వైసీపీలో చేరిక‌పై హైప‌ర్ ఆది క్లారిటీ..!

0
154

క‌డుపుబ్బా న‌వ్వించే కామెడీ పంచ్‌ల‌కు కేరాఫ్ అడ్ర‌స్ హైప‌ర్ ఆది అన్న సంగ‌తి ప్ర‌తీ ఒక్క‌రికీ తెలిసిందే. బుల్లితెర‌పై ప్ర‌సార‌మ‌య్యే జ‌బ‌ర్ద‌స్త్ కామెడీ షోతో ఎంట్రీ ఇచ్చి, ఆపై స్కిట్స్‌లో త‌న‌కంటూ ప్ర‌త్యేకత‌ను చాటుకుంటూ అతి త‌క్కువ కాలంలోనే స్టార్ క‌మెడియ‌న్ స్థాయి గుర్తింపును పొందాడు. హైప‌ర్ ఆది ప్ర‌స్తుతం టాలీవుడ్ ప‌వ‌ర్ స్టార్ ప‌వ‌న్ క‌ళ్యాణ్ స్థాపించిన జ‌న‌సేన పార్టీలో ప్ర‌ముఖ పాత్ర‌ను పోషిస్తున్నారు.

ఇదిలా ఉండ‌గా, ఇటీవ‌ల ఓ ఛానెల్‌కు ఇచ్చిన ఇంట‌ర్వ్యూలో హైప‌ర్ ఆది ప‌లు ఆస‌క్తిక‌ర విష‌యాల‌ను చెప్పుకొచ్చారు. తాను వైసీపీలో చేర‌బోతున్న‌ట్టు గ‌తంలో సోష‌ల్ మీడియాలో వెలువ‌డిన పోస్టులపై స్పందించారు.అంతేకాకుండా, ఆ క‌థ‌నాలు వెలువ‌డేందుకుగ‌ల‌ ప్ర‌ధాన కార‌ణాన్ని కూడా హైప‌ర్ ఆది చెప్పారు.

తాను చేసిన ఓ స్కిట్‌లో ఉప్పుక‌ప్పురంబు.. బీకామ్‌లో ఫిజిక్స్ ఉండు అంటూ ఓ లైన్‌ను వాడాన‌ని, ఆ లైన్ టీడీపీకి నెగిటివ్‌గా ఉంద‌ని, ఆ లైన్ రాసింది కూడా హైప‌ర్ ఆదినే కాబ‌ట్టి, హైప‌ర్ ఆది టీడీపీకి వ్య‌తిరేక‌మ‌ని, ఆ క్ర‌మంలోనే ఇక మిగిలింది వైసీపీనే గ‌నుక వైసీపీలోకి చేరేందుకు హైప‌ర్ ఆది అంతా రెడీ చేసుకున్నాడు… ఒంగోలు నుంచి వైసీపీ ఎమ్మెల్యేగా హైప‌ర్ ఆది పోటీ… వెనుక ఉండి చ‌క్రం తిప్పుతున్న రోజా అంటూ హెడ్డింగ్‌లు పెట్టి క‌థ‌నాలు ప్ర‌చురించారని, ఆ క‌థ‌నాల‌న్నీ వ‌ట్టి పుకార్లేన‌ని హైప‌ర్ ఆది స్ప‌ష్టం చేశాడు.