ఇత‌ర రాష్ట్రాల్లో వైఎస్ జ‌గ‌న్ ఎన్నిక‌ల‌ ప్ర‌చారం..!?

0
257

ఏప్రిల్ 11న ముగిసిన ఏపీ సార్వ‌త్రిక ఎన్నిక‌ల్లో విజ‌యం త‌మ‌దంటే.. త‌మ‌ద‌ని ప్ర‌ధాన పార్టీలు టీడీపీ, వైఎస్ఆర్ కాంగ్రెస్ శ్రేణులు ఎవ‌రికి వారు ధీమాను వ్య‌క్తం చేస్తున్నారు. ఎన్నిక‌ల సందర్భంగా ఈవీఎంల స‌మ‌స్య త‌లెత్తినా ఓటేసే వెళ్తామంటూ మ‌హిళ‌లు పోలింగ్ కేంద్రాల వ‌ద్ద బారులు తీరార‌ని, వారి ఓట్ల‌న్నీ త‌మ ఖాతాలోకే క‌నుక త‌మ పార్టీ విజ‌యం ఖాయ‌మ‌ని టీడీపీ చెబుతుంటే.. అవ‌న్నీ ప్ర‌భుత్వ వ్య‌తిరేక ఓట్లేగ‌నుక ప్రధాన ప్ర‌త్య‌ర్ధిగా ఉన్న త‌మ పార్టీ ఖాతాలోకేనంటూ వైఎస్ఆర్ కాంగ్రెస్ శ్రేణులు పేర్కొంటున్నారు. ఇలా పార్టీల అధినేత‌లు కార్య‌క‌ర్త‌ల్లో మ‌నో ధైర్యాన్ని నింపుతున్నారు.

ఇదిలా ఉండగా, ఇటీవ‌ల వైఎస్ జ‌గ‌న్ మోహ‌న్‌రెడ్డి మీడియాతో మాట్లాడుతూ రాజ‌కీయాల్లో 40 ఇండ‌స్ట్రీ అని చెప్పుకుంటున్న చంద్ర‌బాబు ప్ర‌భుత్వానికి వ్య‌తిరేకంగా ప్ర‌జ‌లు తీర్పునిస్తే.. అది ఈవీఎం మిష‌న్‌ల లోప‌మ‌ని, టీడీపీకి ఓటేస్తే వైసీపీకి ప‌డుతుంద‌ని చెప్ప‌డం సిగ్గుచేట‌ని విమ‌ర్శించిన సంగ‌తి తెలిసిందే. అంతేకాక‌, ఓట‌మి భ‌యంతో ఉన్న చంద్ర‌బాబు పోలింగ్‌ను అడ్డుకోవాల‌ని ఎన్ని ప్ర‌య‌త్నాలు చేసినా ప్ర‌జ‌లు వాటిని తిప్పికొట్టార‌ని చెప్పారు.

అదే సంద‌ర్భంలో చంద్ర‌బాబుకు తెలంగాణ సీఎం కేసీఆర్ రిట‌ర్న్ గిఫ్ట్ ఇస్తాన‌న్నారు క‌దా…! దానిపై మీ స్పంద‌న అని ఓ మీడియా ప్ర‌తినిధి అడ‌గ్గా, స్పందించిన జ‌గ‌న్ అది చంద్ర‌బాబు, కేసీఆర్‌కు సంబంధించిన ఇష్ట్యూ, ఆ ఇష్ట్యూతో త‌న‌కు ఎటువంటి సంబంధం లేద‌న్నారు. ఏపీలో పోలింగ్ ముగిసింది క‌దా..! ఇత‌ర రాష్ట్రాల్లోని పార్టీల‌కు మ‌ద్ద‌తుగా ఎన్నిక‌ల ప్ర‌చారం నిర్వ‌హించే అవ‌కాశం ఉందా..? అని మ‌రో విలేక‌రి అడ‌గ్గా, అటువంటి ఆలోచ‌న త‌న‌కు లేద‌ని, ఫ్యామిలీతో గ‌డ‌పాలి.. ఐ విల్ టేక్ హాలిడే అంటూ జ‌గ‌న్ త‌న‌దైన శైలిలో స‌మాధానం చెప్పారు.