follow us:
హైదరాబాద్ జూబ్లీహిల్స్ లాంటి ఏరియాలో బిఎమ్‌డబ్ల్యూ కారుని నడిరోడ్డుపై ఆపి, ఏకంగా 5 వేలు ఇవ్వాలంటూ బెదిరించిన షాకింగ్ ఘటన హైదరాబాద్‌లో తీవ్ర కలకలం రేపింది. దీనికి సంబంధించిన వీడియో సోషల్ మీడియాలో విపరీతంగా వైరల్ కావడంతో స్వయంగా డీజీపీ సీవీ ఆనంద్ రంగంలోకి దిగి సీరియస్ యాక్షన్ తీసుకోవడంతో అసలు సీక్రెట్ బయటపడింది. ఆ లగ్జరీ కారును ఆపి హంగామా చేసింది ఎవరో తెలిస్తే మీరు నిజంగా షాక్ అవుతారు
వీడియో వైరల్ అయిన వెంటనే డీజీపీ సీవీ ఆనంద్ ఆదేశాల మేరకు జూబ్లీహిల్స్ పోలీసులు స్పెషల్ ఇన్వెస్టిగేషన్ స్టార్ట్ చేశారు. అయితే ఈ నకిలీ గ్యాంగ్‌ని పట్టుకోవడం పోలీసులకు పెద్ద ఛాలెంజ్‌గా మారింది. నిందితులను ట్రాక్ చేయడం కోసం పోలీసులు ఏకంగా నెల రోజుల పాటు సుదీర్ఘంగా శ్రమించారు. నగరంలోని వివిధ ప్రాంతాల్లో ఉన్న దాదాపు 500 సీసీటీవీ కెమెరా ఫుటేజ్‌లను క్షుణ్ణంగా స్కాన్ చేశారు. సర్వేలెన్స్ నెట్‌వర్క్‌ను ఉపయోగిస్తూ ఆ గ్యాంగ్ కదలికలను రూట్ మ్యాప్ ద్వారా తెలుసుకున్నారు.”
చివరకు సీసీటీవీల సహాయంతో పోలీసులు నిందితులను అరెస్ట్ చేశారు. పట్టుబడిన వారు బోడుప్పల్ ప్రాంతానికి చెందిన రమేశ్, సత్యనారాయణ, రమేశ్, యాదగిరిగా గుర్తించారు. విచారణలో వీరి వెనుక ఉన్న షాకింగ్ నిజాలు వెలుగులోకి వచ్చాయి. వీరంతా పురుషులైనప్పటికీ, హిజ్రాల వేషధారణ ధరించి నగరంలో తిరుగుతుంటారు. కేవలం రోడ్లపై వెళ్లే కాస్ట్లీ కార్లనే కాకుండా, షాపులు, హౌస్ ఓపెనింగ్స్ దగ్గరకు వెళ్లి బెదిరింపులకు పాల్పడుతూ భారీగా వసూళ్లు చేస్తున్నట్లు పోలీసుల ఎంక్వైరీలో తేలింది.
