ఎల్‌ఐసీ పాలసీదారులకు శుభవార్త.. వాట్సాప్ సర్వీసులు లాంచ్

ప్రభుత్వ రంగ భీమా సంస్థ ఎల్ఐసీ తమ పాలసీదారులకు శుభవార్త చెప్పింది. తొలిసారిగా వాట్సాప్ సేవలను ప్రారంభించింది. ఫలితంగా.. పాలసీదారులు ఇంటి దగ్గర నుంచే వాట్సాప్ లో తమ పాలసీల వివరాలను పొందవచ్చు. అందుకోసం పాలసీదారుల.. 8976862090 నంబర్‌కు ‘Hi’ అని మెసేజ్ చేయాల్సిఉంటుంది. అంతకంటే ముందుగా ఈ సేవలకై కస్టమర్లు రిజిస్టర్ చేసుకోవాలి. రిజిస్టర్ ఎలా చేసుకోవాలి? ఎలాంటి సేవలను వాట్సాప్​ ద్వారా పొందవచ్చు అన్న వివరాలను ఇప్పుడు చూద్దాం..

ఎల్​ఐసీ పాలసీలను కొనసాగిస్తున్న కస్టమర్లు మాత్రమే ఈ వాట్సాప్​ సేవలను వినియోగించుకోగలరు. ముందుగా 8976862090 నెంబర్ ని మీ మొబైల్ లో సేవ్ చేసుకొని.. వాట్సాప్​ లో ఆ నెంబర్​కు ‘HI’ అని మెసేజ్ చేయాలి. ఆప్షన్స్​ వస్తాయి. అందులో నుంచి కావాల్సిన సర్వీసును పొందవచ్చు. ఏయే సేవలు అందుబాటులో ఉన్నాయంటే..

• • ప్రీమియం కట్టాల్సిన తేదీ వివరాలు
  • బోనస్​ సమాచారం
  • పాలసీ స్టేటస్​
  • లోన్​ ఎలిజిబులిటీ కొటేషన్​
  • లోన్​ రీపేమెంట్​ కొటేషన్​
  • లోన్​ ఇంట్రెస్ట్​ కట్టాల్సిన తేదీ
  • ప్రీమియం కట్టిన తర్వాత ఇచ్చే సర్టిఫికెట్​
  • యూఎల్​ఐపీ- స్టేట్​మెంట్​ ఆఫ్​ యూనిట్స్​
  • ఎల్​ఐసీ సర్వీసెస్​ లింక్స్​
  • ఆప్ట్​ ఇన్​/ ఆప్ట్ ఔట్​ సర్వీసులు
  • ఎండ్​ కన్వర్జేషన్​

LIC launches its WhatsApp Services#LIC #WhatsApp pic.twitter.com/vBO4c86xLr

— LIC India Forever (@LICIndiaForever) December 2, 2022

ఎల్​ఐసీ వాట్సాప్​ సేవలకై ఇలా రిజిస్టర్​ చేసుకోండి..

ఎల్​ఐసీ వాట్సాప్​ సేవలకు రిజిస్టర్​ చేసుకునే ముందుగా.. కస్టమర్లు, పాలసీ నెంబర్​, పాలసీల ఇన్​స్టాల్​మెంట్​ ప్రీమియమ్స్​, పాస్​పోర్ట్​/ పాన్​ కార్డ్​ స్కాన్డ్​ కాపీ( సైజ్- 100కేబీ లోపల)ని దగ్గర పెట్టుకోవాల్సి ఉంటుంది.

• స్టెప్​ 1: ముందుగా ఎల్​ఐసీ అధికారిక వెబ్ సైట్ www.licindia.in ఓపెన్ చేయాలి.
• స్టెప్ 2: హోమ్ పేజీలో ఎడమ పక్కన కనిపిస్తున్న Login to Customer Portal​ పై క్లిక్​ చేయాలి.
• స్టెప్​ 3: ఇప్పటికే రిజిస్టర్ అయ్యుంటే.. Registered Userపై క్లిక్ చేసి వివరాలతో లాగిన్ అవ్వాలి. రిజిస్టర్ కానట్లయితే.. New User ఆప్షన్​ మీద క్లిక్​ చేయాలి.
• స్టెప్​ 4: మీ పాలసీ వివరాలు, పుట్టిన తేదీ వంటి వివరాలు ఎంటర్ చేసి.. Proceedపై క్లిక్ చేసి.. ఐడీ, పాస్​వర్డ్​ జనరేట్​ చేయాలి.
• స్టెప్​ 5: ఇప్పుడు మీ యూజర్ ఐడీ, పాస్​వర్డ్ తో లాగిన్ అవ్వాలి.
• స్టెప్​ 6: లాగిన్ అయ్యాక Basic Services లో Add Policy పైన క్లిక్ చేయాలి. మిగిలిన పాలసీలను ఎన్​రోల్​ చేసుకోవాలి. ఎల్​ఐసీ పోర్టల్​లో ఒక్కసారి రిజిస్టర్​ అయితే.. రిజిస్ట్రేషన్​ ఫామ్​లో డేట్​ ఆఫ్​ బర్త్​, ఫోన్​ నెంబర్​, ఈమెయిల్​ అడ్రస్​ వంటి బేసిక్​ వివరాలు ఆటోమెటిక్​గా వచ్చేస్తాయి.
• స్టెప్ 7: ఇలా మీ ఎల్ఐసీ పాలసీలన్నీ యాడ్ చేయాలి.

ఇలా ఎల్ఐసీ పోర్టల్‌లో మీ పాలసీలను యాడ్ చేసిన తర్వాత వాట్సప్ ద్వారా ఎల్ఐసీ అందిస్తున్న సేవల్ని పొందవచ్చు.