పవన్, మహేష్ లకు రాజమౌళి స్పెషల్ థాంక్స్!

దర్శకధీరుడు రాజమౌళి నుండి 2022 సంక్రాంతి కానుకగా ప్రేక్షకుల ముందుకు రాబోతున్న పాన్ ఇండియా మూవీ RRR. పీరియాడిక్ డ్రామాగా తెరకెక్కిన ఈ మల్టీస్టారర్ మూవీలో మెగాపవర్ స్టార్ రాంచరణ్ – యంగ్ టైగర్ ఎన్టీఆర్ ప్రధానపాత్రలు పోషించారు. ఇప్పటికే RRR నుండి విడుదలైన పాటలు, ట్రైలర్ లకు ప్రపంచవ్యాప్తంగా అద్భుతమైన స్పందన లభించింది. ట్రైలర్ సినిమా పై అంచనాలను మరో స్థాయికి తీసుకెళ్లిందని చెప్పవచ్చు. RRR రిలీజ్ దగ్గర పడుతుండటంతో చిత్రబృందం పెద్ద ఎత్తున ప్రమోషన్స్ చేస్తున్నారు. RRR సినిమా ప్రపంచవ్యాప్తంగా జనవరి 7న వివిధ భాషల్లో రిలీజ్ కాబోతుంది.

Also, thanks to Dil Raju garu and the #F3Movie team for shifting the release of their film. Best wishes ! @SVC_official

— rajamouli ss (@ssrajamouli) December 21, 2021

అయితే.. RRR రిలీజైన 5 రోజులకే(జనవరి 12న) పవన్ కళ్యాణ్ నటించిన భీమ్లానాయక్, జనవరి 14న ప్రభాస్ నటించిన పాన్ ఇండియా మూవీ రాధేశ్యామ్ సినిమాలు విడుదలకు రెడీ అవుతున్నాయి. ఇలాంటి తరుణంలో.. RRR రిలీజైన వెంటనే భీమ్లానాయక్ మూవీ వస్తే.. ఖచ్చితంగా అటు థియేటర్స్ పరంగా.. ఇటు కలెక్షన్స్ పరంగా కోత జరిగే అవకాశం ఉంది. ఎందుకంటే RRR మూవీ వచ్చిన వారానికి రాధేశ్యామ్ సినిమా రానుంది. ఒకవేళ ఈ రెండింటి మధ్యలో భీమ్లానాయక్ రాకుండా ఉంటే.. RRR కలెక్షన్స్ కి ఢోకా ఉండదు. అలాగే జనవరి 14 తర్వాత రాధేశ్యామ్ కలెక్షన్స్ కి అడ్డు ఉండదు. అదే జరిగితే RRR, రాధేశ్యామ్ సినిమాలు ఈజీగా కలెక్షన్స్ రాబట్టుకోగలవు.

The decision by Chinababu garu and Pawan Kalyan garu to defer the release date of #BheemlaNayak is well appreciated. Wishing the team all the very best…:)

— rajamouli ss (@ssrajamouli) December 21, 2021

అయితే.. తాజాగా RRR – రాధేశ్యామ్ సినిమాల మధ్యలో నుండి భీమ్లానాయక్ సినిమాను వాయిదా వేశారు మేకర్స్. భీమ్లానాయక్ జనవరి 12 నుండి ఫిబ్రవరి 25కి వాయిదా పడింది. కాబట్టి ఇప్పుడు RRR – రాధేశ్యామ్ లకు పోటీ ఏమిలేదని చెప్పాలి. RRR – రాధేశ్యామ్ సినిమాల కోసం తమ సినిమాలను వాయిదా వేసుకున్న దర్శకనిర్మాతలకు కృతజ్ఞతలు తెలిపారు మేకర్స్. అయితే, డైరెక్టర్ రాజమౌళి ట్విట్టర్ వేదికగా మహేష్ బాబు(సర్కారు వారి పాట), దిల్ రాజు(F3), చిన్నబాబు(భీమ్లానాయక్)లకు ప్రత్యేక కృతజ్ఞతలు తెలియజేశారు. సంక్రాంతికి రావాల్సిన సర్కారు వారి పాట ఏప్రిల్ 1కి, భీమ్లానాయక్ ఫిబ్రవరి 25కి, F3 ఏప్రిల్ 29కి వాయిదా పడ్డాయి. ప్రస్తుతం రాజమౌళి ట్వీట్స్ నెట్టింట వైరల్ అవుతున్నాయి. మరి రాజమౌళి ట్వీట్స్ పై మీ అభిప్రాయాలను కామెంట్స్ రూపంలో తెలియజేయండి.

.@urstrulyMahesh was the one who took the initative in decluttering the Pongal releases… Even though #SarkaruVaariPaata was a perfect Pongal film, he moved it to summer and created a healthy atmosphere. Thanks to my Hero 🙂 and also to the entire team at @MythriOfficial…

— rajamouli ss (@ssrajamouli) December 21, 2021