త‌న‌పై జ‌రిగిన దాడిపై స్పందించిన స్పీక‌ర్ కోడెల‌..!

0
61

ఏపీలో ఎన్నిక‌లు హింసాత్మ‌క ఘ‌ట‌న‌ల మ‌ధ్య ముగిశాయి. రాయ‌ల‌సీమ‌, కోస్తాంధ్ర‌, ఉత్త‌రాంధ్ర అనే తేడా లేకుండా టీడీపీ, వైసీపీ శ్రేణులు ప‌ర‌స్ప‌ర దాడుల‌కు దిగారు. ముఖ్యంగా క‌ర్నూలు, చిత్తూరు, అనంత‌పురం, గుంటూరు జిల్లాల్లో రాళ్లు రువ్వుకున్నారు. ఎన్నిక‌ల గొడ‌వ‌ల్లో ఇద్ద‌రు మృతి చెందారు. పలువురికి తీవ్ర గాయాల‌య్యాయి.

గుంటూరు జిల్లా స‌త్తెన‌ప‌ల్లిలో పోలింగ్ స‌ర‌ళిని ప‌రిశీలించేందుకు వెళ్లిన కోడెల శివ‌ప్ర‌సాద్ ఇన‌మెట్ల‌లో రిగ్గింగ్‌కు పాల్ప‌డుతున్నార‌ని తెలిసి అక్క‌డ‌కు వెళ్లిన‌ట్టు కోడెల చెప్పారు. స్పీక‌ర్‌గా ఉన్న త‌న‌కే ఇలా జరిగితే ఇక సామాన్యుడి ప‌రిస్థితి ఏంట‌ని ప్ర‌శ్నించారు.

బూత్‌లో పోలింగ్ ఆఫీస‌ర్‌, పోలీసు అధికారి ఉంటే 300 నుంచి 400 మెజార్టీ టీడీపీకి వ‌స్తుంద‌ని కోడెల శివ ప్ర‌సాద్ అన్నారు. స‌త్తెన‌ప‌ల్లి ఇనుమెట్ల‌నే కాదు.. రాష్ట్ర వ్యాప్తంగా వైసీపీ కార్య‌క‌ర్త‌లు దాడుల‌కు పాల్పడ్డార‌ని ఆరోపించారు. అనేక మంది అభ్య‌ర్ధుల‌పైన‌, అనేక మంది ఓట‌ర్ల‌పైన దాడులు చేస్తూ, బూతులు తిడుతూ వైసీపీ శ్రేణులు పైశాచిక ఆనందం పొందుతున్నారన్నారు.