ఆసియా కప్లో భాగంగా బుధవారం హాంకాంగ్తో జరిగిన మ్యాచ్లో టీమిండియా 40 పరుగుల తేడాతో విజయం సాధించింది. ఈ మ్యాచ్ సందర్భంగా ఒక ఆసక్తికరమైన సంఘటన చోటు చేసుకుంది. హాంకాంగ్ బ్యాటర్ కించిత్ షా.. స్టేడియంలోనే తన ప్రేయసికి ప్రపోజ్ చేసి ఆమెతోపాటు అందరిని ఆశ్యర్యానికి గురిచేశాడు. టీమిండియాతో మ్యాచ్ ముగిసిన వెంటనే స్టాండ్స్లోకి వెళ్లి.. అక్కడున్న తన ప్రేయసికి ప్రపోజ్చేశాడు. కించిత్ చేసిన పనికి షాకైన ఆమె.. ముసిముసి నవ్వులతో సర్ప్రైజ్ ఫీలైంది. కించిత్ ఆమె ముందు మోకాళ్లపై కూర్చొని తన ప్రేమను వ్యక్తపరిచాడు. కించిత్ ప్రపోజల్ను ఆమె కూడా అంగీకరిచడంతో స్టేడియంలో అందరూ చూస్తుండగా.. ఆమె చేతికి రింగ్ తొడిగాడు. ఇక మ్యాచ్లోనూ కించిత్ మంచి ప్రదర్శన కనబర్చాడు. 28 బంతుల్లో 2 ఫోర్లు, ఒక సిక్స్తో 30 పరుగులు చేసి రాణించాడు. ఈ మంచి ప్రదర్శన తర్వాత కించిత్ క్యూట్ ప్రపోజ్కు ఆమె ఫిదా అయిపోయింది. ప్రస్తుతం వీరి లవ్ ప్రపోజ్ వీడియో సోషల్ మీడియాలో వైరల్గా మారింది. ఇక మ్యాచ్ విషయానికి వస్తే.. టాస్ ఓడి టీమిండియా తొలుత బ్యాటింగ్ చేసింది. నిర్ణీత 20 ఓవర్లలో 2 వికెట్లు కోల్పోయి 192 పరుగుల భారీ స్కోర్ చేసింది. తొలి 10 ఓవర్లలో 70 పరుగులు మాత్రమే చేసిన భారత్.. సూర్య చెలరేగడంతో చివరి 5 ఓవర్లో భారీ స్కోర్ రాబట్టింది. హాంకాంగ్ బౌలర్లు 15 ఓవర్లల వరకు కట్టుదిట్టంగా బౌలింగ్ వేసి ఆకట్టుకున్నారు. ఆయూష్ శుక్లా, మొహమ్మద్ ఘజాన్ఫర్ ఒక్కొ వికెట్ తీసుకున్నారు. అనంతరం లక్ష్యఛేదనకు దిగిన హాంకాంగ్ నిర్ణీత 20 ఓవర్లలో 5 వికెట్లు కోల్పోయి 152 పరుగులు చేసి 40 పరుగుల తేడాతో ఓడిపోయింది. భారత బౌలర్లలో భువనేశ్వర్, అర్షదీప్, ఆవేశ్ ఖాన్, జడేజా తలో వికెట్ తీసుకున్నారు. ఈ విజయంతో టీమిండియా ఆసియా కప్లో సూపర్ ఫోర్కే చేరింది. ఇక గ్రూప్ ఏ లో పాకిస్థాన్, హాంకాంగ్ మ్యాచ్లో గెలిచిన జట్టు సూపర్ ఫోర్కు చేరుతుంది. మరి ఈ మ్యాచలో హాంకాంగ్ ప్రదర్శన, కించిత్ షా లవ్ ప్రపోజల్పై మీ అభిప్రాయాలను కామెంట్ల రూపంలో తెలియజేయండి. ఇది కూడా చదవండి: సూర్యకుమార్ యాదవ్ సునామీ ఇన్నింగ్స్కు కోహ్లీ ఫిదా! ఊహించని విధంగా గౌరవించాడు! She said YES! A heartwarming moment where Hong Kong's @shah_kinchit95 proposed to his SO after playing a big match against India A huge congratulations to the happy couple. We wish you all the joy and happiness in your new life together ❤️#AsiaCup2022 #GetReadyForEpic pic.twitter.com/CFypYMaPxj — AsianCricketCouncil (@ACCMedia1) August 31, 2022
