టాలీవుడ్ హీరోయిన్ హంసా నందినికి క్యాన్స‌ర్‌.. షాక్ లో ఇండస్ట్రీ!

టాలీవుడ్ లో హీరోయిన్ గా, క్యారెక్టర్ ఆర్టిస్ట్ గా, ఐటెం గర్ల్ గా పలు సినిమాల్లో నటించిన హంసానందిని నటిగా మంచి గుర్తింపు తెచ్చుకుంది. హంసానందిని మరాటీ కుటుంబం నుండి వచ్చింది. హంసా నందిని అసలు పేరు పూనం. ‘అనుమానాస్పదం’ సినిమా సమయంలో దర్శకుడు వంశీ హంసా నందినిగా మార్చారు. 2014లో గుణశేఖర్ దర్శకత్వంలో వచ్చిన చారిత్రక సినిమా రుద్రమదేవి సినిమాలో మదనిక పాత్రలో కనిపించింది. 2013 లో మిర్చి, భాయి, అత్తారింటికి దారేది, రామయ్యా వస్తావయ్యా, బాలకృష్ణ హీరోగా నటించిన లెజెండ్ సినిమాలలో స్పెషల్ సాంగ్స్ లో సందడి చేసింది.

ఇటీవల నటి హంసనందిని క్యాన్సర్‌ బారిన పడ్డారు. గత కొంతకాలంగా సోషల్‌మీడియా, సినిమాలకు దూరంగా ఉన్న ఆమె సోమవారం ఉదయం ఇన్‌స్టా వేదికగా ఈ విషయాన్ని వెల్లడించారు. కొన్నేళ్లక్రితం తన తల్లి కూడా క్యాన్సర్ తో చనిపోయిందని.. అప్పటిరోజులు గుర్తుచేసుకుంటే ఇప్పటికీ ఎంతో బాధగా ఉంటుందని.. ఇప్పుడు తనకు కూడా క్యాన్సర్ వచ్చిందని ఎమోషనల్ అయింది హంసానందిని. ప్రస్తుతం కీమోథెరపీ కారణంగా జుట్టు మొత్తం కోల్పోయి గుండుతో కనిపించింది. నాలుగు నెలల క్రితం తన బ్రెస్ట్ లో లంప్ ఉన్నట్లుగా గుర్తించిన హంసానందిని వెంటనే డాక్టర్స్ ని కలిసి పలు టెస్ట్ లు చేయించుకుందట. అందులో తనకు బ్రెస్ట్ క్యాన్సర్ అని తేలిందట. డాక్టర్స్ బయోప్సీ చేయాలని చెప్పడంతో ట్రీట్మెంట్ తీసుకుందట.

ఇదీ చదవండి : తీవ్రంగా గాయపడ్డ మంచు లక్ష్మి..! ఏమైందంటే?

ఇక తనకొచ్చిన బ్రెస్ట్ క్యాన్సర్ పూర్తిగా నయమయ్యే అవకాశాలు తక్కువ అని.. ఫ్యూచర్ లో మళ్లీ క్యాన్సర్ వచ్చే ఛాన్స్ ఉందని చెప్పింది. కాబట్టి మరో మూడేళ్లపాటు ట్రీట్మెంట్ ను కొనసాగించాల్సి ఉంటుందని తెలిపింది. ప్రస్తుతానికి 9 విడతల కిమోథెరపీలు చేయించుకున్నాను. మరో ఏడు చేయించుకోవాల్సి ఉంది. ఈ మహమ్మారికి నా జీవితాన్ని అంకితం చేయాలనుకోవడం లేదు. నవ్వుతూ ధైర్యంగా పోరాడాలనుకుంటున్నా. సంపూర్ణ ఆరోగ్యంతో మరలా మీ ముందుకువస్తా అంటూ ఎమెషనల్ గా ట్వీట్ చేసింది. ఆమె సంపూర్ణ ఆరోగ్యంతో రావాలని ఇండస్ట్రీ, ప్రేక్షకులు కోరుకుంటున్నారు. ఈ విషయంపై మీ అభిప్రాయాలు కామెంట్స్ ద్వారా తెలియజేయండి.

No matter what life throws at me, no matter how unfair it may seem, I refuse to play the victim. I refuse to be ruled by fear, pessimism, and negativity. I refuse to quit. With courage and love, I will push forward. pic.twitter.com/GprpRWtksC

— Hamsa Nandini (@ihamsanandini) December 20, 2021