follow us:
పూజా హెగ్డే.. అతి తక్కువ కాలంలోనే స్టార్‌ హీరోయిన్‌ హోదా దక్కించుకుంది. తన టాలెంట్, అందం, అభినయంతో ఎంతో మంది అభిమానులు, ఫాలోవర్స్ ను సొంతం చేసుకుంది. తెలుగు, తమిళ్ లోనే కాకుండా హిందీలోనూ బిజీగానే గడుపుతోంది. ఇటీవల బీస్ట్‌ తో సూపర్ డూపర్ హిట్ కొట్టిన పూజా తర్వాతి ప్రాజెక్టులతో బిజీగా గడుపుతోంది. ప్రస్తుతం హిందీలో సర్కస్, కబీ ఈద కబీ దివాలీ సినిమాలో నటిస్తోంది. పూరీ జగన్నాథ్, విజయ్ దేవర కొండ కాంబోలో రాబోతున్న పాన్ ఇండియా సినిమా జనగణమన సినిమాలో పూజా నటిస్తోంది.
ప్రస్తుతం ఈ బ్యూటీ ఇండిగో సిబ్బందిపై ఫుల్ ఫైర్‌ అవుతోంది. తనకు ఇండిగో సిబ్బందితో చేదు అనుభవం ఎదురైందని ట్విట్టర్‌ ద్వారా తెలియజేసింది. ముంబై నుంచి ఫ్లైట్ లో బయల్దేరిన వారికి ఇండిగో సిబ్బంది నుంచి ఊహించని రీతిలో హాస్పిటాలిటీ లభించింది అంటూ ఆగ్రహం వ్యక్తం చేసింది. తమతో వారు ప్రవర్తించిన తీరు అస్సలు ఆమోదయోగ్యంగా లేదంటూ ఆవేదన వ్యక్తం చేసింది.
‘ఇండిగో సిబ్బందిలో ఒకరైన విపుల్ నకాషే అనే వ్యక్తి ముంబై నుంచి బయల్దేరిన ఫ్లైట్ లో మాతో చాలా దురుసుగా ప్రవర్తించాడు. ఎలాంటి కారణం లేకుండానే మాతో అతను చాలా కోపంగా, దురుసుగా, నిర్లక్ష్యంగా ప్రవర్తించాడు. సాధారణంగా నేను ఇలాంటి విషయాలపై ట్వీట్‌ చేయను కానీ, ఈ విషయంపై చేయక తప్పడం లేదు’ అంటూ పూజా హెగ్డే ట్వీట్‌ చేసింది. పూజాకు ఎదురైన ఘటనపై మీ అభిప్రాయాలను కామెంట్స్ రూపంలో తెలియజేయండి.
Extremely sad with how rude @IndiGo6E staff member, by the name of Vipul Nakashe behaved with us today on our flight out from Mumbai.Absolutely arrogant, ignorant and threatening tone used with us for no reason.Normally I don’t tweet abt these issues, but this was truly appalling
— Pooja Hegde (@hegdepooja) June 9, 2022
