follow us:
రిక్షా కార్మికుడికి రూ.3 కోట్లు చెల్లించాలని ఐటీ శాఖ నోటీసులు ఇవ్వడం.. దేశంలో సంచలనం రేపింది. పూటగడవడానికి పైసలు వస్తే చాలనుకునే రిక్షా తొక్కే అతనికి రూ.3 కోట్లు పన్ను ఏంటని అందరూ అవాక్కయ్యారు. అయితే వివరాల్లోకి వెళితే అతనికి తెలీకుండా అతని పాన్‌ కార్డుపై ఏడాదిలో ఏకంగా రూ.43 కోట్ల మేర బిజినెస్ జరిగింది. సామాన్యులే కాదు.. సెలబ్రిటీలు కూడా ఈ కోవలో ఉన్నారు. అలా మోసపోయామని తెలిసి జాగ్రత్త పడిన వాళ్లు కూడా లేకపోలేదు. అలా ఎంతుకు జరిగింది? అందుకు గల కారణాలు ఏంటి? అలాంటి మోసపూరిత లావాదేవీలను ఎలా అరికట్టవచ్చు? వంటి ప్రశ్నలకు సమాధానాలు తెలుసుకుందాం.
ఇదీ చదవండి: టీమిండియాలో ఏం జరుగుతోంది? మెంటర్‌ ధోనీ మాట నెగ్గడం లేదా?
రిక్షా అతని విషయం కానివ్వండి.. అలాంటి మరే ఘటన అయినా కానివ్వండి అందుకు కారణం మాత్రం మీ పాన్‌ కార్డు వివరాలు వేరే వాళ్లకు తెలియడమే. కేంద్ర ప్రభుత్వం ఆదేశాలు, ఆర్బీఐ గైడ్‌లైన్స్‌ దృష్ట్యా ఇప్పుడు పాన్‌ కార్డు వినియోగం ఎంతో పెరిగిపోయింది. ఎక్కడ అంటే అక్కడ మీ పాన్‌ కార్డు వివరాలు ఇచ్చేస్తున్నారు. ఆ వివరాలు గోప్యంగా ఉన్నంత వరకు మీకు ఎలాంటి ఆపద రాదు. ఆ షాపు కానివ్వండి.. మరే వ్యక్తైనా కానివ్వండి మీ పాన్‌ వివరాలను దుర్వినియోగం చేస్తే ముప్పు మీకే. కొన్నిసార్లు జిరాక్స్‌ షాప్‌లు, నెట్‌ సెంటర్లలోనూ మన పాన్‌ కార్డు వివరాలను అలాగే వదిలేస్తుంటాం. అలాంటి సందర్భాల్లోనే మోసాలు జరిగే ఆస్కారం ఎక్కువగా ఉంటుంది. మీ పాన్‌ కార్డు నంబరు ఒకటి వాళ్లకు తెలిస్తే దానికి లింక్‌ అయి ఉన్న ఆధార్‌ కార్డు, బ్యాంకు అకౌంట్లు, మీ లావాదేవీలు అన్నీ వాళ్ల చేతికి వెళ్లినట్లే అవుతుంది.
ఆన్‌ లైన్‌ లోనూ తస్మాత్‌ జాగ్రత్తజిరాక్సు కాపీలు, పాన్‌ కార్డు హార్డ్‌ కాపీతోనే కాదు.. డిజిటల్‌ పరంగానూ పాన్‌ కార్డు దుర్వినియోగం జరుగుతోంది. ముఖ్యంగా నగల దుకాణాలు వాళ్లు చేస్తున్న మోసం అందరినీ ఆశ్చర్యానికి గురి చేస్తోంది. ఆన్‌లైన్‌ ట్రాన్సక్షన్స్‌లో సమర్పించిన పాన్‌ కార్డు వివరాలను సేకరించి వాళ్లు దుర్వినియోగం చేస్తున్నారు. పెద్ద మొత్తంలో నగలు కొని పాన్‌ వివరాలను చెప్పేందుకు ఇష్టపడని వినియోగదారుల కోసం నగల కొట్లు వాళ్లు ఇలా చేస్తున్నారు. అప్పటికే సేకరించి పెట్టుకున్న పాన్‌ వివరాలను పొందు పరుస్తున్నారు. అలా చేయడం వల్ల ఎవరో కొన్న వస్తువుల మొత్తం మీ పాన్‌ కార్డు నమోదవుతుంది. దుర్వినియోగాన్ని ముందే కనుగొని దానిని అరికట్టాల్సి ఉంటుంది. అందుకు ఏడాదిలో కనీసం ఒక మూడుసార్లైనా ఐటీ రిటర్న్స్‌ ఫారం 26 ASను పరిశీలించుకోవాలి. ఒకవేళ మీరు చేయని లావీదేవీలు అందులో ఉంటే.. వాటిని చేసింది మీరు కాదని నిరూపించుకోవాలి.
ఇదీ చదవండి: వరుణ్‌ తేజ్‌ ‘గని’ మూవీ ఫస్ట్‌ లిరికల్‌ వీడియో విడుదల.. ఇరగదీసిన తమన్‌..
ఇక పాన్‌ ఇవ్వక తప్పదు అంటే తప్ప వివరాలు ఎవరికీ ఇవ్వకండి. ఏ సందర్భంలోనైనా వేరే ఐడీ ఇచ్చే అవకాశం ఉంటే పాన్‌ కార్డు ఇవ్వకుండా ఉండటానికి ట్రై చేయండి. పాన్‌ కార్డు జిరాక్సులపై అవసరం లేకుండా సంతకం చేయడం మంచి పద్దతి కాదు. ఒకవేళ అలా చేసినా.. డేట్‌ మెన్షన్‌ చేయడం మంచిది. నెట్‌ సెంటర్లలో మీ పాన్‌ కార్డు వివరాలను అసరం తీరాక డిలీట్‌ చేయండి. పాన్‌ కనిపించకుండా పోతే వెంటనే పోలీసులకు కంప్లైంట్‌ చేయండి. ఇంట్లోని వాళ్లతో తప్పితే ఇంకెవరికీ మీ పాన్‌ కార్డు వివరాలు చెప్పకండి. బ్యాంకు ఖాతాను కూడా తరచూ చెక్‌ చేసుకోవడం మంచిది.
