పాద‌యాత్ర ముగియ‌గానే జ‌గ‌న్ చేసే మొద‌టి ప‌ని ఇదే..!

0
520

ఏపీలో ఎన్నిక‌లు ద‌గ్గ‌ర‌ప‌డుతున్న వేళ రాష్ట్ర ప్ర‌ధాన ప్ర‌తిప‌క్ష నేత వైఎస్ జ‌గ‌న్ మోహ‌న్‌రెడ్డి ప్ర‌జా సంక‌ల్ప యాత్ర పాద‌యాత్ర పేరుతో చేస్తున్న పాద‌యాత్ర‌లో ప్ర‌భుత్వంపై విమ‌ర్శ‌ల‌వేడిని పెంచారు.ప్ర‌జా స‌మ‌స్య‌ల పరిష్కారంపై హామీలిస్తూ చంద్ర‌బాబు పాల‌న‌పై ఆరోప‌ణ‌లు గుప్పిస్తూ ముందుకు సాగుతున్నారు. ప్ర‌స్తుతం ఆయ‌న శ్రీ‌కాకుళం జిల్లాలో ప‌ర్య‌టిస్తున్నారు.

ఇవాళ ప‌లాస నియోజ‌క‌వ‌ర్గం వ‌జ్ర‌పు కొత్తూరు మండ‌లంలోని నైట్రుక్యాంపు శిబిరం నుంచి వైఎస్ జ‌గ‌న్ మోహ‌న్‌రెడ్డి త‌న పాద‌యాత్ర‌ను ప్రారంభించారు. అక్క‌డ్నుంచి హ‌రిపురం, అంబుగాం మీదుగా ఇచ్చాపురం నియోజ‌క‌వ‌ర్గం సోంపేట మండ‌లం, రాణిగాం మీదుగా మామిడిప‌ల్లి వ‌ర‌కు జ‌గ‌న్‌ పాద‌యాత్ర కొన‌సాగుతుంది. అనంత‌రం పాత్ర‌పురం క్రాస్‌మీదుగా తుర‌కాసావ‌నం క్రాస్ వ‌ర‌కు జ‌గ‌న్ త‌న పాద‌యాత్ర‌ను కొన‌సాగించ‌నున్నారు.

అయితే, కొత్త ఏడాది ప్రారంభంలోనే వైసీపీ అధినేత జ‌గ‌న్ పాద‌యాత్ర‌ను ముగించ‌నున్నారు. న‌వంబ‌ర్ 6, 2017 ఇడుపుల పాయనుంచి పాద‌యాత్ర‌ను ప్రారంభించిన జ‌గ‌న్ క‌డ‌ప‌, క‌ర్నూలు, అనంత‌పురం జిల్లాల మీదుగా మొత్తం 13 జిల్లాల్లో 133 నియోజ‌క‌వ‌ర్గాల్లో దాదాపు 3,600 కిలోమీట‌ర్ల పాద‌యాత్ర చేశారు.

ఈ నెల 9వ తేదీన శ్రీ‌కాకుళం జిల్లా ఇచ్చాపురంలో జ‌గ‌న్ యాత్ర ముగుస్తుంద‌ని ఇప్ప‌టికే వైసీపీ ప్ర‌క‌టించిన విష‌యం తెలిసిందే. పాద‌యాత్ర ముగింపునాడు జ‌గ‌న్ వైసీపీ ఎన్నిక‌ల మేనిఫెస్టోలో కీల‌కంగా చెబుతున్న న‌వ‌ర‌త్నాల గురించి మ‌రోసారి ప్ర‌స్తావించ‌నున్నారు.

అయితే, జ‌న‌వ‌రి 9న ఇచ్చాపురంలో పాదయాత్ర ముగిసిన త‌రువాత జ‌గ‌న్‌మోహ‌న్‌రెడ్డి నేరుగా తిరుప‌తికి చేరుకుంటార‌ని, అక్క‌డి నుంచి కాలిన‌డ‌క‌న తిరుమ‌ల‌కు చేరుకుని శ్రీ‌వారిని ద‌ర్శించుకున్న త‌రువాత క‌డ‌ప ద‌ర్గాకు వెళ్లి అక్క‌డి నుంచి ఇడుప‌ల‌పాయ‌కు వెళ‌తార‌ని వైసీపీ శ్రేణులు చెప్పారు.