follow us:
KTR: కొంతమంది అదృష్టం ఎలాంటిదంటే.. ఆ అదృష్టాన్ని చూసి పక్క వాళ్లు సంభ్రమాశ్చర్యాలలో మునిగి పోతారు. అలాంటి సమయం ఎప్పుడొస్తుందంటే.. పెద్ద ప్రమాదం నుంచి ప్రాణాలతో బయటపడ్డప్పుడు.. అది కూడా అలాంటి ఇలాంటి ప్రమాదం కాదు.. సెకన్లు.. సెంటీ మీటర్ల తేడాతో చావునుంచి తప్పించుకున్నపుడు. అలాంటి ప్రమాదాల వీడియోలు సోషల్ మీడియాలో తరచుగా వైరల్ అవుతూ ఉంటాయి.
అలా వైరల్ అయిన ఓ వీడియో తెలంగాణ ఐటీ శాఖ మంత్రి కే తారకరామారావును ఆశ్చర్యపరిచింది. ఆ వీడియోను చూసి కేటీఆర్ షాక్ అయ్యారు. అసలా ప్రమాదం నుంచి ఆ వ్యక్తి ఎలా బయటపడ్డాడన్నది ఆయనకు అర్థంకాని విషయంలా మారింది. ఇంతకీ సంగతేంటంటే.. ఓ వ్యక్తి ఓ ఇంటి బయట నిలబడి ఏవో పేపర్లు చూస్తూ ఉంటాడు. ఇంతలో అతడి వెనకాలే ఓ ట్రక్ వస్తుంటుంది.
వ్యక్తికి కొన్ని అడుగుల దూరంలో ట్రక్ అదుపు తప్పుతుంది. ట్రక్ ముందు భాగం గాల్లోకి లేచి ఆ వ్యక్తిపైకి దూసుకువస్తుంది. అతడ్ని ఢీకొడుతుంది. సరసరా అతడ్ని గోడకు ఒత్తుతూ ఆగిపోతుంది. అసలు ఏం జరిగిందో అర్థం కాక ఆ వ్యక్తి షాక్ తిన్న వాడిలా అవుతాడు. కొన్ని సెకన్ల తర్వాత కోలుకుని అక్కడినుంచి పారిపోతాడు. ఈ సంఘటన ఎక్కడ, ఎప్పుడు జరిగిందో తెలియదు.
కానీ, ఐపీఎస్ అధికారి దీపాన్షూ కబ్రా తాజాగా ఈ వీడియోను తన ట్విటర్ ఖాతాలో షేర్ చేశారు. ఈ వీడియోను చూసిన కేటీఆర్ దానిపై స్పందించారు. ‘‘ అయ్యో పాపం! దాన్నినుంచి అతడు ఎలా ప్రాణాలతో బయటపడ్డాడు?’’ అని పేర్కొన్నారు. మరి, కేటీఆర్ను ఆశ్చర్యపరిచిన ఈ వీడియోపై మీ అభిప్రాయాలను కామెంట్ల రూపంలో తెలియజేయండి.
Oh Darn!!!! How did he survive that??😱 https://t.co/M6MBGrlPKG
— KTR (@KTRTRS) July 9, 2022
ఇవి కూడా చదవండి : Breakup: గర్ల్ఫ్రెండ్కి ఊహించని షాకిచ్చిన లవర్.. ‘ఇక నన్ను నీ పెద్దన్న అనుకో’!
