తొలి టీ20లో ఓడిన భారత్‌! పరాజయానికి 5 ప్రధాన కారణాలు

న్యూజిలాండ్‌తో జరిగిన మూడు వన్డేల సిరీస్‌ను 3-0తో క్లీన్‌స్వీప్‌ చేసిన టీమిండియా.. టీ20 సిరీస్‌లో మాత్రం తొలి మ్యాచ్‌లోనే బోల్తా కొట్టింది. రోహిత్‌ శర్మ, విరాట్‌ కోహ్లీలు లేకుండా హార్దిక్‌ పాండ్యా కెప్టెన్సీలో బరిలోకి దిగిన యువ భారత జట్టు దారుణంగా విఫలం అయ్యింది. టాస్‌ గెలిస్తే చాలు మ్యాచ్‌ గెలిచే రాంచీ మైదానంలో.. టీమిండియా టాస్‌ గెలిచి కూడా మ్యాచ్‌ ఓడిపోయింది. స్పిన్‌కు అనుకూలించే పిచ్‌పై పేసర్లు తేలిపోగా.. బ్యాటింగ్‌లో టాపార్డర్‌ అత్యంత ఘోరంగా ఫెయిల్‌ అయింది. ఇవ్వాల్సిన పరుగుల కంటే 20 పరుగులు ఎక్కువగా సమర్పించుకున్న టీమిండియా.. చివరికి అదే తేడాతో మ్యాచ్‌ చేజార్చుకుంది. దీంతో.. మూడు టీ20ల సిరీస్‌లో 0-1తో న్యూజిలాండ్‌ ఆధిక్యంలోకి వెళ్లింది.

ఈ మ్యాచ్‌లో టాస్‌ గెలిచిన టీమిండి​యా కెప్టెన్‌ హార్దిక్‌ పాండ్యా తొలుత న్యూజిలాండ్‌ను బ్యాటింగ్‌కు ఆహ్వానించాడు. నిర్ణీత 20 ఓవర్లలో 6 వికెట్ల నష్టానికి 176 పరుగులు చేసింది న్యూజిలాండ్‌. కాన్వె 52, డార్లీ మిచెల్‌ 59 పరుగులతో రాణించారు. ఇన్నింగ్స్‌ చివరి ఓవర్‌ వేసిన అర్షదీప్‌ బౌలింగ్‌లో మిచెల్‌ విధ్వంసం సృష్టించాడు. వరుసగా మూడు సిక్సులు, ఒక ఫోర్‌తో పాటు మొత్తం 27 పరుగులు పిండుకున్నాడు. ఓటమికి కారణంగా నిలిచిందని చెప్పవచ్చు. అయితే ఈ గ్రౌండ్‌లో 177 రన్స్‌ టార్గెట్‌ పెద్ద కష్టమేమి కాదు, పైగా డ్యూ ఉండటంతో బ్యాటింగ్‌ ఈజీ అనుకున్నారు. కానీ.. అనూహ్యంగా రెండో ఇన్నింగ్స్‌లో కివీస్‌ పేసర్లకు స్వింగ్‌ మూమెంట్‌ లభించడంతో వారు చెలరేగిపోయాడు. అలాగే స్పిన్నర్లకు మొదటి నుంచి పిచ్‌ అనుకూలంగా ఉంది. దీంతో కివీస్‌ స్పిన్నర్లు సైతం భారత బ్యాటర్లతో ఓ ఆట ఆడుకున్నారు. వారి ధాటికి టీమిండియా 15 పరుగులకే 3 వికెట్లు కోల్పోయింది. సూర్యకుమార్‌ యాదవ్‌ 47, వాషింగ్టన్‌ సుందర్‌ 50 మినహా మిగతా బ్యాటర్లు విఫలం అవ్వడంతో భారత్‌.. 20 ఓవర్లలో 9 వికెట్లు కోల్పోయి 155 పరుగులు చేసి 21 రన్స్‌ తేడాతో ఓటమి పాలైంది.

భారత ఓటమికి 5 ప్రధాన కారణాలు..

1. అర్షదీప్‌ సింగ్‌ చివరి ఓవర్‌లో 27 పరుగులు ఇవ్వడం టీమిండియా ఓటమికి మొదటి ప్రధాన కారణంగా చెప్పవచ్చు. ఆ ఓవర్‌లో అర్షదీప్‌ తొలి బంతిని నో బాల్‌ వేయగా.. మిచెల్‌ సిక్స్‌గా మలిచాడు. ఆ తర్వాత రెండు బంతుల్లోనూ సిక్సులు, మూడో బంతికి ఫోర్‌ బాదాడు. ఇలా ఆ ఓవర్‌ మొత్తం మీద 27 రన్స్‌ వచ్చాయి. దీంతో 160 పరుగులకే కివీస్‌ ఇన్నింగ్స్‌ ముగుస్తుందని భావిస్తే.. భారత్‌ ముందు 177 పరుగుల టార్గెట్‌ వచ్చింది. చివరికి టీమిండియా ఆ 21 రన్స్‌ తేడాతోనే ఓడింది.
2. దారుణంగా విఫలమైన టీమిండియా టాపార్డర్‌ బ్యాటర్లు.. ఓపెనర్లు ఇషాన్‌ కిషన్‌(5), శుబ్‌మన్‌ గిల్‌(7), రాహుల్‌ త్రిపాఠి(0) ఇలా మొదటి ముగ్గురు బ్యాటర్లు పరుగులు చేయకపోవడం, వెంటవెంటనే వికెట్లు పడటం కూడా టీమిండియా ఓటమికి కారణం
3. డెత్‌ ఓవర్ల వీక్‌నెస్‌.. భారత బౌలింగ్‌ విభాగం ఎంత పటిష్టంగా ఉన్నా కొంతకాలం ఇన్నింగ్స్‌ చివరి ఓవర్స్‌లో తేలిపోతున్నారు. మొదట్లో వికెట్లు తీసి చివర్లో చేతులెత్తేస్తున్నారు. ఈ మ్యాచ్‌లో కూడా చివర్లో మిచెల్‌కు భారీగా పరుగులు సమర్పించుకున్నారు. ఒత్తిడిలో నో బాల్స్‌ వేశారు.
4. హార్దిక్‌ పాండ్యా కెప్టెన్సీ.. ఈ మ్యాచ్‌లో భారత ఓటమికి హార్దిక్‌ పాండ్యా కెప్టెన్సీ కూడా ఒక ప్రధాన కారణమే. పిచ్‌ స్పిన్‌కు అనుకూలిస్తున్న తరుణంలో కుల్దీప్‌ను వెంటనే బౌలింగ్‌కు దింపకుండా పేసర్లతో ఓవర్లు వేయించాడు. అలాగే తన బౌలింగ్‌లో భారీగా పరుగులు వస్తున్నా.. 3 ఓవర్లు వేసి 33 రన్స్‌ సమర్పించుకున్నాడు. బౌలింగ్‌లో మార్పులు చేయడంలో కెప్టెన్‌గా పాండ్యా విఫలం అయ్యాడు.
5. పిచ్‌ కండీషన్‌.. రాంజీలోకి పిచ్‌పై గతంలో జరిగిన మ్యాచ్‌ల్లో దాదాపు టాస్‌ గెలిచిన జట్టే మ్యాచ్‌లు కూడా గెలుస్తుంది. ఎందుకంటే అక్కడి పిచ్‌ పరిస్థితి అలా ఉంటుంది. ఈ మ్యాచ్‌లో డ్యూ ఉంటుందని భావించి టాస్‌ గెలిచిన టీమిండియా తొలుత ఫీల్డింగ్‌ చేయాలని మంచి నిర్ణయమే తీసుకుంది. టార్గెట్‌ ఎంతున్నా.. రెండో ఇన్నింగ్స్‌ సమయంలో డ్యూ ఎక్కువగా వచ్చి, బ్యాటింగ్‌ ఈజీ అవుతుందని భావించినా అలా.. జరగలేదు. తొలి ఇన్నింగ్స్‌ అప్పుడు పేసర్లకు ఏ మాత్రం అనుకూలించని పిచ్‌, రెండో ఇన్నింగ్స్‌లో అనుకూలించింది. అలాగే.. కివీస్‌ బ్యాటర్లు, బౌలర్లు కూడా అద్భుతంగా ఆడారు. మరి ఈ మ్యాచ్‌పై మీ అభిప్రాయాలను కామెంట్ల రూపంలో తెలియజేయండి.

That’s that from Ranchi.

New Zealand win the first T20I by 21 runs in Ranchi.#TeamIndia will look to bounce back in the second #INDvNZ T20I.@mastercardindia pic.twitter.com/Lg8zmzwYVH

— BCCI (@BCCI) January 27, 2023