శివ రీ రిలీజ్ తేదీ ప్రకటించిన నాగార్జున, ఎప్పుడో తెలుసా

దాదాపుగా 4 దశాబ్దాల క్రితం తెలుగు సినిమాను ఓ ఊపు ఊపిన సినిమాగా, యువతను ప్రేరేపించిన శివ చెప్పవచ్చు. రామ్ గోపాల్ వర్మ తెరకెక్కించిన ఈ సినిమా నాగార్జున కెరీర్ బెస్ట్ ఫిల్మ్ అనడంతో సందేహం లేదు. ఇప్పుడీ సినిమా రీ రిలీజ్ అవుతోంది. పూర్తి వివరాలు ఇలా ఉన్నాయి.

తెలుగు చలనచిత్ర పరిశ్రమలో శివ సినిమాకు ప్రత్యేక స్థానముంది. ఒక్క మాటలో చెప్పాలంటే టాలీవుడ్ సినిమా నిర్మాణ శైలిని శివకు ముందు..శివకు తరువాతగా చెప్పడం ప్రారంభించారు. ఈ ఘనత ప్రముఖ సంచలన దర్శకుడు రామ్‌గోపాల్ వర్మకే సొంతం. అన్నపూర్ణ స్టూడియోస్‌లో చిత్రీకరించిన ఈ సినిమా 1989లో విడుదలై పెద్ద సంచలనంగా మారింది. ఈ సినిమా త్వరలో రీ రిలీజ్ అవుతుందని చాలాకాలంగా విన్పిస్తోంది. ఇప్పుడు కింగ్ నాగార్జున అధికారికంగా ప్రకటించారు. శివ రీ రిలీజ్ డేట్ వెల్లడించారు.

ఇవాళ అక్కినేని నాగేశ్వరరావు 101వ జయంతి పురస్కరించుకుని నాగార్జున శివ రీ రిలీజ్ తేదీ ప్రకటించారు. నవంబర్ 14వ తేదీన 4కే డాల్బీలో పూర్తిగా కొత్తదనంతో ఫుల్ సౌండ్ ఎఫెక్ట్‌తో ధియేటర్లలో విడుదల కానుందని నాగార్జున తెలిపారు. ఎన్ని తరాలైనా సినిమా జీవించి ఉంటుందని తన తండ్రి చెప్పేవారని..శివ అలాంటి సినిమా అని నాగార్జున చెప్పారు. ఆర్జీవీ దర్శకత్వంలో నాగార్జున హీరోగా తెరెక్కించిన కల్ట్ క్లాసిక్ సినిమా ఇది. ఇప్పుడు 4కే డాల్బీలో విడుదల కానుండటంతో కచ్చితంగా ఈసారి శివ కొత్త అనుభూతినిస్తుంది. ఈ సినిమా రీ రిలీజ్ గురించి ఆర్జీవీ కూడా స్పందించారు. గతంలో ఎన్నడూ లేని కొత్త సౌండ్ ఎఫెక్ట్స్ ఈ సినిమాలో కన్పిస్తాయని..అప్పటి వరకూ నిరీక్షించడం కష్టమేనని రామ్‌గోపాల్ వర్మ చెప్పుకొచ్చారు.

On my dear father ANR ‘s birthday, I am pleased to announce the film that shook Indian cinema is coming back to shake the theaters again ❤️‍🔥

@AnnapurnaStdios and @RGVzoomin‘s PATH BREAKING FILM #SHIVA Grand Re-Release in theatres on NOVEMBER 14TH, 2025 💥

Experience the cult… pic.twitter.com/VE5HVyo6Pf

— Nagarjuna Akkineni (@iamnagarjuna) September 20, 2025