నరేంద్ర మోదీకి ఎన్నికల వేళ షాకిచ్చిన ఈసీ..!

0
104
Narendra modi biopic

ఇండస్ట్రీలో బయోపిక్ ల హావా కొనసాగుతుందని అందరికి తెలిసిందె. అయితే ఈ మధ్య రాజకీయ నాయకులైన జీవితాలను తెరకెక్కించడంలో దర్శకులు పోటీపడుతున్నారు.  అందులో భాగంగానే యాత్ర , కథానాయకుడు, మహా నాయకుడు, ఉద్యమ సింహం అంటూ వెండితెర మీద వెలిగాయి. ప్రస్తుతము తమిళనాడు సీఎం దివంగత జయలలితను బయోపిక్ ను కూడా రూపొందిస్తున్నారు. తాజాగా షూటింగ్ పూర్తి చేసుకొని విడుదలకు సిద్దమైన నరేంద్ర మోదీ బయోపిక్ ను నిలిపివేయాలంటూ కాంగ్రెస్ నేతలు వేసిన పిటిషన్ వేశారు.

సినిమాను ఎన్నికల సమయాన విడుదల చేస్తే ఓటర్ల మీద ప్రభావం చూపుతుందని, కాంగ్రెస్ నేతలు విడుదల చేయకూడదని కేంద్ర ఎన్నికల సంఘం కు పిర్యాదు చేశారు. ఎన్నికల సంఘం మాకు అధికారం లేదంటూ సెన్సార్ బోర్డు నిర్ణయం తీసుకుంటుందని తెలియ చేసింది. అంతేకాకుండా ఈ విషయమై  కాంగ్రెస్ నేతలు పిటిషన్ దాఖలు చేయగా సుప్రేం కోర్ట్ తిరస్కరించింది. సుప్రీం కోర్ట్  తిరస్కరించడమే కాకుండా నిర్ణయం ఎన్నికల కమిషన్ కోర్టులో వేసింది.

తాజాగా ఎలక్షన్ కమిషన్ సార్వత్రిక ఎన్నికలు పూర్తయ్యే వరకు ‘ పీఎం నరేంద్ర మోడీ’ సినిమా రిలీజ్ ఆపవల్సిందిగా తీర్పును తెలియ చేసింది. ఈ బయోపిక్‌లో ప్రధానమంత్రి నరేంద్ర మోడీ పాత్రలో వివేక్ ఓబరాయ్ నటించాడు. ఈ చిత్రంలో వివేక్ ఓబరాయ్ 9డిఫరెంట్ గెటప్స్‌లో కనిపించబోతున్నారు. ఒక చాయ్ వాలాగాను, గుజరాత్ ముఖ్యమంత్రిగాను, దేశ ప్రధాని గాను, నరేంద్ర మోడీ జీవితంలో జరిగిన ప్రతి ఘటనను చూపించనున్నారు. ఎన్నికలల లోపే సినిమా విడుదల చేయాలనుకున్న నిర్మాతలకు బీజేపీ వారికి గట్టి దెబ్బె తగిలిందని చెప్పవచ్చు.