారా గ్రాడ్యుయేషన్ కోర్సులను అభ్యసిస్తున్న విద్యార్థినులు ఆర్థిక సహాయం పొందవచ్చు. ఈ స్కాలర్‌షిప్ కింద, టీచింగ్, నర్సింగ్, ఫార్మసీ, మెడిసిన్, ఇంజనీరింగ్ చదువుతున్న విద్యార్థినులు 40వేల నుంచి 60 వేల రూపాయల వరకు ఆర్థిక సహాయం పొందవచ్చు. U-Go అనేది అమెరికాలోని కాలిఫోర్నియాలో ఉన్న ఒక లాభాపేక్షలేని సంస్థ. GiveIndiaతో కలిసి ఈ స్కాలర్‌షిప్‌ను అందిస్తోంది. దేశంలోని అమ్మాయిలందరూ ఈ స్కాలర్‌షిప్‌కు దరఖాస్తు చేసుకోవచ్చు. దరఖాస్తు ఎలా చేయాలి? దరఖాస్తుకు అవసరమయ్యే పత్రాలు ఏంటి? అన్నది ఇప్పుడు చూద్దాం..

అర్హతలు:

టీచింగ్‌, నర్సింగ్‌, ఫార్మసీ, మెడిసిన్‌, ఇంజినీరింగ్‌.. వంటి ప్రొఫెషనల్‌ డిగ్రీ చదివే అమ్మాయిలు మాత్రమే ఈ స్కాలర్‌షిప్‌కు దరఖాస్తు చేసుకోవడానికి అర్హులు. ​​​​​​ప్రస్తుత విద్యా సంవత్సరంలో రెగ్యులర్‌ డిగ్రీ కోర్సులో నమోదు చేసుకుని ఉండాలి. అలాగే పదోతరగతి, ఇంటర్‌లో 70 శాతం మార్కులు వచ్చి ఉండాలి. కుటంబ వార్షిక ఆదాయం 5 లక్షలకు మించకూడదు.

స్కాలర్‌షిప్‌ వివరాలు:

• టీచింగ్‌ కోర్సు చదివే అమ్మాయిలకు ఏడాదికి 40 వేల రూపాయల చొప్పున రెండేళ్ల పాటు అందిస్తారు.
• నర్సింగ్‌, ఫార్మసీ కోర్సులు చదివే విద్యార్థినులకు ఏడాదికి 40 వేల రూపాయల చొప్పున నాలుగేళ్ల పాటు అందిస్తారు.
• ఇంజినీరింగ్‌, మెడిసిన్‌ చదివే అమ్మాయిలకు ఏడాదికి 60 వేల చొప్పున నాలుగేళ్ల పాటు అందిస్తారు.

గమనిక: ఈ స్కాలర్‌షిప్‌ నిధులను అకడమిక్ ఖర్చు ప్రయోజనాల కోసం మాత్రమే ఉపయోగించాలి. అనగా ట్యూషన్ ఫీజులు, హాస్టల్ ఫీజులు, ఆహారం, ప్రయాణం, పుస్తకాలు, ఆన్‌లైన్ లెర్నింగ్ వంటి విద్యాపరమైన ఖర్చు ప్రయోజనాల కోసం మాత్రమే.

దరఖాస్తు సమయంలో అవసమరమయ్యే డాక్యుమెంట్లు

• ఇంటర్మీడియట్ మార్కుల మెమో
• ఐడీ ప్రూఫ్ కింద ప్రభుత్వంచే గుర్తింపుపొందిన ఆధార్ కార్డు/ ఓటర్ ఐడీ కార్డు/ డ్రైవింగ్ లైసెన్స్/ పాన్ కార్డు ఏదో ఒకటి సమర్పించాల్సి ఉంటుంది.
• కరెంట్ ఏడాదికి సంబంధించి ఫీజు చెల్లించిన రశీదు, అడ్మిషన్ లెటర్‌, ఐడీ కార్డు, బోనఫైడ్‌ సర్టిఫికెట్‌‌ను జతచేయాల్సి ఉంటుంది.
• కుటుంబ ఇన్‌కమ్ ప్రూఫ్ (ఐటీఆర్-16/ఇన్‌కమ్ సర్టిఫికేట్/సాలరీ స్లిప్స్)
• విద్యార్ధి అభ్యర్థుల బ్యాంక్ అకౌంట్ వివరాలు
• విద్యార్ధి ఫొటోగ్రాఫ్

దరఖాస్తు విధానం: ఆన్‌లైన్.

ఎంపిక ప్రక్రియ: విద్యార్థుల అకడమిక్ మెరిట్, కుటుంబ ఆర్థిక నేపథ్యం ఆధారంగా ఎంపికచేస్తారు. అలా షార్ట్‌లిస్ట్ చేసిన అభ్యర్థులను తుది ఎంపిక కోసం టెలిఫోనిక్ ఇంటర్వ్యూలు, డాక్యుమెంట్ వెరిఫికేషన్ నిర్వహిస్తారు.

దరఖాస్తు చేయడానికి చివరి తేదీ: 30 నవంబర్ 2022.

దరఖాస్తు చేయండిలా..

• స్టెప్ 1: ఈ స్కాలర్‌షిప్ కోసం దరఖాస్తు చేయాలనుకునే అభ్యర్థులు మొదట ఈ లింక్ పై క్లిక్ చేయండి.
• స్టెప్ 2: ఈ పేజీలో కింద ఉన్న Apply Now పై క్లిక్ చేయండి.
• స్టెప్ 3: ఇప్పుడు అభ్యర్థులు తమ Buddy4Study రిజిస్ట్రేషన్ ఐడీ, పాస్‌వర్డ్ వివరాలతో లాగిన్ కావచ్చు. రిజిస్ట్రేషన్ లేనివారు ఈమెయిల్/మొబైల్ నెంబర్/జీమెయిల్ అకౌంట్ వివరాలతో లాగిన్ కావచ్చు.
• స్టెప్ 4: ఇప్పుడు ‘U-Go Scholarship Program’ పేజ్ ఓపెన్ అవుతుంది.
• స్టెప్ 5: Graduation ఆప్షన్ ఎంచుకొని ‘Start Application’ బటన్ మీద క్లిక్ చేయాలి.
• స్టెప్ 6: దరఖాస్తుపత్రంలో మీ పూర్తి వివరాలను క్షుణ్ణంగా నమోదు చేయాలి.
• స్టెప్ 7: చివరగా ‘Terms and Conditions’ను అంగీకరిస్తున్నట్లు తెలపాలి.
• స్టెప్ 8: తర్వాత ‘Preview’ క్లిక్ చేసి మీరిచ్చిన వివరాలు అన్ని కరెక్టేనా? కాదా? అన్నది సరిచూసుకోవాలి.
• స్టెప్ 9: చివరగా ‘Submit’ బటన్ మీద క్లిక్ చేసి దరఖాస్తు సమర్పించాల్సి ఉంటుంది.