రెవెన్యూ చట్టంలో సంచలన మార్పులకు బీజం వేసిన CM కేసీఆర్

0
58
రెవెన్యూ చట్టంలో సంచలన మార్పులకు బీజం వేసిన CM కేసీఆర్
రెవెన్యూ చట్టంలో సంచలన మార్పులకు బీజం వేసిన CM కేసీఆర్

తెలంగాణ రాష్ట్రంలోని రెవెన్యూ చట్టంలో సంచలన మార్పులకు పునాది రాయి వేశారు రాష్ట్ర ముఖ్యమంత్రి కే‌సి‌ఆర్. రెవెన్యూ చట్టంలో సమూల మార్పులు తప్పవని పేర్కొన్న ఆయన.. నేడు తెలంగాణ భవన్‌ లో TRS విస్తృత స్థాయి కార్యవర్గ సమావేశంలో పాల్గొన్నారు. ఈ సందర్భంగా జిల్లా, మండల పరిషత్ ఎన్నికల్లో అనుసరించాల్సిన వ్యూహంపై కేసీఆర్ నేతలకు దిశానిర్దేశం చేశారు. ఆసిఫాబాద్ జడ్పీ చైర్ పర్సన్‌ గా “కోవా లక్ష్మి” పేరును ఖరారు చేసిన కేసీఆర్.. మిగతా స్థానాలకు సంబంధించిన పేర్లను త్వరలో ఖరారు చేయనున్నారు.

ఈ సందర్భంగా మాట్లాడినా ముఖ్యమంత్రి..  లోక్‌సభ ఎన్నికల్లో 16 స్థానాలను గెలవబోతున్నామని ధీమా వ్యక్తం చేశారు. అలాగే రాష్ట్రంలో మొత్తం 32 జడ్పీ, 530కి పైగా మండల పరిషత్ స్థానాలను కైవసం చేసుకోవాలని నాయకులకు సూచించారు. జిల్లా పరిషత్‌ లకు సంబంధించి సీనియర్ నేతలకు, మండల పరిషత్‌లకు సంబంధించి ఆయా నియోజకవర్గాల ఎమ్మెల్యేలకు బాధ్యతలు అప్పగించారు.

అలాగే రెవెన్యూ వ్యవస్థ రద్దుకు సంబంధించి సీనియర్ నేతల అభిప్రాయాలను కేసీఆర్ సేకరించినట్టు తెలుస్తోంది. అయితే ఈ వ్యవస్థలో చాలా లోపాలున్నాయని.. వాటి స్థానంలో కొత్త చట్టం తీసుకురావడం మంచిదని నేతలు సూచించినట్టు తెలుస్తోంది. ఈ క్షణం నుండి జిల్లా, మండల పరిషత్ ఏర్పాట్లన్నీ సమన్వయం చేసుకుంటూ ముందుకెళ్లాలని కేసీఆర్ నేతలకు సూచించారు.