పరువు కోసం కుమార్తె ప్రాణం తీసాడు..!

0
176

దళిత యువకుడిని ప్రేమించిందని కన్న కూతురిని గొంతునులిమి చంపేశాడు. కన్న తండ్రే కసాయివాడయ్యి పరువు కోసం పేగు బంధాన్ని తెంచుకునేందుకు కూడా వెనుకాడలేదు. ప్రేమ పేరుతో కుటుంబం పరువు తీస్తుందని కర్కశంగా తన చేతులతోనే గొంతు నులిమి చంపేశాడు. ఈ దుర్ఘటన ప్రకాశం జిల్లాలో జరిగింది.

వివరాల్లోకి వెళ్తే…

ప్రకాశం జిల్లా తాళ్లూరు మండలం సమీపాన కొత్తపాలెంలో ఈ సంఘటన చోటు చేసుకుంది. కొత్తపాలానికి చెందిన కృష్ణారెడ్డి కి ఇద్దరు కుమార్తెలు , ఒక కుమారుడు. రెండవ కూతురు వైష్ణవి(20). ఒంగోలు లోని ఓ ప్రైవేట్ కాలేజీ డిగ్రీ చదువుతుంది. బీకామ్ మూడవ సంవత్సరం చదువుతున్న వైష్ణవి తన తోటి విద్యార్థి అయిన సునీల్ ని ప్రేమించింది. వీరి ఇద్దరి ప్రేమ వ్యవహారం తెలిసి కాలేజీ యాజమాన్యం వారి తల్లిదండ్రులకు సమాచారం ఇచ్చారు. పెద్దల సమక్షంలో సునీల్ కి, వైష్ణవికి కౌన్సిలింగ్ ఇచ్చారు. ఎన్ని రోజులు గడచినా ఇద్దరిలో ఎలాంటి మార్పు రాలేదు. ప్రేమ వ్యవహారం లో పెద్దలు వైష్ణవి ని చాలా సార్లు మందలించారు.

అమ్మాయి ప్రేమ విషయం పై ఆగ్రహించిన తండ్రి తాను చెప్పిన వాడిని పెళ్లి చేసుకోవాలంటూ మందలించారు. దీంతో ఇంట్లో గొడవ జరగడం మొదలయింది. రాత్రి ఏమిజరిగిందో తెలియదు వైష్ణవి మాత్రం తెల్లారేలోపు అనుమానస్పద స్థితిలో చనిపోయింది. కూతురికి ఆరోగ్యం లేకనే మరణిచిందంటూ ఉదయం కృష్ణారెడ్డి డ్రామా ఆడాడు. తన మాటలతో చుట్టూ పక్కల స్థానికులను నమ్మించే ప్రయత్నం చేశాడు. వైష్ణవి తండ్రి గొంతునులిమి చంపేశాడని అనుమానించిన స్థానికులు అతడి పై అనుమానము వచ్చి స్థానిక వి.ఆర్.ఓ కి ఫిర్యాదు చేశారు. వెంటనే వి.ఆర్.ఓ పోలీసులకు ఫిర్యాదు చేశాడు. అక్కడికి చేరుకున్న పోలీసులు వైష్ణవి తల్లిదండ్రులను అదుపులోకి తీసుకొని విచారిస్తున్నారు. తక్కువ కులానికి చెందిన వ్యక్తిని ప్రేమించిందనే కారణముతో కృష్ణారెడ్డి కూతురిని చంపినట్టు  పోలీసులు నిర్దారణ చేశారు.