యావత్ దేశ ప్రజల్ని ఉలిక్కిపడేలా చేసిన ఒడిషా రైలు ప్రమాదానికి ప్రధాన కారణం ఏంటనేది బయటపడింది.
రైళ్లను సేఫ్గా నడపడంలో కీలకంగా భావించే ‘ఎలక్ట్రానిక్ ఇంటర్లాకింగ్ సిస్టమ్’లో మార్పులు చేయడం వల్లే ఈ ప్రమాదం జరిగిందని తేలింది.
ఇది ఉద్దేశపూర్వకంగా జరిగిందా, విధ్వంసం సృష్టించాలనే దురాలోచనతోనే ఇలా చేశారా అనేది నిగ్గు తేల్చేందుకు సీబీఐని రంగంలోకి దించుతున్నారు.
ఈ యాక్సిడెంట్లో రైళ్లను నడుపుతున్న లోకోపైలట్ల తప్పు లేదని ఉన్నతాధికార వర్గాలు క్లీన్ చిట్ ఇచ్చాయి.
రైళ్లను నడుపుతున్న డ్రైవర్ల తప్పు లేదని తేలడంతో ఇప్పుడు ఇంటర్లాకింగ్ వ్యవస్థ ప్రధానంగా మారింది.
మూడు రైళ్లు పరస్పరం ఢీకొన్న ఘటనపై కేంద్ర రైల్వే శాఖ మంత్రి అశ్వినీ వైష్ణవ్ స్పందించారు.
తమ ఇన్వెస్టిగేషన్ పూర్తయిందన్న అశ్వినీ వైష్ణవ్.. ఈ ప్రమాదానికి ప్రధాన కారణమేమిటి, దీనికి బాధ్యులు ఎవరనేది తేలిందన్నారు.
పాయింట్ మెషీన్ సెట్టింగ్ను మార్చడం వల్లే రైలు ప్రమాదం జరిగిందని అశ్వినీ వైష్ణవ్ తెలిపారు.
పాయింట్ మెషీన్ సెట్టింగ్ను ఎలా మార్చారు, ఎవరు మార్చారు అనేది రైల్వే భద్రత కమిషనర్ (సీఆర్ఎస్) రిపోర్టులో బయటపడుతుందని అశ్వినీ వైష్ణవ్ చెప్పుకొచ్చారు.
కాగా, ప్రమాదానికి కీలకంగా భావిస్తున్న ఇంటర్లాకింగ్ వ్యవస్థను ఎవరు మార్చారు? దీని వెనుక భారీ స్కెచ్ ఉందా? అనే ప్రశ్నలు రైల్వే అధికారులను వేధిస్తున్నాయి.
పెను విధ్వంసం సృష్టించాలనే దురుద్దేశంతో కొందరు వ్యక్తులు.. ఇంటర్లాకింగ్ సిస్టమ్లో మార్పులు చేసి ఉంటారని ఆఫీసర్స్ అనుమానిస్తున్నారు.
ఒకే పట్టాల పైకి ఒకే టైమ్లో రెండు రైళ్లు రాకుండా రూట్ను సుగమం చేసేందుకు ఉద్దేశించిన సిగ్నల్ వ్యవస్థను ‘ఇంటర్లాకింగ్’ అంటారు.