రూ.2వేల నోట్ల ర‌ద్దుపై ఆర్థిక వ్య‌వ‌హారాల కార్య‌ద‌ర్శి క్లారిటీ..!

0
41

కేంద్రంలోని మోడీ స‌ర్కార్ స‌రికొత్త నిర్ణ‌యం. రిజ‌ర్వు బ్యాంక్ ఇక‌పై రూ.2వేల నోట్లను ముద్ర‌ణ చేయ‌దు. అందుకు కార‌ణం అతి త్వ‌ర‌లో సాధార‌ణ ఎన్నిక‌లు రానుండ‌ట‌మే అంటూ గురువారం నాడు ప‌లు మీడియా ఛానెళ్ల‌లో పెద్ద పెద్ద హెడ్డింగ్‌ల‌తో స్క్రోలింగ్ ఇచ్చిన సంగ‌తి తెలిసిందే. మ‌రికొన్ని ఛానెళ్ల‌యితే ఇక‌పై రెండువేల రూపాయ‌ల నోట్లు చెల్లుబాటుకావు అనే రీతిలో ప్ర‌త్యేక క‌థ‌నాల‌ను ప్ర‌సారం చేశాయి. కానీ, ఆ వార్త‌ల‌న్నీ వ‌ట్టి ట్రాష్ అని దేశ ఆర్థిక వ్య‌వ‌హారాల కార్య‌ద‌ర్శి సుభాశ్ చంద్ర గార్గ్ తెలిపారు.

కాగా, ఇవాళ ఆయ‌న మీడియాతో మాట్లాడుతూ రూ.2వేల నోట్ల ర‌ద్దూ అంటూ క‌థ‌నాల‌ను ప్ర‌సారం చేసిన మీడియా ఛానెళ్ల‌పై ఆగ్ర‌హం వ్య‌క్తం చేశారు. ఆయ‌న అస‌లు విష‌యం చెబుతూ, దేశ అవ‌స‌రాల‌కు స‌రిప‌డా రూ.2వేల నోట్లు ఇప్ప‌టికే అందుబాటులో ఉన్నాయ‌ని, ఆ క్ర‌మంలోనే రూ.2వేల నోట్ల ముద్ర‌ణ‌ను ఆపేసిన‌ట్లు చెప్పుకొచ్చారు.

అంతేకాకుండా, అవినీతిప‌రులు, ప్ర‌భుత్వాల‌కు క‌ట్టాల్సిన ప‌న్నులు బ‌కాయిలు ప‌డ్డ‌వారు, మ‌నీ ల్యాండ‌రింగ్ చేసేవారు, అంతేకాకుండా, ఇటీవ‌ల జ‌రిగిన ఎన్నిక‌ల్లో ఓట్ల కోసం రూ.2వేల నోట్ల‌ను ఎక్కువ‌గా ఉప‌యోగిస్తున్న‌ట్టు త‌మ దృష్టికి వ‌చ్చింద‌ని, అటువంటి కార్య‌క‌లాపాలు ఇక‌పై జ‌ర‌గ‌కుండా ఉండేందుకు ప్ర‌స్తుతానికి రూ.2వేల నోట్ల ముద్ర‌ణ‌ను ఆపేసిన‌ట్టు చెప్పారు సుభాశ్ చంద్ర గార్గ్‌.