బాయ్‌ఫ్రెండ్‌తో కెమెరాకు చిక్కిన తమన్నా! ఫోటోలు వైరల్!

టాలీవుడ్ స్టార్ హీరోయిన్ తమన్నా భాటియా ప్రేమలో ఉందనే వార్తలు గత కొన్నాళ్లుగా మీడియాలో హల్​చల్ చేస్తున్నాయి. బాలీవుడ్ స్టార్ యాక్టర్​ విజయ్​ వర్మతో మిల్కీ బ్యూటీ ప్రేమాయణం నడిపిస్తోందని సోషల్ మీడియాలోనూ రూమర్స్ నడుస్తున్నాయి. వీళ్లిద్దరూ గతంలోనూ పలుమార్లు కలసి తిరిగిన టైమ్​లో కెమెరాలకు చిక్కడంతో ప్రేమ వ్యవహారం నిజమేనని చర్చించుకోవడం మొదలుపెట్టారు. అయితే లవ్ రూమర్స్​ మీద ఇటు తమన్నా గానీ, అటు విజయ్ వర్మ గానీ ఎప్పుడూ స్పందించలేదు. కానీ తమన్నా-విజయ్ మళ్లీ జంటగా ప్రత్యక్షమవడంతో వీళ్లు తమ రిలేషన్ గురించి అభిమానులకు హింట్లు ఇస్తున్నట్లు కనిపిస్తోంది. ముంబైలోని ఒక రెస్టారెంట్​కు సోమవారం వెళ్లిన ఈ జంట అక్కడి నుంచి తిరిగొస్తున్న సమయంలో కెమెరా కంటికి చిక్కారు.

అంతేకాకుండా మీడియాకు హాయ్ చెప్పారు తమన్నా-విజయ్ వర్మ. దీంతో త్వరలోనే వీళ్లిద్దరూ తమ రిలేషన్ గురించి బయటపెడతారేమోనని ఫ్యాన్స్ ఆతృతతో ఎదురు చూస్తున్నారు. దీనికి సంబంధించిన ఫొటోలు సోషల్ మీడియాలో వైరల్​గా మారాయి. ఇకపోతే, ఈ సంవత్సరం న్యూ ఇయర్ వేడుకల్లో ఈ జంట సన్నిహితంగా కనిపించడం, ఒక పార్టీలో తమన్నాను విజయ్ వర్మ ముద్దు పెట్టుకుంటూ కనిపించడం అప్పట్లో హాట్​ టాపిక్​గా మారింది. అనంతరం పాపులర్ సింగర్ దిల్జీత్ కాన్సర్ట్​లోనూ ఈ జంట కనిపించింది. బాలీవుడ్​లో రూపొందిన ‘లవ్ స్టోరీస్’ అనే వెబ్ సిరీస్ రెండో సీజన్​ చిత్రీకరణలో వీళ్లిద్దరికీ పరిచయం ఏర్పడిందని, అక్కడే వీళ్లు ప్రేమలో పడ్డారని ముంబై మీడియా టాక్.

Love birds 🫶 #TamannahBhatia #vijayvarma papped together in mumbai#tamannah@tamannaahspeaks pic.twitter.com/f1nCZgNv11

— ARTISTRYBUZZ (@ArtistryBuzz) April 24, 2023