సెన్సార్ బోర్డు పై కేసు : ఎవరికో లాభం చేకూర్చేందుకే.. వర్మ

0
128
Lakshmis NTR
Lakshmis NTR

వివాదస్పద దర్శకుడు రామ్ గోపాల్ వర్మ విడుదల చేయబోతున్న సినిమా ‘లక్ష్మీస్ ఎన్టీఆర్’ కి ఎన్నో అడ్డంకులు ఏర్పడుతున్నాయి. సినిమాని అడ్డుకునేందుకు టీడీపీ నేతలు కేంద్ర ఎన్నికల సంఘము నకు పిర్యాదు చేశారు. ప్రస్తుతానికి సెన్సార్ బోర్డు కూడా కావాలనే వాయిదా వేస్తూ సెర్టిఫికెట్ జారీ చేయడం లేదు. ఆంధ్రప్రదేశ్ లో ఎన్నికలు ముగిసే వరకు సినిమాను సెన్సారింగ్ వాయిదా వేస్తున్నట్లు సెన్సార్ బోర్డు తేల్చి చెప్పేసిందట. ఈ విషయమై ఆర్జివి ఎంతో ఆగ్రహం వ్యక్తం చేశారు.

ఈ నెల 22 న విడుదల కావాల్సిన లక్ష్మీస్ ఎన్టీఆర్ చిత్రంలో ఆంధ్రప్రదేశ్‌ ముఖ్యమంత్రి చంద్రబాబు నాయుడుని నెగటివ్ పాత్రలో చూపించారు. సినిమా విడుదల జరిగితే ఎన్నికల మీద ప్రభావం చూపుతుందని, తెదేపా నాయకులూ ఏప్రిల్‌ 11 వ తేదీ వరకు విడుదల నిలుపవల్సిందిగా కేంద్ర ఎన్నికల సంఘంకి కంప్లైంట్ ఇచ్చారు. మరో పక్క సెన్సార్ బోర్డు కు వర్మ అప్లికేషన్ పెట్టు కున్నాడు. వారు సర్టిఫికేషన్ జారీ చేయకుండా, ప్రక్రియను ఎలక్షన్ వరకు వాయిదా వేయవలసిందని వర్మకి షాక్ ఇచ్చారు. వెంటనే దీనిపై రాంగోపాల్ వర్మ ఆగ్రహం వ్యక్తపరుస్తూ ట్వీట్ లు పెట్టాడు.

ఆర్టికల్ 19 , ఆర్టికల్ 324 లాంటి రాజ్యాంగ అధికారణాలను పెడుతూ అన్యాయము చేస్తుందంటూ సిబీఎఫ్సీ పై కోర్టుకు వెళ్తున్నానని తెలిపాడు. అంతేకాకుండా వారిచ్చిన స్క్రీనింగ్ పోస్టుపోన్డ్ లెటర్ ను ట్విట్టర్లో పోస్ట్ చేశాడు. “అసలు చిత్రాన్ని చూడకుండా… సినిమాలో ఏముందో ఊహించుకోవడం వెనక సెన్సార్ వాళ్ళు ఎవరికో లాభం చేకూరించేందుకు ప్రయత్నం చేస్తున్నారని అర్థం అవుతుంది” అని పెట్టారు.

ఆర్జీవీ ట్విట్టర్ లో సెన్సార్ బోర్డుకు సర్టిఫికెట్ జారీచేసే హక్కు మాత్రమే కలిగి ఉంటుంది. సినిమా సర్టిఫికేషన్ వాయిదా వేయు హక్కు సెన్సార్ బోర్డుకు లేదని చెప్పారు. నా సినిమాను చట్టానికి విరుద్ధంగా కావాలని అడ్డుకునే ప్రయత్నం చేస్తున్నారని విమర్శిస్తూ పోస్ట్ చేశారు.