ఆస్పత్రిలో చేరిన భారత క్రికెటర్‌! కష్టంగా ఉందంటూ..

క్రికెటర్లు తరచూ గాయాలపాలవుతుంటారు. గాయాలు వారి జీవితంలో ఒక భాగంగా మారిపోతాయి. అందులోనూ పేసర్లకు ఆ సమస్య ఎక్కువగా ఉంటుంది. ఆ గాయాలు కొన్ని సార్లు వారి క్రికెట్‌ కెరీర్‌ను సైతం నాశనం చేస్తాయి. వరల్డ్‌ కప్‌కు ముందు బుమ్రా గాయపడిన విషయం తెలిసిందే. బంగ్లాదేశ్‌తో వన్డే సిరీస్‌కు మొహమ్మద్‌ షమీ గాయంతో సిరీస్‌కు దూరం అయ్యాడు. ఇప్పుడు తాజాగా.. టీమిండియా క్రికెట్‌ ఖలీల్‌ అహ్మద్‌ సైతం ఆస్పత్రిలో చేరి.. రంజీ ట్రోఫీకి దూరం కానున్నాడు. 2018లో టీమిండియాకు ఆడి, ఐపీఎల్‌ల్లో సన్‌రైజర్స్‌ హైదరాబాద్‌కు ప్రాతినిథ్యం వహించి, ప్రస్తుతం ఢిల్లీ క్యాపిటల్స్‌ టీమ్‌లో కీ ప్లేయర్‌గా ఉన్న పేసర్‌ ఖలీల్‌ అహ్మద్‌ ప్రస్తుతం ఆస్పత్రిలో చేరాడు.

ఆస్పత్రి బెడ్‌పై ఉన్న ఫొటోను తన ట్విట్టర్‌ అంకౌట్‌లో షేర్‌ చేస్తూ.. క్రికెట్‌కు దూరంగా ఉండటం కష్టంగా ఉందని, అనారోగ్య కారణాలతో మంగళవారం నుంచి ప్రారంభం కానున్న రంజీ సీజన్‌లో కొన్ని మ్యాచ్‌లకు దూరం అవుతున్నట్లు ఖలీల్‌ తెలిపాడు. తాను వేగంగా కోలుకుంటున్నానని.. పూర్తిగా ఫిట్‌ అయిన తర్వాత మళ్లీ మైదానంలోకి దిగుతానని అన్నాడు. అలాగే తాను కోలుకోవాలని ఆకాంక్షించిన వారందరికీ ధన్యవాదాలు తెలిపాడు. అయితే.. ఖలీల్‌ అహ్మెద్‌కు ఏమైందనే విషయంపై మాత్రం ఇంకా స్పష్టత లేదు. కాగా.. ఖలీల్‌ అహ్మద్‌ 2018లో హాంకాంగ్‌తో జరిగిన వన్డే మ్యాచ్‌తో టీమిండియాలోకి అరంగేట్రం చేశాడు. ఆ తర్వాత… 2018 నవంబర్‌లో కోల్‌కత్తాలోని ఈడెన్‌ గార్డెన్స్‌లో వెస్టిండీస్‌తో జరిగిన మ్యాచ్‌తో టీ20 ఫార్మాట్‌లోకి ఎంట్రీ ఇచ్చాడు. భారత్‌ తరఫున ఇప్పటి వరకు 11 వన్డేలు ఆడిన ఖలీల్‌ 15 వికెట్లు పడగొట్టాడు. అలాగే 14 టీ20ల్లో 13 వికెట్ల తీశాడు.

కాగా.. 2018 నుంచి ఐపీఎల్‌ ఆడుతున్న ఖలీల్‌ అహ్మద్‌ 2021 వరకు సన్‌రైజర్స్‌ హైదరాబాద్‌ టీమ్‌కు ఆడాడు. 2018లో సన్‌రైజర్స్‌ ఖలీల్‌ను రూ.3 కోట్లకు కొనుగోలు చేసింది. ఇక ఐపీఎల్‌ 2022 మెగా వేలంలో మాత్రం ఢిల్లీ క్యాపిటల్స్‌ ఖలీల్‌ను రూ.5.25 కోట్ల భారీ ధర పెట్టి కొనుగోలు చేసింది. గత సీజన్‌లో 10 మ్యాచ్‌లు ఆడిన ఖలీల్‌ 16 వికెట్లు పడగొట్టాడు. ఐపీఎల్‌ మొత్తం మీద 34 మ్యాచ్‌లు ఆడి.. 48 వికెట్లు పడగొట్టాడు. ఇక 2019 తర్వాత మళ్లీ టీమిండియాకు ఆడే అవకాశం ఖలీల్‌కు రాలేదు. దీంతో ఐపీఎల్‌తో పాటు దేశవాళీ టోర్నీలపై ఫోకస్‌ పెట్టిన ఖలీల్‌ తాజాగా అనారోగ్యంతో ఆస్పత్రి పాలయ్యాడు. మరి ఖలీల్‌ అహ్మద్‌ త్వరగా కోలుకోవాలని మీ విషెష్‌ను కామెంట్ల రూపంలో తెలియజేయండి.

Dear all, it’s very hard to stay away from cricket, It’s unfortunate, but due to my medical condition, I would be missing most of the matches of the upcoming Ranji season. I am on the road to recovery and will be back in the side once deemed fit.

I am grateful for all the wishes pic.twitter.com/TA68ARmoPx

— Khaleel Ahmed 🇮🇳 (@imK_Ahmed13) December 12, 2022