హైదరాబాద్ లో విరాట్ కోహ్లీ 50 ఫీట్ కటౌట్.. స్టార్ హీరోలకు మించి!

అతడి పనైపోయిందన్నారు.. ఇక ఆటకి పనికిరాడని అన్నారు. రిటైర్మెంట్ ఇచ్చేస్తే బెటర్ అని కామెంట్స్ చేశారు. అన్నీ భరించాడు. తనకంటూ ఓ రోజు వస్తుందని ఎదురుచూశాడు. ఆ రోజు రానే వచ్చింది. మాటలతో చెబితే కిక్ ఏముంటుందని.. బ్యాట్ తో సమాధానం చెప్పాడు. తనపై విమర్శలు చేసిన ప్రతి ఒక్కరూ.. తననే మెచ్చుకునేలా చేస్తున్నాడు. ప్రస్తుతం టీ20 వరల్డ్ కప్ లో అదరగొడుతున్న కోహ్లీ పుట్టినరోజు ఈ రోజు(నవంబరు 5). అలాంటి కోహ్లీకి తెలుగోళ్ల ప్రేమ ఏంటో చూపించాలిగా. ఈ క్రమంలో కొండంత ప్రేమని అతడిపై చూపించారు.

ఇక వివరాల్లోకి వెళ్తే.. సినిమాల్లో నటిస్తున్న హీరోలు కాదు విరాట్ కోహ్లీ అసలు సిసలు పాన్ ఇండియా స్టార్. ఎందుకంటే సచిన్, ధోనీ తర్వాత ఆ స్థాయిలో క్రేజ్ తెచ్చుకున్న క్రికెటర్ ఎవరైనా ఉన్నారంటే అది కోహ్లీ మాత్రమే. 2008లో టీమిండియాలోకి ఎంట్రీ ఇచ్చిన మనోడు.. ప్రారంభంలో కాస్త తడబడ్డాడు. ఒక్కసారి సెట్ అయిన తర్వాత ఇక వెనక్కి తిరిగి చూసుకునే పనిరాలేదు. మన దేశంలో పిల్లాడి నుంచి కుర్రాడి వరకు కోహ్లీ ఫ్యాన్సే. ఇది జస్ట్ ఎగ్జాంపుల్ మాత్రమే. ఎందుకంటే వేరే దేశాల స్టార్ క్రికెటర్లు, మాజీ క్రికెటర్లు, మహిళా క్రికెటర్లు.. ఇలా ఒకరేమిటి ఎవరిని అడిగినా సరే కోహ్లీ వాళ్ల మనసుల్లో ఉంటాడు.

అలాంటి కోహ్లీ.. రీసెంట్ గా జరిగిన ఆసియాకప్ లో సెంచరీతో చెలరేగాడు. ఫామ్ కోల్పోయాడు, బ్యాటింగ్ చేయలేకపోతున్నాడు అన్న ప్రతి ఒక్కరి నోరు మూయించాడు. ఇక తాజాగా ఆస్ట్రేలియాలో జరుగుతున్న టీ20 వరల్డ్ కప్ లోనూ పాక్ తో మ్యాచ్ లో ఓడిపోతున్న టీమిండియాకు అద్భుత విజయాన్ని అందించాడు. ఆ తర్వాత కూడా నెదర్లాండ్స్, బంగ్లాదేశ్ జట్లపై హాఫ్ సెంచరీలు చేసి ఫుల్ ఫామ్ లో ఉన్నాడు. ఇక నవంబర్ 5న కోహ్లీ పుట్టినరోజు సందర్భంగా దేశవ్యాప్తంగా సెలబ్రేషన్స్ గ్రాండ్ లెవల్లో జరగనున్నాయి. ఇందులో భాగంగానే హైదరాబాద్ ఆర్టీసీ క్రాస్ రోడ్స్ లోని సుదర్శన్ థియేటర్ లో 50 అడుగుల కోహ్లీ కటౌట్ ని పెట్టారు. సాధారణంగా ఇక్కడ తెలుగు స్టార్ హీరోల కటౌట్స్ మాత్రమే పెడుతుంటారు. ఇప్పుడు అదే ప్లేస్ లో కోహ్లీ నిలిచి.. తొలి క్రికెటర్ గా ఈ ఘనత సాధించాడు. ఇది సోషల్ మీడియాలో తెగ వైరల్ గా మారింది. విజయవాడలో 40 అడుగుల కోహ్లీ కటౌట్, ముంబయిలో ఓ పెద్ద గోడపై కోహ్లీ ఫేస్ ని గీశారు. ప్రస్తుతం ఈ ఫొటోలన్నీ కూడా కోహ్లీ ఫ్యాన్స్ వాల్ పేపర్స్, వాట్సాప్ స్టేటస్ ల్లో రచ్చ లేపుతున్నాయి.

 

View this post on Instagram

 

A post shared by Wirally (@wirally)

It’s just been a few hours and let’s have a look at how India is celebrating @imVkohli ‘s birthday :

• Artists paint a wall mural of Virat Kohli in Mumbai

• Huge poster of Virat Kohli in Vijayawada

• Massive cutout of Virat Kohli in Hyderabad

#HappyBirthdayViratKohli pic.twitter.com/maQUIME07W

— Vishwajeet (@imvishwajeet99) November 4, 2022

Wishing @imVkohli a very Happy Birthday! 🎂🥳 pic.twitter.com/FG1uNchQWw

— Virat Kohli Foundation (@vkfofficial) November 5, 2022