follow us:
రైలు ప్రయాణాల్లో వేడి వేడి చాయ్ అని కూత వినపడటం మనం ఎప్పుడూ చూసేది. ఆ కూత వినపడగానే టీ తాగే అలవాటు ఉన్నవారిలో ప్రాణం లేచినట్లవుతుంది. బాబు ఇలా రామ్మా! అంటూ ఠక్కున ఒక కప్పు లాగించేస్తారు. ఇప్పటివరకు ఇది బాగానే ఉన్నా.. ఈ వార్త చదివాక మరోసారి అలాంటి సాహసం చేయకపోవచ్చు. ఎందుకంటే.. రైలు ప్రయాణాల్లో అమ్మే చాయ్ ఇలా వేడిచేస్తారంటూ ఒక ప్రయాణికుడు.. చాయ్ వేడి చేసే విధానాన్ని వీడియో తీసి దాన్ని సోషల్ మీడియాలో పోస్ట్ చేశాడు.
వీడియోలో ఉన్న దాన్ని బట్టి.. రైలులో టీ అమ్మే ఒక వ్యక్తి దాన్ని వేడిచేయడం కోసం శుభ్రంగా లేని ఒక హీటర్ ఉపయోగించి వేడి చేశాడు. దీన్ని గుర్తించిన ప్రయాణికులు అతడు వేడి చేసే విధానాన్ని వీడియోగా చిత్రీకరించారు. సదరు వ్యక్తి పక్కనే ఉన్నప్పటికీ నోరు మెదపక పోవడం గమనార్హం. ఈ ఘటన శబరి ఎక్సప్రెస్ లో చోటుచేసుకున్నట్లు తెలుస్తోంది. ప్రస్తుతం ఈ వీడియో నెట్టింట తెగ వైరల్ అవుతోంది ఈ వీడియో చూసిన నెటిజన్లలో.. ‘ఇన్నాళ్లు నేను తాగిన చాయ్ కూడా ఇలానే చేశారా?..’ అంటూ తమకు జరిగిన అనుభూతులను కామెంట్లలో పోస్ట్ చేస్తున్నారు.
View this post on Instagram
