ఏపీలో కేసీఆర్ కు భారీ ఫ్లెక్సీ! జగన్ కు పవన్ ఫ్యాన్స్ షాక్!

తెలుగు సినీ ప్రేక్షకులు ఎన్నో రోజులుగా ఎదురుచూసిన పవర్ స్టార్ చిత్రం భీమ్లా నాయక్ శుక్రవారం థియేటర్లలో విడుదలైంది. తెలుగు రాష్ట్రాల్లో రిలీజ్ అయిన థియేటర్లలో హిట్ టాక్ తెచ్చుకుంది. భీమ్లా నాయక్ చిత్రం ప్రేక్షకుల నుంచి, విమర్శకుల నుంచి పాజిటివ్ రివ్యూలు వచ్చాయి. ప్రస్తుతం థియేటర్లలో బీమ్లా నాయక్ చిత్రం సందడి చేస్తుంది. అయితే ఆంధ్రప్రదేశ్‌లోని విజయవాడలో తెలంగాణ ముఖ్యమంత్రి కేసీఆర్ భారీ ఫ్లెక్సీని పవర్‌ స్టార్ పవన్ కల్యాణ్ అభిమానులు ఏర్పాటు చేయడం ఇప్పుడు చర్చనీయాంశంగా మారింది.

ఇది చదవండి: క్షమాపణలు చెప్పిన గరికపాటి.. ఆ వీడియో వైరలవ్వడంతో..!

‘భీమ్లా నాయక్’ చిత్రానికి తెలంగాణ ప్రభుత్వం ఐదు షోలు వేసుకోవడానికి అనుమతించిన సంగతి తెలిసిందే. అంతేకాదు సినిమా టికెట్ ధరలను కూడా టీఎస్ ప్రభుత్వం ఇటీవల పెంచింది. ఈ నేపథ్యంలో కేసీఆర్ పై పవన్ ఫ్యాన్స్ తమ అభిమానాన్ని చాటుకున్నారు. పవన్ ఫ్యాన్స్ కేసీఆర్ ఫ్లెక్సీని ఏర్పాటు చేసినట్టు భావిస్తున్నారు. ‘హ్యాట్సాఫ్ సీఎం సర్’ అంటూ ఫ్లెక్సీలో పేర్కొన్నారు. ఈ ఫ్లెక్సీపై తెలంగాణ మంత్రులు కేటీఆర్, తలసాని శ్రీనివాస్ యాదవ్, దివంగత వంగవీటి మోహన రంగా, వంగవీటి రాధా, జనసేన నేత నాదెండ్ల మనోహర్ ఫొటోలను కూడా ఉంచారు. నగరంలోని కృష్ణలంకలో ఫైర్ స్టేషన్ సమీపంలో ఈ ఫ్లెక్సీని ఏర్పాటు చేశారు.

ఇదిలా ఉంటే పవన్ కళ్యాణ్ భీమ్లా నాయక్ సినిమాకు ఏపీలో అడుగ‌డుగున అడ్డంకులు ఎదురవుతూనే ఉన్నాయి. అదనపు షోలను ఆపేసారు. అలాగే టికేట్ల ధరలు పెంచ‌వ‌ద్ద‌ని రెవిన్యూ అధికారులు థియెటర్ల యాజమాన్యాల‌ను హెచ్చరించారు. కాగా, భీమ్లా నాయక్ సినిమాకు పాజిటివ్ టాక్ రావడంతో తొలిరోజు ప్రపంచ వ్యాప్తంగా కలెక్షన్‌ల వర్షం కురిపించినట్లు తెలుస్తోంది. ఈ మూవీలో పవన్, రానా మధ్య వచ్చే సన్నివేశాలు హైలెట్‌గా నిలిచాయని అభిమానులు చర్చించుకుంటున్నారు.

Telangana CM shri #KCR flexi by Power Star @PawanKalyan fans in Vijayawada(AP).

As a token of respect for granting permission for 5 shows and resolving ticket pricing issues in the state. #BheemlaNayak @KTRTRS @YadavTalasani #BheemlaNayakMania pic.twitter.com/0X0748z9XV

— VamsiShekar (@UrsVamsiShekar) February 26, 2022