నానో బనానా ఏఐ ట్రెండ్ ఏంటో తెలుసా, మీ ఫోటో ఇలా క్రియేట్ చేసుకోండి

టెక్నాలజీ మారే కొద్దీ ఎన్నెన్నో సౌకర్యాలు, సౌలభ్యాలు క్షణాల వ్యవధిలో లభిస్తున్నాయి. ఏఐ అందుబాటులో వచ్చాక ట్రెండ్ పూర్తిగా మారిపోయింది. ఇప్పుడు కొత్తగా నానో బనానా ట్రెండ్ లేదా గూగుల్ ఏఐ 3డి ఇమేజ్ ఇప్పుడు సోషల్ మీడియాలో ట్రెండ్ అవుతోంది. అసలేంటిది. మీరు కూడా మీ ఫోటోను ఎలా క్రియేట్ చేసుకోవచ్చనేది సులభంగా తెలుసుకుందాం.

నానో బనానా ఏఐ అనేది నెటిజన్లు పిల్చుకునే పేరు. వాస్తవానికి ఇది గూగుల్ ఏఐ ఇమేజ్ టూల్‌గా ప్రసిద్ధి చెందిన జెమిని 2.5 ఫ్లాష్ ఇమేజ్. దీని సహాయంతో ఏ ఫోటోనైనా హైపర్ రియాలిస్టిక్ 3డి పిక్చర్‌గా మార్చుకోవచ్చు. ఈ ఫోటోను మీ సోషల్ మీడియా మాధ్యమాల్లో పోస్ట్ చేసుకోవచ్చు. ఇది వాడటం చాలా తేలిక. ఎలాంటి టెక్నికల్ పరిజ్ఞానం అవసరం లేదు. గూగుల్ ఎక్కౌంట్ ఉంటే సరిపోతుంది. ఈ ఫోటో మన టేబుల్ పెట్టుకునే బొమ్మలా కన్పిస్తుంది. సహజత్వం ఉట్టిపడుతుంది. సోషల్ మీడియాలో షేర్ చేసేందుకు చాలా అనువుగా ఉంటుంది. ప్రతి ఒక్కరూ ఈ ట్రెండ్ ఫాలో అవుతుండటంతో క్రేజ్ బాగా పెరిగింది. ఏ ఫోటోనైనా, ఎవరి ఫోటోనైనా క్షణాల్లో మార్చుకోవచ్చు. మరి మీరు కూడా మీకిష్టమైన ఫోటో లేదా మీ ఫోటోను పైన కన్పించే విధంగా మార్చుకోవాలంటే మీ కోసం సులభమైన స్టెప్స్ కొన్ని ఇస్తున్నాం..

–ముందుగా https://gemini.google.com/ ఓపెన్ చేయండి
–ఇప్పుడు అక్కడ కన్పించే ప్లస్ సింబల్ క్లిక్ చేసి మీరు ఏ ఫోటోను 3డీ రూపంలో మార్చుకోవాలనుకుంటున్నారో అది అప్‌లోడ్ చేయండి.
–తరువాత ఈ టెక్స్ట్

Create a 1/7 scale commercialized figurine of the characters in the picture, in a realistic style, in a real environment. The figurine is placed on a computer desk. The figurine has a round transparent acrylic base, with no text on the base. The content on the computer screen is a 3D modeling process of this figurine. Next to the computer screen is a toy packaging box, designed in a style reminiscent of high-quality collectible figures, printed with original artwork. The packaging features two-dimensional flat illustrations.

కాపీ చేసి పేస్ట్ చేయండి చాలు..క్షణాల్లో మీరు కోరుకున్నట్టుగా 3డి బనానా ఇమేజ్ ప్రత్యక్షమౌతుంది. దీనిని మీరు డౌన్ లోడ్ చేసుకుని సోషల్ మీడియాలో పోస్ట్ చేసుకోవచ్చు లేదా షేర్ చేయవచ్చు. పైన ఇచ్చిన టెక్స్ట్ కాకుండా వేరే విధంగా ఫోటో ఉండాలనుకుంటే అందులో మార్పులు చేసుకోవచ్చు.