హిందుత్వంపై అభ్యంతరకర కామెంట్స్ చేసిన నటుడు అరెస్ట్..

హిందూమతంపై నెగిటివ్ కామెంట్స్ చేసేవారు రోజురోజుకు పెరిగిపోతున్నారని హిందూ సంఘాలు ఇప్పటికే ఆవేదన వ్యక్తం చేస్తున్నాయి. ఇటీవల భైరి నరేష్ అయ్యప్పను ఉద్దేశించి అభ్యంతరకర వ్యాఖ్యలు చేసి హిందువుల మనోభావాలు దెబ్బతీసి వారి ఆగ్రహానికి గురయ్యాడు. తాజాగా ఈ జాబితాలోకి ఒక నటుడు చేరిపోయాడు. హిందూ మతంపై అభ్యంతర కామెంట్స్ చేసి వివాదానికి తెరలేపాడు. కన్నడ పరిశ్రమకు చెందిన చేతన్ కుమార్ అహింస హిందూ మతాన్ని, హిందువుల మత విశ్వాసాలను అవమానించేలా కామెంట్లు చేశాడు. అలానే కులాల మధ్య శత్రుత్వం పెరిగేలా వ్యాఖ్యలు చేశాడు. హిందుత్వ అనేది అబద్ధం మీద నిర్మించబడిందని ఆరోపిస్తూ చేసిన ట్వీట్ హిందువుల మనోభావాలను దెబ్బతీసింది.

బెంగళూరు పోలీసులు చేతన్ కుమార్ అహింసను అరెస్ట్ చేశారు. బెంగళూరులోని శేషాద్రిపురం పోలీసులు కస్టడీలోకి తీసుకుని జిల్లా కోర్టుకు తరలించారు. ఈ నటుడు కూడా హిందువే, దళితుడు మరియు గిరిజన కార్యకర్త. హిందువుల మనోభావాలను దెబ్బతీసేలా వ్యాఖ్యలు చేసినందుకు గాను, కులాల మధ్య శత్రుత్వం పెంచేలా కామెంట్స్ చేసినందుకు గాను ఇతని మీద కేసులు నమోదు అయ్యాయి. చేతన్ కుమార్ మార్చి 20న చేసిన ట్వీట్ వైరల్ అవ్వడంతో వివాదానికి తెరలేపింది. ‘సావర్కర్: రాముడు రావణుడిని ఓడించి, అయోధ్యకు తిరిగి చేరుకున్న తర్వాత భారతదేశ జాతి ప్రారంభమైంది అనేది ఒక అబద్ధం. 1992: బాబ్రీ మసీదు రాముడి జన్మస్థలం అనేది ఒక అబద్ధం. 2023: ఉరిగౌడ-నంజిగౌడ కులస్తులు టిప్పుని చంపిన హంతకులు అనేది ఒక అబద్ధం’ అంటూ ట్వీట్ చేశాడు. అంతేకాదు హిందుత్వం అనేది సత్యం చేత ఓడించబడుతుందని అన్నాడు.

ట్వీట్ చేసిన కొన్ని గంటల తర్వాత హిందూ సంస్థల వారు చేతన్ కుమార్ కు వ్యతిరేకంగా శేషాద్రిపురం పోలీస్ స్టేషన్ లో ఫిర్యాదు చేశారు. నటుడి మీద పోలీసులు ఎఫ్ఐఆర్ నమోదు చేసారు. అనంతరం అతన్ని అరెస్ట్ చేసి కోర్టులో హాజరుపరిచారు. ఇలా అభ్యంతరకర వ్యాఖ్యలు చేసి వివాదంలో చిక్కుకోవడం ఇదేమీ తొలిసారి కాదు. గతంలో ఇలానే అభ్యంతరకర కామెంట్స్ చేసి ఒకసారి అరెస్ట్ అయ్యాడు. 2022 ఫిబ్రవరిలో హిజాబ్ కేసులో తీర్పు ఇచ్చిన కర్ణాటక హైకోర్టు న్యాయమూర్తి కృష్ణ దీక్షిత్ పై అభ్యంతర కామెంట్స్ చేసిన కేసులో అరెస్ట్ అయ్యి బయటకు వచ్చాడు. అయితే మరోసారి తన వక్రబుద్ధి చూపించాడు. హిందుత్వంపై అభ్యంతర కామెంట్స్ చేసి వివాదంలో ఇరుక్కున్నాడు. మరి కోర్టు తీర్పు ఎలాంటి శిక్ష వేస్తుందో అని హిందూ సంఘాల వారు ఎదురుచూస్తున్నారు. మరోవైపు చేతన్ కుమార్ కు కొంతమంది మద్దతుగా నిలుస్తున్నారు. మరి హిందుత్వంపై అభ్యంతరకర వ్యాఖ్యలు చేసిన నటుడిపై మీ అభిప్రాయమేమిటో కామెంట్ చేయండి.

Hindutva is built on LIES

Savarkar: Indian ‘nation’ began when Rama defeated Ravana & returned to Ayodhya —> a lie

1992: Babri Masjid is ‘birthplace of Rama’ —> a lie

2023: Urigowda-Nanjegowda are ‘killers’ of Tipu—> a lie

Hindutva can be defeated by TRUTH—> truth is EQUALITY

— Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) March 20, 2023