follow us:
పేలుడు పదార్థాలు ఉన్న ఓ దుండగుడు అమెరికాను గడగడలాడించాడు. నలుగురు వ్యక్తులను బందీలుగా చేసుకొని దాదాపు పది గంటల పాటు వీరంగం సృష్టించాడు. ప్రత్యేక దళాలు దుండగుడిని హతమార్చడంతో కథ సుఖాంతమైంది.
వివరాల్లోకి వెళితే.. ఓ దుండగుడు టెక్సాస్‌లోని యూదుల ప్రార్థనా మందిరం ‘సినగాగ్‌’ లో మతగురువు సహా నలుగురు వ్యక్తుల్ని బందీలుగా చేసుకున్నాడు. తర్వాత ఓ వీడియోను బయటకు వదిలాడు. అమెరికా జైల్లో ఉన్న ఓ పాకిస్థాన్‌ మహిళా ఉగ్రవాది ఆఫియా సిద్ధిఖీని వెంటనే వదిలిపెట్టాలంటూ డిమాండ్ చేసాడు. కాగా.. ఆఫియా సిద్ధికీకి 86 ఏళ్ల జైలు శిక్ష విధించింది అమెరికా కోర్టు. ఉగ్రవాద కలాపాలకు, అమెరికా సైనికులపై హత్యాయత్నం కేసులో ఆమె నిందితురాలు. కోలీవిల్‌కు సమీపంలో ఉన్న ఫోర్ట్‌ వర్త్‌ జైలులో ఆమె ప్రస్తుతం శిక్ష అనుభవిస్తోంది.
ఇది కూడా చదవండి : ప్రపంచలోనే అతి చిన్న రాజ్యం.. రాజేమో చేపలు పడతాడు
పాకిస్థాన్‌కు చెందిన సిద్ధిఖీ ఓ న్యూరోసైంటిస్ట్‌. ఈమె అమెరికాలోని ప్రఖ్యాత విశ్వవిద్యాలయం ఎంఐటీలో విద్యనభ్యసించింది. 9/11 దాడుల తర్వాత అమెరికా బలగాలకు ఈమె కదలికలపై అనుమానం వచ్చింది. 2004లో ఆమెను అల్‌ఖైదా ఉగ్రవాదిగా ప్రకటించి చివరకు 2008లో అమెరికా బలగాలు సిద్ధిఖీని అఫ్గానిస్థాన్‌లో అదుపులోకి తీసుకున్నాయి.
