ఐకాన్ స్టార్ అల్లు అర్జున్ భార్య అల్లు స్నేహా రెడ్డి గురించి ప్రేక్షకులకు పరిచయం అక్కర్లేదు. సోషల్ మీడియాలో చాలా యాక్టీవ్గా ఉండే అల్లు స్నేహ.. ఎప్పటికప్పుడు తనకు సంబంధించిన ఫోటోలను షేర్ చేస్తూ.. అభిమానులను అలరిస్తోంది. ఇక స్నేహా రెడ్డి షేర్ చేసే ఫోటోలు చూస్తే.. వావ్ ఎంత అందంగా ఉంది.. హీరోయిన్లు కూడా తన ముందు దిగదుడుపే అనిపించకమానదు. స్టైలీష్, ట్రెడిషనల్, ట్రెండీ దుస్తులు.. ఇలా ఏవి ధరించినా.. సూపర్ అనిపిస్తుంది. తాజాగా కొన్ని రోజుల క్రితం సిల్వర్ కలర్ శారీలో జాబిలమ్మలా మెరిసిపోయింది. ఈ ఫోటోలు చూసిన నెటిజనులు.. హీరోయిన్ కన్నా సూపర్గా ఉన్నారు మేడం అంటూ తెగ ప్రశసించారు. అంతేకాక.. అల్లు అర్జున్, మీరు ఇద్దరు మోస్ట్ స్టైలీష్ కపుల్ ఆఫ్ టాలీవుడ్ అంటూ కామెంట్స్ చేశారు. ఇక కొందరైతే ఏకంగా.. మేడం మీరు కూడా సినిమాల్లోకి రావొచ్చు కదా అని అడిగారు.
ఈ క్రమంలో తాజాగా సోషల్ మీడియా, ఫిల్మ్ నగర్లో ఓ వార్త జోరుగా ప్రచారం అవుతోంది. అదేంటంటే.. అల్లు అర్జున్ భార్య.. అల్లు స్నేహా రెడ్డి సినిమాల్లోకి ఎంట్రీ ఇస్తున్నారు అంటూ పుకార్లు షికారు చేస్తున్నాయి. అది కూడా ఓ స్టార్ హీరో సినిమాతో అల్లు స్నేహా రెడ్డి.. సినిమాల్లోకి ఎంట్రీ ఇస్తున్నారు అంటూ జోరుగా ప్రచారం సాగుతోంది. అసలు ఈ వార్తలు నిజమో కాదో తెలియక ముందే.. అభిమానులు మాత్రం.. హీరోయిన్ పాత్రలు వద్దండి.. క్యారెక్టర్ ఆర్టిస్ట్ పాత్రలు చేయండి అంటూ సూచనలు కూడా ఇస్తున్నారు.
ఇక అంతేకాక స్నేహా రెడ్డి సినిమాల్లోకి ఎంట్రీ ఇస్తున్నారు కానీ.. అది టాలీవుడ్లోకి కాదు.. మలయాళంలోకి అంటూ మరో పుకారు. అల్లు అర్జున్కి మలయాళంలో సూపర్ క్రేజ్ ఉన్న సంగతి తెలిసిందే. ఈ నేపథ్యంలో అల్లు స్నేహారెడ్డి.. మలయాళంలోకి ఎంట్రీ ఇస్తున్నట్లు వార్తలు జోరుగా ప్రచారం అవుతున్నాయి. కానీ చాలా మంది నెటిజనులు మాత్రం ఇవన్ని వట్టి రూమర్స్ మాత్రమే.. ఆమె సినిమాల్లోకి వచ్చే చాన్స్ వన్ పర్సెంట్ కూడా లేదంటున్నారు. ఇక అల్లు అర్జున్-స్నేహారెడ్డిలకు 2011, మార్చి 6న వివాహం జరిగింది. ఈ ఏడాదితో వీరి వివాహ బంధానికి 11 ఏళ్లు పూర్తయ్యాయి. ఇక వీరిద్దరిది లవ్ మ్యారేజ్. వీరికి ఇద్దరు సంతానం కూతురు అర్హ, కొడుకు అయాన్ ఉన్నారు.