హీరో నానికి అడ్డంగా దొరికిపోయిన అడివి శేష్!

నేచురల్ స్టార్ నాని గురించి ప్రత్యేకంగా చెప్పాల్సిన పనిలేదు. అసిస్టెంట్ డైరెక్టర్ గా కెరీర్ ప్రారంభించిన ఇతడు.. హీరోగా స్టార్ స్టేటస్ సంపాదించాడు. నిర్మాతగానూ మారి కొత్త డైరెక్టర్లకు ఛాన్స్ ఇస్తున్నాడు. మరోవైపు హీరోగానూ ఏడాది మూడు నాలుగు సినిమాలు చేస్తున్నాడు. ఈ మధ్య కాస్త ఆ జోరు తగ్గినట్లు కనిపించింది. మరోవైపు అడివి శేష్ కూడా నటుడిగా చిన్న చిన్న పాత్రలతో కెరీర్ ప్రారంభించాడు. ఇప్పుడు తనకంటూ స్పెషల్ ఇమేజ్ క్రియేట్ చేసుకుని ఇండస్ట్రీలో స్టార్ గా నిలదొక్కుకున్నాడు. ఇప్పుడు వీళ్లిద్దరి మధ్య జరిగిన ఓ ఇన్సిడెంట్ సోషల్ మీడియాలో హాట్ టాపిక్ గా మారింది. పలువురు సినీ ప్రేమికులు దీని గురించి మాట్లాడుకుంటున్నారు.

ఇక వివరాల్లోకి వెళ్తే.. నానికి హైదరాబాద్ లో ఆఫీస్ ఉంది. అతడు నిర్మించిన ‘హిట్ 2’.. డిసెంబరు 2న థియేటర్లలోకి రానుంది. ఈ క్రమంలోనే ప్రమోషన్స్ జోరుగా సాగుతున్నాయి. తాజాగా ‘ఉరికే ఉరికే’ సాంగ్ ని రిలీజ్ చేశారు. యూట్యూబ్ లో ఈ పాట ట్రెండింగ్ లోకి వచ్చింది. ఈ క్రమంలోనే ఆ పాటకు హీరోహీరోయిన్ అడివి శేష్, మీనాక్షి చౌదరి కలిసి డ్యాన్స్ చేశారు. అందుకు సంబంధించిన ఓ వీడియోని శేష్, తన ట్విట్టర్ లో పోస్ట్ చేశాడు. ‘ఇలా డ్యాన్స్ చేయడం సిగ్గుగానే ఉంది. కానీ మీకోసం ఏదైనా చేస్తా’ అని రాసుకొచ్చాడు. ఈ డ్యాన్స్ లో శేష్-మీనాక్షి కెమిస్ట్రీ అదుర్స్ అనేలా ఉంది.

ఇక దీనికి రీట్వీట్ చేసిన ప్రొడ్యూసర్ నాని.. ‘నా ఆఫీస్ ని ఇలా కూడా వాడొచ్చా’ అని రాసుకొచ్చాడు. దీంతో పలువురు నెటిజన్స్… నానికి తెలియకుండా రొమాన్స్ చేసిన శేష్-మీనాక్షి అతడికి దొరికిపోయారు అని ఫన్నీ కామెంట్స్ చేస్తున్నారు. ఇదిలా ఉండగా 2020లో రిలీజైన ‘హిట్’ అద్భుతమైన రెస్పాన్స్ అందుకుంది. హీరో విశ్వక్ సేన్ కి సరికొత్త ఇమేజ్ తీసుకొచ్చింది. డైరెక్టర్ శైలేష్ కొలనుకి కూడా ఫేమ్ అందించింది. ఇక ఈ ఫ్రాంచైజీలో వస్తున్న రెండో సినిమా కావడం, ఇందులో మర్డర్ మిస్టరీ, హీరోగా అడివి శేష్ ఉండటంతో అంచనాలు బాగానే కనిపిస్తున్నాయి. చూడాలి ఈ సినిమా ప్రేక్షకుల్ని ఎంతమేర ఆకట్టుకుంటుందో?

 

Naa office ni ila kooda vaadocha 🧐@AdiviSesh @Meenakshiioffl https://t.co/PVdIc5UrXn

— Nani (@NameisNani) November 12, 2022