ఆ వీడియోలకు బానిసయ్యారా? అయితే ఇలా చేయండి!

చిన్నా పెద్దా అన్న తేడా లేకుండా నూటికి దాదాపు 90 శాతం మంది అశ్లీల చిత్రాలు చూస్తున్నారని పలు సర్వేల్లో వెల్లడైంది. వీరిలో చాలా మందికి అది అలవాటును దాటిపోయి వ్యసనంగా మారింది.  ఇలాంటి వీడియోలను  చూడటానికి కారణాలు ఏవైనా.. వాటిని చూడటం వ్యసనంగా మారటం కారణంగా కలిగే ఇబ్బందుల అన్నీఇన్నీ కాదు. దాని కారణంగా సాధారణ జీవితం అస్తవ్యస్తం అవుతుంది.

దాన్ని నుంచి బయటపడటం చాలా కష్టం.. రోజులో ఎక్కువ భాగం వాటిని చూడాలన్న దానిమీదే ధ్యాస ఉంటుంది. మిగితా వేటిమీద అంత శ్రద్ధ ఉండదు..కలగదు కూడా. అటు ఉద్యోగ జీవితం, ఇటు సంసారం జీవితం రెండూ ఫేయిల్‌ అయిపోతాయి. ఇలాంటి వీడియోలను చూడటం అలవాటుగా మారిన వారు దాన్నుంచి బయటపడాలంటే ఈ టిప్స్‌ పాటించాలి.

• సమ్యను గుర్తించటం : ఇలాంటి వీడియోలను బానిసవ్వటం అన్నది ఓ పెద్ద సమస్య. వాటికి బానిసైన వారు దాన్ని కచ్చితంగా ఓ సమస్యగా గుర్తించాలి. ఆ తర్వాత ఆ సమస్యకు పరిష్కారం అన్వేషించాలి.
• దూరంగా ఉండటం: ఈ అడిక్షన్‌ నుంచి బయటపడాలంటే ముందు వాటికి దూరంగా ఉండాలి. ఫోన్‌లో అవి చూడ్డానికి వీల్లేకుండా చేయాలి. అటువంటి సైట్లను ఫోన్‌లో ఓపెన్‌ కాకుండా చూసుకోవాలి. ఇందుకోసం ఏవైనా మంచి ఆప్స్‌ను ఉపయోగించటం మంచిది.
• అడిక్షన్‌ను రీప్లేస్‌ చేయండి:  ఇలాంటి వీడియోలఅడిక్షన్‌ నుంచి బయటపడాలంటే.. దాన్నుంచి మనకు వచ్చే సంతోషాన్ని రీప్లేస్‌ చేసే మరో మంచి అలవాటును పెంచుకోవాలి.
• ఈ ఒక్కసారికి.. : ఇలాంటి వీడియోల చూడ్డం మానుకున్న కొన్ని రోజులు ప్రశాంతంగా ఉంటుంది. గట్టిగానే బయటపడటానికి ప్రయత్నిస్తుంటాం. కానీ, కొద్దిరోజులు లేదా నెలల తర్వాత సడెన్‌గా వాటి ఆలోచన వస్తుంది. ఈ ఒక్కసారికి చూద్దాం.. ఏం కాదు అనిపిస్తుంది. కానీ, తర్వాత మళ్లీ మన ఆలోచనల్లో మార్పు వస్తుంది. ఎటూ చూశాం కదా.. ఇదొక్కసారి చూస్తే ఏంకాదు.. అనుకుంటూ వెళ్లిపోవాల్సి వస్తుంది.
• ఒంటరిగా ఉండొద్దు : చెత్త ఆలోచనలు ఎక్కువగా ఒంటరిగా ఉన్నపుడు వస్తుంటాయి. అలాంటప్పుడు ఒంటరిగా ఉండటం చాలా వరకు మానాలి. ఫెండ్స్‌తోనూ, ఫ్యామిలీతోనో టైం గడపాలి. వీలైనంత ఒంటిరిగా ఉండకపోవటమే మంచిది.
• డాక్టర్‌ సలహా: ఏం చేసినా అడిక్షన్‌ నుంచి బయటపడలేకపోతే డాక్టర్‌ను కలవటం మంచింది. డాక్టర్‌​ కౌన్సిలింగ్‌ తీసుకోవడం ఉత్తమం.