వేసవి కాలంలో కొబ్బరి నీళ్లు ఎందుకు త్రాగాలి ?

0
412
coconut water minerals in summer
coconut water minerals in summer

కాలం ఏదైనా కొబ్బరి నీళ్లు త్రాగడం సర్వసాదరణం.. అయితే ఏ కాలంలో కొబ్బరి నీళ్లు త్రాగిన, త్రాగకపోయిన వేసవి కాలంలో మాత్రం కొబ్బరి బొండం నుండి నేరుగా కొబ్బరి నీళ్ళు త్రాగడం మంచి అలవాటు అంటున్నారు ఆరోగ్య నిపుణులు. దీనివల్ల ఉపశాంతే కాక అనేక ఆరోగ్య ప్రయోజనాలు కూడా ఉన్నాయి. కొబ్బరి నీళ్ళలో విటమిన్లు, మినరల్సు, ఎమినో యాసిడ్లు, ఎలక్ట్రో లైట్స్, ఎంజైమ్ లు, సైటోకిన్ అధికంగా ఉన్నాయి. అలాగే కొబ్బరి నీళ్ళలో ఆహార ఫైబరు, ఎంజైములు, విటమిన్ సి, అమైనో ఆమ్లాలు, మెగ్నీషియం, పొటాషియం, మాంగనీస్ వంటి ఖనిజ సంపద కూడా పుష్కలంగా ఉంది. అంతేకాక ఇందులో క్లోరైడ్లు, కొలెస్ట్రాల్ కూడా చాలా తక్కువ.

ఇంత అద్భుతమైన కొబ్బరి నీళ్ల ప్రయోజనాలను ఒక్కసారి పరిశీలిస్తే..

* ఈ కొబ్బరి నీళ్లలో వృద్ధాప్య నివారణకు, క్యాన్సర్ తగ్గించే కారకాలు, రక్త ప్రసరణకు ఉపయోగకరంగా ఉండే సైటోకినినిన్లు పోష్కలంగా ఉన్నాయని అనేక పరిశోధనలు నిరూపించాయి.

* కొబ్బరి నీళ్లల్లో పొటాషియం ఎక్కువగా ఉండడం వల్ల ఆరోగ్యాన్ని మెరుగుపరుస్తుంది. అలాగే రక్తపోటు, గుండెపోటు ప్రమాదాలను తగ్గించడానికి కూడా అంతగానో ఉపయోగపడతాయి ఈ కొబ్బరి నీళ్లు.

* కొబ్బరి నీళ్ళలో సెలేనియం, యాంటీ ఆక్సిడెంట్ లక్షణాల వంటి కొన్ని మిశ్రమాలు ఉన్నాయి, ఇవి కాన్సర్ పైన పోరాటం చేస్తాయని అనేక ప్రయోగశాలల్లో రుజువైంది.

* ఈ నీటిలో ఉన్న ఖనిజాలు, పొటాషియం, మెగ్నీషియం వల్ల మూత్రపిండాలలోని రాళ్ళ వల్ల వచ్చే ప్రమాదాన్ని కూడా అద్భుతంగా తగ్గిస్తుంది. అలాగే చర్మంపై ఉండే మచ్చలు, మొటిమలు, సేల్యులైట్, ముడతలు, తామర వంటి వాటిపై ఈ కొబ్బరి నీళ్ళను 2,3 వారాల పాటు రాస్తే చాలు మన చర్మం నిగానిగా మెరుస్తుంది.

* ఈ కొబ్బరి నీళ్ళు ఎలక్త్రోలైట్ పొటాషియం ఎక్కువగా కలిగిఉండడం వల్ల.. శరీర ద్రవాలలో ఎలక్త్రోలైట్ ని తిరిగి భర్తీచేస్తుంది. అలాగే కొబ్బరి నీళ్ళు తేమకోసం సిరల ద్వారా పంపే ద్రవంలా కూడా ఉపయోగపడతాయి.

* కొబ్బరి నీళ్ళలో కాటలేస్, ఆమ్ల ఫాస్ఫటేస్, డి-హైడ్రోజినేస్, పెరాక్సిడేస్, డయాస్టేస్, ఆర్ ఎన్ ఏ పాలిమేరాసేస్ లాంటి చాలా జీవ ఎంజైమ్‌లు వుంటాయి. ఇవి మనిషి అరుగుదలకు, జీవక్రియకు దోహదం చేస్తాయి.

ఇలా చెప్పుకుంటూ పోతే కొబ్బరి నీళ్ళవల్ల మనిషి ఆరోగ్యానికి అనేక ఉపయోగాలు ఉన్నాయి. కాబట్టి ప్రతిరోజూ కాకపోయిన వారంలో 3, 4 రోజులైనా కొబ్బరి బొండం నీళ్లు త్రాగండి, ఆరోగ్యంగా ఉండండి.