follow us:
ఐపీఎల్ 2022లో సన్‌రైజర్స్‌ హైదరాబాద్‌ యంగ్‌ బౌలర్‌ ఉమ్రాన్ మాలిక్ అద్భుతమైన స్పీడ్‌తో బౌలింగ్ చేస్తున్నాడు. ఈ సీజన్‌లో ఉమ్రాన్ మాలిక్ ఏకంగా గంటకు 157 కిమీ వేగంతో బాల్‌ వేశాడు. ఇదే ఫాస్టెస్ట్‌ డెలివరీ ఈ సీజన్‌. ఉమ్రాన్ వేసిన స్పీడ్‌తో ఇంతవరకు ఏ ఇండియన్‌ బౌలర్‌ కూడా బౌలింగ్ చేయలేదు. దీంతో ఉమ్రాన్ మాలిక్‌ను టీమిండియాలోకి తీసుకోవాలని, తీసుకుంటారే వార్తలు వస్తున్నాయి. ఇదే విషయంపై మాజీ క్రికెటర్‌ ఆకాశ్‌ చోప్రా స్పందించాడు. ఉమ్రాన్ తన చివరి రెండు ఐపీఎల్ మ్యాచ్‌లలో 100పరుగులు ఇచ్చాడు. అతన్ని టీమిండియాలోకి ఎంపిక చేయాలని తొందరపెట్టొద్దన్నాడు.
గంటకు 150కి.మీ వేగంతో బౌలింగ్ చేస్తే దేశం తరఫున ఆడాలనే రూల్ భారత్‌లో ఉందన్నాడు. అతను గత రెండు మ్యాచ్‌లలో తన చివరి ఎనిమిది ఓవర్లలో వంద పరుగులు ఇచ్చాడు. అతనికి కొంత సమయం ఇవ్వాలని.. అతను టీమిండియాకు ఆడాలని తాను కోరుకుంటున్నాను.. కానీ అంతర్జాతీయ క్రికెట్ ఆడటానికి అతన్ని తొందరపెట్టవద్దని తన యూట్యూబ్ ఛానెల్‌లో పేర్కొన్నాడు. గత నెలలో వాంఖడే స్టేడియంలో గుజరాత్ టైటాన్స్‌‌తో జరిగిన మ్యాచ్‌లో తన అద్భుతమైన బౌలింగ్‌తో ఐదు వికెట్లు తీసిన తర్వాత అతను వరుసగా రెండు మ్యాచుల్లో ఒక్క వికెట్ కూడా తీయలేదు.
వేగవంతమైన బౌలింగ్‌తో అద్భుతమైన రికార్డులు సాధిస్తున్నప్పటికీ ఉమ్రాన్ భారీగా పరుగులిచ్చేస్తున్నాడు. ఢిల్లీతో జరిగిన మ్యాచ్‌లో మాలిక్ తన నాలుగు ఓవర్లలో 52పరుగులు ఇచ్చాడు. చెన్నై సూపర్ కింగ్స్‌తో జరిగిన మ్యాచ్‌లో అతను నాలుగు ఓవర్లలో వికెట్ లేకుండా 48పరుగులు ఇచ్చాడు. మొత్తం 8ఓవర్లలో వికెట్లేం తీయకుండా 100పరుగులు ఇచ్చేశాడు. అంటే 48బంతుల్లో 100 పరుగులన్న మాట. అతని ఎకానమీ 12కంటే ఎక్కువగా నమోదైంది. మరి ఉమ్రాన్ మాలిక్ బౌలింగ్‌పై, ఆకాశ్‌ చోప్రా వ్యాఖ్యలపై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: Rohit Sharma: గేల్‌, పొలార్డ్‌, డివిలియర్స్‌, కోహ్లీ తర్వాత లిస్టులో చేరిన రోహిత్‌ శర్మ
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
