బిగ్ బ్రేకింగ్ : జ‌గ‌న్‌కు వ్య‌తిరేకంగా ఒక్క‌టైన ప‌వ‌న్, ఎమ్మార్పీఎస్‌..!

0
192

వాస్త‌వానికి 2014 ఎన్నిక‌ల‌కు ముందు చంద్ర‌బాబు నాయుడు పాద‌యాత్ర చేసే స‌మ‌యంలో త‌న‌పై అన్ని ప్రాంతాల్లో తీవ్ర వ్య‌తిరేక‌త ఉండ‌టాన్ని ముందే గ్ర‌హించి ద‌ళితుడ్ని, ఎమ్మార్పీఎస్ నేత‌ల‌ను ముందు పెట్టుకుని పాద‌యాత్ర చేశార‌ని ఏపీ విద్యావంతుల వేదిక అధ్య‌క్షులు కే.ఎస్‌.రావు అన్నారు. కాగా, ఇవాళ కే.ఎస్‌.రావు ఓ ప్ర‌ముఖ ఛానెల్ డిబేట్‌లో పాల్గొని మాట్లాడుతూ.. ద‌ళితుల‌ను ముందు పెట్టుకుని పాద‌యాత్ర చేసిన చంద్ర‌బాబు అధికారంలోకి వ‌చ్చిన వెంట‌నే ఎమ్మార్పీఎస్‌కు వెన్నుపోటు పొడిచారని విమ‌ర్శించారు. ఏపీలో ద‌ళితుల‌ను ఏకం చేసేందుకు ఎమ్మార్పీఎస్, మంద కృష్ణ‌ నిర్వ‌హించే బ‌హిరంగ స‌భ‌ల‌కు అనుమ‌తులు ఇవ్వ‌కుండా చంద్ర‌బాబు అడ్డుప‌డ్డాడ‌ని కే.ఎస్‌.రావు గుర్తు చేశారు.

వైఎస్ఆర్ కాంగ్రెస్ పార్టీకి వ్య‌తిరేకంగా చంద్ర‌బాబు నాయుడు, తెలుగుదేశం పార్టీ మాత్ర‌మే ప‌నిచేస్తుంద‌ని అంద‌రూ భావిస్తున్నార‌ని, ప‌రోక్షంగా మాత్రం చంద్ర‌బాబు, తెలుగుదేశంతోపాటు ప‌వ‌న్ క‌ళ్యాణ్ మంద కృష్ణ కూడా ప‌నిచేస్తున్నార‌న్నారు. గ‌త పాతిక సంవ‌త్స‌రాలుగా ఎమ్మార్పీఎస్ ఉద్య‌మాన్ని న‌డిపి ఇప్పుడు కేవ‌లం ఒక్క చంద్ర‌బాబు నాయుడు కోస‌మే మంద కృష్ణ ద‌ళితుల‌ను మోసం చేస్తున్నార‌న్నారు. ఆ క్ర‌మంలోనే చంద్ర‌బాబు పాద‌యాత్ర చేయ‌డానికి అవ‌స‌ర‌మైన మాదిగ‌లు.. అధికారంలో చేప‌ట్టాక అవ‌స‌రం లేకుండా పోయారన్నారు.

2014 ఎన్నిక‌ల్లో ఏపీలో గెలిచిన ఎస్టీ ఎమ్మెల్యేలంద‌రూ వైఎస్ఆర్‌సీపీ నుంచేన‌ని, కాబ‌ట్టి గిరిజ‌న స‌ల‌హా మండ‌లి ఏర్పాటు చేస్తే అందులో అంద‌రూ వైఎస్ఆర్ సీపీ ఎమ్మెల్యేలే ఉంటారు కాబ్ట‌టి చంద్ర‌బాబు త‌న ఐదేళ్ల పాల‌న‌లో ఇప్ప‌టి వ‌ర‌కు గిరిజ‌న స‌ల‌హా మండ‌లిని ఏర్పాటు చేయ‌లేద‌ని కే.ఎస్‌.రావు విమ‌ర్శించారు. ఈ ర‌కంగా చంద్ర‌బాబు ఐదేళ్లో రాజ్యంగాన్ని బ‌హిరంగంగానే ఉల్లంఘించార‌ని కే.ఎస్.రావు అన్నారు. కే.ఎస్.రావు అన్న ఈ వ్యాఖ్య‌లపై ఏపీ వ్యాప్తంగా చ‌ర్చ జ‌రుగుతోంది.