అర్నబ్ తుఫాను తీరం దాటితే ఏం జరుగుతుందో తెలుసా?

తీవ్ర భయాందోళనకు గురిచేస్తున్న అర్నబ్ తుఫాన్ ఎట్టకేలకు తీరాన్ని దాటేందుకు మరికొన్ని గంటల సమయం మాత్రమే ఉంది. అయితే తుఫాన్ తీరం దాటగానే ముప్పు పూర్తిగా తొలిగిపోయిందని భావించి అజాగ్రత్తగా ఉంటే అది పెద్ద ప్రమాదానికి దారితీస్తుందని వాతావరణ శాఖ నిపుణులు హెచ్చరిస్తున్నారు. అసలు తుఫాను తీరం దాటిన తర్వాత ప్రకృతి ఎలా ఉంటుంది? సముద్రం నుంచి లభించే శక్తి నిలిచిపోతే వాతావరణంలో ఎలాంటి మార్పులు వస్తాయి?

తుఫాన్ సముద్రంపై ఉన్నంతసేపు దానికి కావాల్సిన ఉష్ణశక్తి, నీటి ఆవిరి నిరంతరం లభిస్తూనే ఉంటాయి. కానీ ఒకసారి తుఫాన్ ల్యాండ్ ఫాల్ అయి భూభాగంపైకి ప్రవేశించగానే, సముద్రం నుంచి అందే ఈ ఎనర్జీ సోర్స్ పూర్తిగా కట్ అయిపోతుంది. దీనివల్ల తుఫాన్ తన తీవ్రతను క్రమక్రమంగా కోల్పోయి బలహీనపడటం ప్రారంభమవుతుంది. ఇది ప్రకృతి సిద్ధంగా జరిగే ప్రాసెస్ అయినప్పటికీ, తుఫాన్ శక్తి తగ్గే సమయంలో భూభాగంపై చూపే ప్రభావం అత్యంత వినాశకరంగా ఉంటుందని నిపుణులు హెచ్చరిస్తున్నారు.

“తుఫాన్ తీవ్రత తగ్గే క్రమంలో తీరం దాటిన పరిసర ప్రాంతాల్లో భయంకరమైన గాలుల విలయతాండవం కనిపిస్తుంది. గంటకు తీవ్రమైన వేగంతో వీచే ఈదురుగాలులు సెకన్ల వ్యవధిలో విరుచుకుపడటం వల్ల చెట్లు, ఎలక్ట్రిసిటీ పోల్స్, ఇళ్ల కప్పులు ఎగిరిపోయే ప్రమాదం ఉంది. ఈ గాలుల ధాటికి భారీ స్థాయిలో ఆస్తి నష్టంతో పాటు ప్రమాదకరంగా ప్రాణ నష్టం కూడా సంభవించే అవకాశాలు స్పష్టంగా ఉన్నాయి. కాబట్టి తీరం దాటిన వెంటనే బయట వాతావరణం అనుకూలించిందని భావించి రోడ్లపైకి రావడం చాలా ప్రమాదమని తెలియజేస్తున్నారు.

“తుఫాన్ సృష్టించే ముప్పు ఇక్కడితో ముగిసిపోదు. గాలుల ఉధృతి క్రమంగా తగ్గినప్పటికీ, మేఘాల్లో నిల్వ ఉన్న నీటి ఆవిరి వల్ల రాబోయే 2 నుండి 3 రోజుల పాటు పలు జిల్లాల్లో భారీ నుండి అతి భారీ వర్షాలు కురిసే అవకాశాలు మెండుగా ఉన్నాయని వెదర్ డిపార్ట్‌మెంట్ హెచ్చరిస్తోంది. ఈ ఎడతెరిపిలేని కుండపోత వానల వల్ల నదులు, వాగులు ప్రమాదకరంగా పొంగిపొర్లి, లోతట్టు ప్రాంతాలు మరింత జలమయం అయ్యే అవకాశం ఉంటుంది. కాబట్టి రాబోయే 72 గంటల పాటు ప్రజలు నిరంతరం అప్రమత్తంగా ఉండటం అత్యంత కీలకమైన అంశం.”

“చివరికి ఈ అర్నబ్ తుఫాన్ క్రమక్రమంగా తన శక్తినంతటినీ కోల్పోయి మొదట వాయుగుండంగా, ఆ తర్వాత అల్పపీడనంగా మారి గాల్లో విలీనమై అదృశ్యమవుతుంది. ప్రకృతి పూర్తిగా శాంతించే వరకు అధికార యంత్రాంగం ఇచ్చే సేఫ్టీ గైడ్‌లైన్స్ కచ్చితంగా పాటించండి. అత్యవసరం అయితే తప్ప బయటకు వెళ్లకండి, సురక్షిత ప్రాంతాల్లోనే ఉంటూ మిమ్మల్ని మీరు కాపాడుకోండి అంటూ అధికారులు సూచిస్తున్నారు.