పోలీసులకు పట్టుబడ్డ సీరియల్‌ కిస్సర్‌.. విచారణలో వణుకుపుట్టించే విషయాలు..!

‘సీరియల్ కిల్లర్స్’ గురించి వినుంటారు కానీ, ‘సీరియల్ కిస్సర్‌’ గురుంచి పెద్దగా విని ఉండరు. వరుస పెట్టి మర్డర్లు చేసేవారిని సీరియల్ కిల్లర్స్ అంటారు. కార్తీ నటించిన ఖాకీ సినిమా తరహాలో వీరి అరాచకాలు ఉంటాయి. కానీ, సీరియల్‌ కిస్సర్‌ వేరు. ఈ మధ్యకాలంలోనే వీరు వెలుగులోకి వచ్చారు. ఒంటరి మహిళలు కనిపిస్తే చాలు.. వెనుక నుంచి పరుగున వచ్చి గట్టిగా పట్టుకొని.. బలవంతంగా పెదాలపై ముద్దు పెడతారు. ఆపై ఏం జరిగిందా! అని మహిళలు తేరుకునేలోపే అక్కడి నుంచి పరారవుతారు. ఇటీవల బీహార్‌లో ఇలాంటి ఘటన వెలుగుచూసింది. అందుకు సంబంధించిన వీడియోలు సోషల్ మీడియాలో వైరలవ్వడంతో.. మహిళలు ఒంటరిగా కనిపించాలంటే భయపడిపోయారు. ఇదిలావుంటే, ఈ సీరియల్ కిస్సర్ ఎట్టకేలకు పోలీసులకు పట్టుబడ్డాడు.

బీహార్‌లో ఒంటరి మహిళను ఒక యువకుడు ముద్ధాడిన వీడియోలు సోషల్ మీడియాలో ప్రత్యక్షమవ్వడంతో పోలీస్ యంత్రాంగం అప్రమత్తమైన సంగతి తెలిసిందే. దీనిపై ప్రత్యేక నిఘా ఉంచిన పోలీసులు, ముఠా నాయకుడిగా పేర్కొంటున్న అక్రమ్‌ సహా మరో నలుగురిని వలవేసి పట్టుకున్నారు. అనంతరం వీరిని విచారించిగా ఒళ్లు జలదరించే విషయాలు వెలుగులోకి వచ్చాయి. ఎందరో మహిళలను వీరు ఇలానే వేధించినట్లు విచారణలో వెల్లడైంది. గుంపుగా కాకుండా.. వీరందరూ ఒక్కొక్కరిగా విడిపోయి ఇలాంటి అరాచకాలకు పాల్పడుతున్నట్లు పోలీసులు నిర్ధారించారు. ఒంటరి మహిళలను వేధించడం, బలవంతంగా ముద్దులు పెట్టడమే కాకుండా రాత్రి వేళల్లో దొంగతనాలకు సైతం పాల్పడుతున్నట్లు పోలీసులు గుర్తించారు.

జరిగిందిదే..

ఈ నెల 10న బీహార్‌లోని జముయి జిల్లాలోని సదర్ ఆసుపత్రి ప్రాంగణంలో ఒక మహిళ ఫోన్‌లో మాట్లాడుతుండగా.. అకస్మాత్తుగా వెనుక నుండి వచ్చిన ఒక యువకుడు ఆమెను బలవంతంగా ముద్దుకున్నాడు. అనంతరం అక్కడి నుంచి క్షణాల్లో పారిపోయాడు. ఈ ఘటనకు సంబంధించిన దృశ్యాలు అక్కడి సీసీటీవీ కెమెరాలో రికార్డయ్యాయి. ఆ వీడియోలు సోషల్ మీడియాలో ప్రత్యక్షమవ్వడంతో అతడిని అరెస్ట్ చేయాలంటూ పలువురు పోలీసులకు ఫిర్యాదు చేశారు. ఈ క్రమంలోనే నిందితుడి కోసం ప్రత్యేక బృందాలుగా విడిపోయిన పోలీసులు ఎట్టకేలకు ఆ ముఠాను అదుపులోకి తీసుకున్నారు.

Jamui, Bihar: The notorious Serial Kisser Mohammad Akram arrested by Police. He used to forcefully lip-lock random alone women and then use to flee from the spot. pic.twitter.com/MLq3GbrL6W

— Megh Updates 🚨™ (@MeghUpdates) March 20, 2023