విశ్వంభర రిలీజ్ డేట్ వచ్చేసింది, సినిమా కధేంటి, వైరల్ అవుతున్న చిరంజీవి వీడియో

మెగా ఫ్యాన్స్ ఆసక్తిగా ఎదురు చూస్తున్న మెగా మూవీ విశ్వంభరపై మెగాస్టార్ చిరంజీవి సీక్రెట్స్ రివీల్ చేశారు. ప్రేక్షకుల అంచనాలకు తగ్గట్టుగా ప్రపంచస్థాయి ప్రమాణాలతో ఈ సినిమా ఉంటుందని చెప్పిన చిరు..రిలీజ్ ఎప్పుడనేది కూడా చెప్పేశారు. పూర్తి వివరాలు ఇలా ఉన్నాయి.

లాంగ్ ఎవైటెడ్ మెగాస్టార్ సినిమా విశ్వంభరపై లేటెస్ట్ అప్‌డేట్ వచ్చేసింది. సాక్షాత్తూ మెగాస్టార్ చిరంజీవి ఈ సినిమా సీక్రెట్స్ రివీల్ చేస్తూ ప్రత్యేక వీడియో రిలీజ్ చేశారు. బాక్సాఫీసులో సరైన హిట్ కోసం అటు చిరంజీవి అటు ఆయన అభిమానులు నిరీక్షిస్తున్నారు. త్రిష హీరోయిన్‌గా, రమ్య పసుపులేటి చిరు చెల్లెలిగా నటిస్తున్నారు. ఇప్పటికే విడుదలైన ఈ సినిమా ఫస్ట్ సాంగ్ బాగా ఆకట్టుకుంది. బింబిసార ఫేమ్ వశిష్ట తెరకెక్కిస్తున్న ఈ సినిమాను జగదేక వీరుడు అతిలోక సుందరి తరహాలో ఫాంటసీగా రూపొందిస్తున్నారు. అయితే ఈ సినిమా అంతకంతకూ ఆలస్యం అవుతుండటంతో నిరాశలో ఉన్న అభిమానులకు క్రేజీ అప్‌డేట్ లీక్ చేశారు చిరంజీవి. సినిమా ఎందుకు ఆలస్యం అవుతోంది, ఎప్పుడు విడుదల కానుందో చెప్పేశారు.

సినిమా విషయంలో జరుగుతున్న ఆలస్యం సముచితమేనని అనుకుంటున్నానని ఎందుకంటే విశ్వంభర సినిమా రెండో భాగమంతా పూర్తిగా వీఎఫ్ఎక్స్, గ్రాఫిక్స్‌పై ఆధారపడి ఉండటంతో అత్యున్నత ప్రమాణాలతో తీర్చిదిద్దేందుకే జాప్యం జరుగుతోందంటున్నారు. సినిమా అంతా చందమామ కథలా సాగిపోతుందంటున్నారు చిరు. చిరంజీవి 70వ జన్మదినోత్సవం సందర్భంగా ఇవాళ అంటే ఆగస్టు 21 సాయంత్రం 6 గంటలకు సినిమా మొదటి గ్లింప్స్ రిలీజ్ కానుంది. ఇక ఈ సినిమా వచ్చే ఏడాది అంటే 2026 వేసవిలో విడుదల చేసేందుకు సిద్ఘంగా ఉన్నామని ప్రకటించారు.

ఎంఎం కీరవాణి సంగీతం అందిస్తున్న ఈ సినిమాలో త్రిష, రమ్య పసుపులేటితో పాటు ఆషికా రంగనాథ్ సైతం నటిస్తోంది. కునాల్ కపూర్ ప్రత్యేక పాత్రలో అలరించనున్నాడు. విశ్వంభర సినిమాతో పాటు చిరంజీవి అనిల్ రావిపూడితో మరో సినిమా షూటింగులో బిజీగా ఉన్నారు.

విశ్వంభర కధ ఇదేనా

విశ్వంభర ఓ ఫాంటసీ సినిమా. ఓ మహిళను రక్షించేందుకు చిరంజీవి చేసే పోరాటంలో భాగంగా రెక్కల గుర్రాలు, వివిధ రకాల ఎలిమెంట్లతో సినిమా రూపుదిద్దుకుంటుంది. మొత్తం 14 లోకాల్లో భూమికి పైన 7, దిగువన 7 ఉన్నాయని వాటిలో సత్యలోకం అంటే యమ, స్వర్గ, పాతాళలోకం దాటుకుని బ్రహ్మ ఉండే లోకాన్ని చూపిస్తున్నామని దర్శకుడు ఇప్పటికే స్టోరీ లైన్ ఏంటనేది చెప్పాడు. మరి భూలోకం నుంచి సత్యలోకానికి హీరో ఎలా వెళ్తాడు, ఎలా వస్తాడనేదే కధ.

A MEGA BLAST ANNOUNCEMENT about #Vishwambhara from MEGASTAR @KChirutweets ❤️‍🔥

— https://t.co/MunbC2BYyY

Let us celebrate the MEGA BIRTHDAY with #MEGABLASTTEASER out today at 6.06 PM 💥

MEGA MASS BEYOND UNIVERSE 💫 pic.twitter.com/dBkmRlXOzA

— Team Megastar (@MegaStaroffl) August 21, 2025