మైదానంలో అనుష్కపై ముద్దుల వర్షం కురిపించిన విరాట్ కోహ్లీ!

మొహాలీ వేదికగా శ్రీలంకతో.. భారత్ తొలి టెస్ట్‌ ప్రారంభమైంది. ఈ మ్యాచ్‌తో విరాట్ కోహ్లీ 100 టెస్టు మ్యాచ్‌ల మైలు రాయిని చేరుకున్నాడు. అదే విధంగా రోహిత్‌ తొలిసారి భారత జట్టుకు నాయకత్వం వహిస్తున్నాడు. విరాట్ కోహ్లీ 100 టెస్టు మ్యాచుల మైలురాయిని చేరుకున్న సంద‌ర్భంగా ఎమోషనలైన విరాట్ కోహ్లీ అనుష్క మీద ముద్దుల వర్షం కురిపించాడు. ప్రస్తుతం ఇందుకు సంబంధించిన వీడియో సోషల్ మీడియాలో వైరలవుతోంది.

మొహాలీలో టెస్టు మ్యాచ్ ప్రారంభానికి ముందు.. హెడ్ కోచ్ రాహుల్ ద్రవిడ్ 100వ టెస్ట్ ఆడుతున్న విరాట్‌కు ప్రత్యేక మెమెంటో క్యాప్ అందించాడు. ఈ సందర్బంగా భావోద్వేగానికి గురై.. కోహ్లీ రాహుల్‌ ద్రవిడ్ అంటే తనకు ఎంత అభిమానమో చెప్పుకొచ్చాడు. తన చిన్న‌నాటి హీరో రాహుల్ ద్రావిడ్ చేతుల మీదుగా 100వ టెస్ట్ మ్యాచ్ క్యాప్‌ అందుకోవడం గ‌ర్వంగా ఉందన్నాడు. జట్టు సహకారం లేకుండా ఇది సాకారం అయ్యేది కాదన్నాడు. బీసీసీఐకి ధన్యవాదాలు తెలిపాడు. ఇక ఈ ప్రయాణంలో తనకు మద్దతుగా నిలిచిన భార్య అనుష్క శర్మను కౌగిలించుకుని ముద్దుల వర్షం కురిపించాడు. అందుకు సంబంధించిన వీడియోను బీసీసీఐ ట్వీట్ చేసింది. ఈ స్వీట్ మెమొరీపై కోహ్లి అభిమానులు.. రొమాంటిక్ బాయ్ అంటూ ట్వీట్ల వర్షం కురిపిస్తున్నారు.కోహ్లి ఈ మ్యాచుతో 100 టెస్టులు ఆడిన 12వ భారత క్రికెటర్ అయ్యాడు. 2011లో వెస్టిండీస్ తో జరిగిన మ్యాచుతో కోహ్లీ టెస్టుల్లో ఆరంగ్రేటం చేశాడు. ఇప్పటివరకు 99 టెస్టులాడిన కోహ్లీ 7962 పరుగులు సాధించాడు. ఇందులో 27 సెంచరీలు, 28 హాఫ్ సెంచరీలున్నాయి. టెస్టుల్లో కోహ్లీ అత్యధిక స్కోరు 254 నాటౌట్. ఇక వన్డేల్లో 260 మ్యాచులాడిన కోహ్లీ 12311 పరుగులు చేశాడు. ఇందులో 43 సెంచరీలు, 64 హాఫ్ సెంచరీలున్నాయి. వన్డేల్లో కోహ్లీ అత్యధిక స్కోరు 183.

 

What a moment to commemorate his 100th Test appearance in whites 🙌🏻

Words of appreciation from the Head Coach Rahul Dravid and words of gratitude from @imVkohli👏🏻#VK100 | #INDvSL | @Paytm pic.twitter.com/zfX0ZIirdz

— BCCI (@BCCI) March 4, 2022