ఆసీస్ స్పిన్నర్ టాడ్ మర్ఫీ సంచలనం.. 141 ఏళ్ల రికార్డ్ బ్రేక్!

స్వదేశంలో టీమిండియా బ్యాటర్లను ఇబ్బంది పెట్టడం ప్రత్యర్థి జట్టు బౌలర్లకు కాస్త కష్టమైన పనే. అందుకోసమే అన్నట్లు టెస్టు సిరీస్ లు ప్రకటించడం లేటు.. కొత్త స్పిన్నర్లని ఎంచుకుంటాయి. వాళ్లని తురుపుముక్కల్లా తయారు చేస్తాయి. కొన్నిసార్లు ఆయా స్పిన్నర్ల వల్ల మ్యాచ్ టర్న్ అయిన సందర్భాలు చాలానే ఉన్నాయి. తాజాగా ఆ లిస్టులోకి ఆసీస్ యువ పేసర్ టాడ్ మర్ఫీ చేరతాడు. ఎందుకంటే ఆడుతుంది కెరీర్ లోనే తొలి అంతర్జాతీయ టెస్టు. అయినా ఏ మాత్రం భయం లేకుండా బౌలింగ్ చేశాడు. కోహ్లీ, పుజారా, రోహిత్ లాంటి స్టార్ బ్యాటర్లని బోల్తా కొట్టించాడు.

ఇక వివరాల్లోకి వెళ్తే.. బోర్డర్ గావస్కర్ ట్రోఫీలో భాగంగా నాగ్ పూర్ వేదికగా భారత్-ఆస్ట్రేలియా మధ్య తొలి టెస్టు జరుగుతోంది. ఫస్ట్ ఇన్నింగ్స్ లో తొలుత బ్యాటింగ్ చేసిన ఆసీస్ జట్టుకు మన బౌలర్లు చుక్కలు చూపించారు. దీంతో బ్యాటర్లందరూ కూడా ఇలా వచ్చి అలా వెళ్లిపోయారు. ఫలితంగా 177 పరుగులకు ఆలౌటైంది. అనంతరం బ్యాటింగ్ కు దిగిన భారత్ ను కెప్టెన్ రోహిత్ శర్మ సెంచరీతో ఆదుకున్నాడు. మిగతా బ్యాటర్లు మాత్రం తక్కువ స్కోరుకే ఔటే పెవిలియన్ కి వెళ్లిపోయారు. రెండో రోజు పూర్తయ్యేసరికి భారత్ 7 వికెట్లు కోల్పోయి 321 పరుగులు చేస్తే.. అందులో ఐదు వికెట్లు తీసింది టాడ్ మర్ఫీ అనే కుర్రాడు.

నాగ్ పూర్ పిచ్, స్పిన్ కు సహకరిస్తోంది. దీంతో బంతిని గింగిరాలు తిప్పుతున్న మర్ఫీ.. బ్యాటర్ పాదాల కదలిక ఆధారంగా బంతిని ల్యాంగ్ చేస్తున్నాడు. మిగతా వాళ్లని పక్కనబెడితే.. సెంచరీ చేసి ఊపు మీదున్న రోహిత్ శర్మని కూడా తన లెంగ్త్ తో తెగ ఇబ్బంది పెట్టాడు. ఇక కెరీర్ లో తొలి అంతర్జాతీయ టెస్టులోనే 5 వికెట్ల మార్క్ అందుకున్న మర్ఫీ.. ఆస్ట్రేలియా తరఫున ఈ ఘనత సాధించిన ఐదో బౌలర్ గా నిలిచాడు. ఓవరాల్ గా చూసుకుంటే.. అరంగేట్ర మ్యాచ్ లో ఈ ఘనత నమోదు చేసిన 35వ బౌలర్ గా మర్ఫీ నిలిచాడు. అలానే మరో అరుదైన రికార్డు కూడా బ్రేక్ చేశాడు. 1882 తర్వాత.. 23 ఏళ్ల లోపే టెస్టుల్లో 5 వికెట్ల ఘనత సాధించిన తొలి ఆసీస్ స్పిన్నర్ గా మర్ఫీ ఘనత నమోదు చేశాడు. దీంతో దాదాపు 141 ఏళ్ల పాటు ఉన్న రికార్డ్ బ్రేక్ అయింది. 22 ఏళ్ల మర్ఫీ.. ఈ టెస్టుతో ఎంట్రీ ఇవ్వడానికి ముందు కేవలం 7 ఫస్ట్ క్లాస్ మ్యాచులు ఆడటం విశేషం. మరి టాడ్ మర్ఫీ బ్రేక్ చేసిన రికార్డ్ పై మీరేం అనుకుంటున్నారు. కింద కామెంట్స్ లో మీ అభిప్రాయాన్ని పోస్ట్ చేయండి.

FIVE wickets to Todd Murphy on Test debut!

❌ Rahul
❌ Ashwin
❌ Pujara
❌ Kohli
❌ Bharat#INDvAUS pic.twitter.com/IJVDttI4u3

— 7Cricket (@7Cricket) February 10, 2023