బ్లాక్ బస్టర్ ‘బేబి’ మూవీకి వీళ్ల ముగ్గురి రెమ్యునరేష్ ఎంతో తెలుసా?

ఆనంద్ దేవరకొండ, వైష్ణవి చైతన్య, విరాజ్ అశ్విన్ మెయిన్ లీడ్స్‌గా, సాయి రాజేష్ దర్శకత్వంలో వచ్చిన యూత్‌ఫుల్ ఎంటర్‌టైనర్ ‘బేబి’. యువత అంతా థియేటర్లకు బారులు తీరేలా చేసిందీ కల్ట్ బ్లాక్ బస్టర్.. ఇటీవల కాలంలో ఏ సినిమా కూడా రెండో రోజు బ్రేకీవెన్ సాధించిన దాఖలాలు లేవు. కానీ రూ. 10 కోట్ల లోపు బడ్జెట్‌తో తెరకెక్కి, ఫస్ట్ వీక్‌లో దాదాపు రూ.40 కోట్లకు పైగా గ్రాస్ వసూలు చేసింది. జూలై 14న ప్రేక్షకుల ముందుకొచ్చిన ఈ మూవీ రెండో వారంలోనూ బాక్సాఫీస్ బరిలో సత్తా చాటుతోంది. సినిమా యూత్‌కి బాగా కనెక్ట్ అవడంతో రిపీట్ ఆడియన్స్ పెరిగారు. ‘బేబి’ చూసి, రవితేజ, సుకుమార్ వంటి పలువురు సినీ ప్రముఖులు టీంమ్‌‌ను అభినందింస్తున్నారు. ఇక తాజాగా అల్లు అర్జున్ సైతం మూవీ చూసి.. ‘బేబి’ అప్రిషియేషన్ మీట్ నిర్వహించారు.

ఇక వైష్ణవి చైతన్య నటనకు ప్రేక్షకులు బాగా కనెక్ట్ అయ్యారు. ఎంతలా అంటే ఆమె చేసిన పాత్రను దారుణంగా తిడుతున్నారు. ఆనంద్ అద్భుతమైన నటనతో కన్నీళ్లు పెట్టించాడు. వీరిద్దరికి తగ్గకుండా తన రోల్ పర్ఫెక్ట్‌గా చేశాడు అశ్విన్ విరాజ్. సినిమాలో మెయిన్ లీడ్స్ అయిన వీరి ముగ్గురి పారితోషికాలకు సంబంధించిన వార్త ఒకటి మీడియా, సోషల్ మీడియాలో వైరల్ అవుతోంది. తమ నటనతో అంతలా మెప్పించిన వీరికి అంత తక్కువ రెమ్యునరేషన్ ఇచ్చారా? అంటూ ఆశ్చర్యపోతున్నారు. రూ.10 కోట్ల బడ్జెట్‌తో ‘బేబి’ తెరకెక్కించినట్లు సమాచారం. మొదటివారం రూ.49.2 కోట్ల గ్రాస్ కలెక్ట్ చేసింది. 8వ రోజుకి రూ.50 కోట్ల గ్రాస్ మార్క్ క్రాస్ చేసి, వరల్డ్ వైడ్ రూ.54 కోట్లు కొల్లగొట్టింది. మీడియం రేంజ్ సినిమాల్లో ఫాస్టెస్ట్ గ్రాసర్‌గా రికార్డ్ క్రియేట్ చేసింది.

ఇక పారితోషికాల విషయానికొస్తే.. ఆనంద్ దేవరకొండకు రూ.80 లక్షలు, వైష్ణవికి రూ.30 లక్షలు, విరాజ్‌కు రూ.20 లక్షలు ఇచ్చారని ప్రచారం జరుగుతోంది. ఈ లెక్కన మెయిన్ క్యారెక్టర్ల రెమ్యునరేషన్ అంతా కలిపి కోటిన్నర కూడా దాటలేదా? అంటూ కామెంట్స్ చేస్తున్నారు. డైరెక్టర్ కోటి రూపాయలు తీసుకున్నాడని అంటున్నారు. వైష్ణవి ఫైనాన్షియల్‌గా చాలా ఇబ్బందులు పడిందని దర్శకుడు చెప్పిన సంగతి తెలిసిందే. సినిమా బజ్ తగ్గాక ఆమెకు పారితోషికంగా మరికొంత అమౌంట్ ఇవ్వొచ్చనే టాక్ వినిపిస్తోంది. ఇదే సంస్థలో మరో రెండు సినిమాలు సైన్ చేసింది వైష్ణవి.

ఇది కూడా చదవండి: బేబి సినిమా దర్శకుడి మాటలకు కంటతడి పెట్టిన వైష్ణవి చైతన్య!

#BabyTheMovie Becomes the 𝐅𝐀𝐒𝐓𝐄𝐒𝐓 𝟓𝟒 𝐂𝐑 grossed movie in just 8 days 🔥🙏
(ᴍᴇᴅɪᴜᴍ ʀᴀɴɢᴇ ᴍᴏᴠɪᴇꜱ)#Baby is All set to have a BLOCKBUSTER 2nd Weekend on cards 💥

Experience the #CultBlockbusterBaby in cinemas near you now! ❤️‍🔥

🎟️ : https://t.co/sWNsCMBr3y pic.twitter.com/ojXAwOB12X

— SKN (Sreenivasa Kumar) (@SKNonline) July 22, 2023