కర్కశంగా కన్నతల్లి తీరు.. పసి బిడ్డ ఏడుపు ఆపలేదని..?

0
110
bihar women applied glue on son's lips
bihar women applied glue on son's lips

‘మేము పసిపిల్లలము… మాకు ఆకలేసిన.. నిద్ర వచ్చిన.. ఏ విదమైన ఇబ్బంది కలిగిన… మేము మీకు చెప్పగలిగే భాష ఏడుపు.. మా ఏడుపు అర్ధమేంటో అర్ధమయ్యేది ఒక అమ్మ మాత్రమే. అందుకే అమ్మ ఒడిలోకి చేరగానే మా ఏడుపు ఆగిపోతుంది.. కారణం అమ్మ స్పర్శ ఒక్కటే మాకు తెలుసు. ఒక్కోసారి ఎక్కువగా ఏడుస్తాం.. మేము చెప్పగలిగేది అయితే ఎలాగోలా చెప్పే వాళ్ళము.. అలా ఏడుపు ఆపలేదని ఎందుకమ్మా ఇలా చేశావు?’ ఇది ఓ మాటలు రాని పసిప్రాయపు ప్రశ్నలు. తల్లి వైపు తదేకంగా చూస్తూ అసహనంగా వేస్తున్న పసిగుడ్డు ప్రశ్నలివి. అసలేం జరిగింది? పసి నోటి వెంట ప్రశ్నలేంటి? తల్లి చేసిన ఉదంతంమేంటి? కన్నపేగు కర్కశంగా ప్రవర్తించిన తీరేంటీ? తెలియాలంటే ఒక్క సారిగా బీహార్‌లోని ఛాప్రా జిల్లాకు వెళ్లి రావాల్సిందే.

బీహార్‌ ప్రాంతం లోని ఛాప్రా జిల్లాలో చోటు చేసుకున్న సంఘటనిది. శోభా అనే మహిళా పసిగుడ్డని చూడకుండా కన్న బిడ్డ పట్ల దారుణంగా ప్రవర్తించింది. బిడ్డ ఏడుపు మొదలు పెట్టిందట. తదేకంగా గుక్క పట్టి ఏడుస్తున్నాడని, ఎంత ప్రయత్నించినా ఏడుపు ఆపట్లేదని జిగురుతో బిడ్డ పెదాలకు అతికించేసిందట. సాయంత్రం ఆఫీస్ నుంచి వచ్చిన భర్త బిడ్డను చూసే సరికి నోటిలోనుండి నురగలు వస్తున్నాయట.

ఏం జరిగిందని గట్టిగ శోభను మందలించే సరికి జరిగిన విషయం చెప్పిందట. ఘటనను వినగానే భర్త అవాక్కయి హుటాహుటిగా దగ్గర్లో నున్న ఆసుపత్రికి తరలించగా వైద్యులు బిడ్డ పెదాలకు అతుక్కొనున్న జిగురును తొలగించారు. కొన్ని గంటల పాటు సరైన ఊపిరి ఆడక బిడ్డ స్పృహ కోల్పాయాడని తెలిపారు. ప్రస్తుతానికి పసి ప్రాయపు ప్రాణం నిలకడగానే ఉందని , మరి కొన్ని గంటల పాటు చికిత్స అవసరమని వైద్య బృందం తెలిపింది. పిల్లలు ఎక్కువ సేపు ఏడ్చినా , నోటిని నొక్కి పట్టి ఆపెసిన పిల్లల ప్రాణాలకు ముప్పు జాగ్రత్త వహించాలని వారికి కౌన్సెలింగ్ కూడా ఇచ్చారట.